Apocalipsis 11:9 - Zapoteco de Aloápam

⁹ Delo tsunna ubisa nalha nna iyáloba benni lhe ca benni rinne iyáloba tisa lhe iyáxeaba ca benni seꞌe lheꞌe iyába ca yiesi seꞌe itúba yies lo yu lhe iláquinna ca benni yattiha. Lacana nna bittu ugüelhacana igatsi ca biꞌiniha.

Apocalipsis 11:9 Iomraidhean Croise

San Mateo 7:2

Cumu attiguaba oquinna iquile anca benni nu te tulha gueni, aníaguaba un Tata Do Iyyabaaha len lebiꞌi. Loesi nu rudhacale adí benni, loesi unnuhaguaba odequi Ben-na guele.

Apocalipsis 10:11

Nianna bientia rá ttu benni neti: ―Raca duelha quixxiꞌalu attu libe gue nu chi gaꞌana sate ixeru ca benni seꞌe lheꞌe ca yiesi seꞌe yies lo yu, ca benni rinne iyáloba tisa lhe ca nu rinnabia seꞌe yies lo yu lhe.

Apocalipsis 11:11

Ttiaca dequide ute tsunna ubisa nalha nna benitteba Tata Do Iyyabaaha beacani ca biꞌiniha. Ca biꞌiniha nna guadhattebacabi beseꞌe racabi. Iyába ca nu biláquinna ca biꞌiniha nna usilha usi juisiabaquinna.

Apocalipsis 13:7

Uxíguana derechu itilhana lenna ca benni gue Tata Do Iyyabaaha, dhana locabi lhe. Uxíguabana derechu acana nu innabia iyáxeaba ca benni seꞌe lheꞌe iyába ca yiesi seꞌe itúba yies lo yu, iyáloba benni lhe ca benni rinne iyáloba tisa lhe.

Apocalipsis 17:15

Ráguaba ingeliha neti: ―Ca inda nu bilenlu do nuila requi rutesa latin-na locani nna ancacana iyáxeaba ca benni seꞌe lheꞌe iyába ca yiesi seꞌe itúba yies lo yu, iyáloba benni lhe ca benni rinne iyáloba tisa lhe.

Apocalipsis 5:8

Atti bedaxxu Benni anque Carneꞌeha sitsiha nna itapaba ca nu baniha lencabi ttapa erúa (24) ca benniolaha nna bedútteba xibicabi lo Benni anque Carneꞌeha. Iyába ca biꞌiniha dencabi nu rulha lencabi te láni arpa, denguabacabi ttuttu copa ancacana leni oro, sa ticana yala. Yalaha nna ancana ca tisa gue ca benni chi anca gue Tata Do Iyyabaaha rulisacabi Benniha.

Apocalipsis 5:9

Lacabi nna rulhacabi ttu cantu cubi rácabi benni anque Carneꞌeha: Lu ancalu Benni elha ralhalu udaxxulu sitsi-na, cualu ca sellu re roꞌo sitsi-na lhe. Cumu lu nna bettican lu, leni reni gueluha nna bodilálu iyáxeaba ca benni seꞌe lheꞌe iyába ca yiesi seꞌe itúba yies lo yu, iyáloba benni lhe ca benni rinne iyáloba tisa lhe qui acacana gue Tata Do Iyyabaaha.