Apocalipsis 11:3 - Zapoteco de Aloápam

³ Neti nna idhelhaguaba chupa ca benni qui quixxiꞌacabi ca tisa quia-na delo ttu mil yuꞌu chupa gayua yuꞌu gayuna (1.260) ubisa. Ca biꞌiniha nna ucu xo ttipa guecabi.

Apocalipsis 11:3 Iomraidhean Croise

San Mateo 11:21

—¡Carusiꞌirule, xa benni seꞌe lheꞌe yiesi Corazín! ¡Carusiꞌirule, xa benni seꞌe lheꞌe yiesi Betsaida! Cumu ttirca lheꞌe yiesi Tiro lhe Sidón lhe chi uca ca milagru uca len lebiꞌiha nna nucala chi bodú xiyyan ca nua bodaxxucana neda gue Tata Do Iyyabaaha qui dhie elha xen lasi guecani. Chi ucucana ca lari ttipa lhe bedelha iquicani te gue gui lhe qui uleꞌe lo gualí re lenquinna gue nu bencana.

San Mateo 18:16

Ttiaca gansi bittuba udo nagani guelu, uchee attu benni o chupa benni. Anía nna tseꞌe chupa o tsunna ca benni una nagacani gue iyába nu inne lenlu nua.

San Lucas 10:13

’¡Carusiꞌirule xa benni seꞌe lheꞌe yiesi Corazín! ¡Carusiꞌirule, xa benni seꞌe lheꞌe yiesi Betsaida! Cumu ttirca lheꞌe yiesi Tiro lhe Sidón lhe chi uca ca milagru uca len lebiꞌiha nna nucala chi bodú xiyyan ca nua bodaxxucana neda gue Tata Do Iyyabaaha qui dhie elha xen lhasi guecani. Chi ucucana ca lari ttipa lhe chi usiacana lheꞌe te gue gui lhe qui uleꞌe lo gualí re lenquinna gue nu bencana.

San Lucas 24:48

Lebiꞌi ancale ca benni biyú lole iyá nu ucaha.

San Juan 15:27

Anáguaba lebiꞌi lhe quixxiꞌaguabale quia, cumu atti udulolia beleꞌetia ca benni, lebiꞌi nna chi seꞌele len neti.

San Juan 3:27

Juan becabibi rábi: —Ni ttu benni bittu aca gueni unna ttu bixa gansi läba Tata do iyyabaaha aca lanie na qui unna nua.

Hechos 1:8

Ttiaca gansi chi bisía Espíritu gue Tata Do Iyyabaaha itúba cuerpu guele, lania nna utee derechu guele qui iríale tsiale quixxiꞌenle ca benni seꞌe lheꞌe yiesi Jerusalén-ni quia, itúba lo yu te láni Judea lhe anáguaba lo yu te láni Samaria lhe itútteba yies lo yu-ni lhe.

Hechos 13:31

Ixeru ubisa beleꞌe loe len ca benni denalhacabi Benniha atti biríe lo yu te láni Galilea bisíne lheꞌe yiesi Jerusalén. Nnanna nna ca biꞌiniha unna requicabi riguixxiꞌaquinbi ca benni gue Jesús.

Hechos 2:32

Gualíba Jesúsba Benniha beni belhidha Tata Do Iyyabaaha lo elhuttiha. Gue unnuha nna iyábatu ancatu benni biyú lotu.

Hechos 3:15

Lebiꞌi nna Benni rute elha nabani gueriha la bettile. Ttiaca Tata Do Iyyabaaha nna benie beaquin Benniha, belhidhe Benniha lheꞌe baa atta yuꞌu ca nu yatti-na. Riꞌitu ancatu benni biyú lotu gue iyá nu uca.

1 Corintios 12:28

Len lebiꞌi ca benni ria le Jesús boseꞌe Tata Do Iyyabaaha, primertteba ca benni chi gaꞌanani Jesús iche ca tisa guee lá apóstol, berupa nna ca benni rixxiꞌa ca tisa rute Tata Do Iyyabaaha len lacabi, beyonna nna ca benni aca maestru uleꞌe ca tisa guee-na, lenla nna ca benni runi milagru, dequila nna daa ca benni reoni ca benni rani, ca benni uni yuda adí benni lhe ca benni riguꞌucana neda ca benni len nu uncana lhe ca benni rinne ixe lo tisa subi rute Tata Do Iyyabaaha lhe.

2 Corintios 13:1

Ni eyonna libe ita atta seꞌele-na. Iyába bixa guacaba elha uxtisi gueni, ladiba seꞌe chupa o tsunna benni begüia locani gue nu uca.

Efesios 4:11

Laguabe roseꞌe ca benni runi sina guee lhe ttulhecabi ancacabi apóstol, a ttu lhecabi nna ancacabi profeta, adícabi nna ancacabi benni requi riguixxiꞌa ca tisa guee, a ttu lhecabi nna ancacabi ca biꞌin-ni ruyú ca benni ria lecabi guee ruleꞌeguabaquinbi ca benni ca tisa guee-na.

Apocalipsis 1:5

Anáguaba uni Jesús Benni anque Cristu len lebiꞌi. Lee anque benni rixxiꞌa nu anca gualí, anque Benni primerba beadhe lheꞌe baa atta yuꞌu ca nu yatti-na lhe anque Benni rinnabia ra xxeni lee gue de lo iyá ca nu rinnabia seꞌe yies lo yu-ni lhe. Lee nna racanie gueri. Leni reni guee bilali atti utee lo ya crusiha nna bodile ri lo ca tulha gueriha.

Apocalipsis 11:2

Ttiaca bittu urixxibialu lheꞌeliꞌa gue yotu-na, cumu chiba betea unná leni ca benni bittu ria lecani neti. Ca unná utsutsa uleacana yies quia-na chua yuꞌu chupa (42) beo.

Apocalipsis 11:6

Ca biꞌin-ni nna ancacabi nu ra xxeni leni. Lacabi nna guacaba guecabi ottocabi lo bea-na qui bittu aca iyya ittúttuba atti tsequicabi quixxiꞌacabi gue Tata Do Iyyabaaha. Dhaguabacabi eyoncabi inda-na reni lhe utecabi ixe loba elha disa gue iyába nu seꞌe yies lo yu lhe balhaxaba libe raca lecabi.

Apocalipsis 12:6

Nuilaha nna bexunnittebana diana lo yu bisi, atta chi ancani Tata Do Iyyabaaha dhona. Cumu nía utecana nu gona itúba ttu mil yuꞌu chupa gayua yuꞌu gayuna (1.260) sá.

Apocalipsis 13:5

Tata Do Iyyabaaha nna begüeelhabe nimala biría lheꞌe indattooha benna ttaba lhe unne güena gue Benniha lhe. Uxíbana derechu unna anía chua yuꞌu chupa (42) beo.

Apocalipsis 19:10

Neti nna bedútteba xibia lo ingeliha qui utsá loa bi, ttiaca ingeliha nna ráttebabi neti: ―Bittu unlu aná, lo Tata Do Iyyabaaha bedú xibilu, cumu nu runi sina gue Ben-naguaba anca neti, attiba luu lhe attiba adí ca benni ria le Jesús den tsitsicabi ca tisa utixxiꞌa Ben-na lhe. Cumu ca tisa utixxiꞌa Jesús ancaque ca tisa nu ruttipaque le ca benni qui usiguicabi quixxiꞌacabi ca tisa rute Tata Do Iyyabaaha len lacabi.

Apocalipsis 20:4

Beleꞌeguabatia ca xxila atta ribía ca nu rinnabia. Lo ca unnuha nna usia ca biꞌini chi begüeelha Tata Do Iyyabaaha cabi uncabi elha uxtisi. Beleꞌeguabatia ca benni uchecucana iquicabi de den tsitsicabi ca tisa utixxiꞌa Jesús, lo niꞌa gue ca tisa gue Tata Do Iyyabaaha lhe. Ca biꞌin-ni nna läga bedú xibicabi lo nimala biría lheꞌe indattooha, niguaba lo mentu anca attiba unnuha lhe lä uxielhaguabacabi cue senni gue nua nácabi o lo xeacabi lhe. Ca biꞌin-ni nna beleꞌetia beacaquinbi, nianna unnabiacabi leni Benni anque Cristu ttu mil ida.