Apocalipsis 11:2 - Zapoteco de Aloápam

² Ttiaca bittu urixxibialu lheꞌeliꞌa gue yotu-na, cumu chiba betea unná leni ca benni bittu ria lecani neti. Ca unná utsutsa uleacana yies quia-na chua yuꞌu chupa (42) beo.

Apocalipsis 11:2 Iomraidhean Croise

San Mateo 27:53

Lacabi nna beríattebacabi lheꞌe ca baa atta yuꞌucabiaha, dequide chi beacani Jesús, ca biꞌiniha nna betaꞌattebacabi lheꞌe yiesi anca lheꞌaha, unnuha nua yiesi Jerusalén, ixeru ca benni seꞌe nía biláquinbi ca biꞌiniha.

San Mateo 4:5

Laniala nna uche nu xxegüiha Jesús lheꞌe yiesi anca leꞌaha, delába Jerusalén. Nía belhopina Benniha axta atta yadharu gue iqui yotuha.

San Mateo 5:13

’Lebiꞌi ancale attiba deti seꞌele lagüi gue ca benni seꞌe yies lo yu-ni, ttiaca gansi deti-na enitti ixe gueni, lärgaga aca eyona ixe attu libe. Lania nna tsa lärgabi ixuuna, iruꞌunabana ca lheꞌeliꞌa-na, qui ulea benni iquini.

San Lucas 21:24

Ttulhecana gatticana lo ná ca soldado, adícana nna iyaxxucana echecan cana lheꞌe ca yiesi dittu. Ca benni dittu nna udhaca güecana yiesi Jerusalén-ni, axta liba lhuxa ca sá chi gaꞌanani Tata Do Iyyabaaha satecana.

Hebreos 10:29

Gansi anía anca, lebiꞌi nna ¿bi raquinle? ¿Si laba ganna xxenirula anca elha disa ralha ca nu riguꞌu niꞌacani Xiꞌini Tata Do Iyyabaaha, ca nu bittu rugüecana lidhaca reni belali Benniha atti uttie? Reniha nua beni beꞌan tsitsi tisa cubi bodhaꞌan Tata Do Iyyabaaha len riꞌi, benie ucari benni seꞌe riesi anca gue Ben-na lhe. Tsitsirla anca nu sate ca nu rinne güecana gue Espíritu gue Tata Do Iyyabaaha, Benni raca lanie cana.

Apocalipsis 11:11

Ttiaca dequide ute tsunna ubisa nalha nna benitteba Tata Do Iyyabaaha beacani ca biꞌiniha. Ca biꞌiniha nna guadhattebacabi beseꞌe racabi. Iyába ca nu biláquinna ca biꞌiniha nna usilha usi juisiabaquinna.

Apocalipsis 11:3

Neti nna idhelhaguaba chupa ca benni qui quixxiꞌacabi ca tisa quia-na delo ttu mil yuꞌu chupa gayua yuꞌu gayuna (1.260) ubisa. Ca biꞌiniha nna ucu xo ttipa guecabi.

Apocalipsis 12:6

Nuilaha nna bexunnittebana diana lo yu bisi, atta chi ancani Tata Do Iyyabaaha dhona. Cumu nía utecana nu gona itúba ttu mil yuꞌu chupa gayua yuꞌu gayuna (1.260) sá.

Apocalipsis 21:10

Nianna Espíritu gue Tata Do Iyyabaaha nna uyuꞌuttebe itúba lheꞌe cuerpu quia, atti uchetteba ingeliha neti iqui ttu iꞌiya xeni yadha. Nía beleꞌenbi neti Jerusalén, yiesi xeni anca leꞌa gue Tata Do Iyyabaaha biríe atta do Benniha dee guadie.

Apocalipsis 21:2

Neti, Juan, beleꞌetia Jerusalén cubiha, yiesi gue Tata Do Iyyabaaha, biríe atta do Benniha iyyabaaha guadie dee. Yiesiha nna chi gaꞌana tsee, attiba ttu nuila chi bedú tseena qui dhína unbiyuu.

Apocalipsis 22:19

Gansi nuxa cuana ttu ca tisa rixxiꞌa gue nu chi daa aca dia lo libro-ni, Tata Do Iyyabaaha cuee derechu te gueni edí baana nu ralhana dhína sia lo yaga rute elha nabani ttu dia lii, bittu ugüelhe na etaꞌana lheꞌe yiesi gue Benniha lhe. Gue unnuha unní dia lo libro-ni.