Apocalipsis 1:7 - Zapoteco de Aloápam

⁷ ¡Gualúnarga ni, Jesucristuha dedee lheꞌe bea-na! Iyá recha benni iláquinna Benniha. Ca nu betticana Benniha lhe iláguabaquinne. Iyába ca benni seꞌe yies lo yu-ni cuescana de elenquinna gansi chi biláquinna Benniha. Gualíba aníaba aca. Amén.

Apocalipsis 1:7 Iomraidhean Croise

San Mateo 16:27

Cumu neti Benni unbiyuu daa iyyabaaha esíaya dedaaya lheꞌe xieni gaꞌana tsee gue Tata quia do iyyabaaha lenia ca ingeli gue Ben-na. Lania nna utea nu ralha ttu ttu benni dhína, gue cua nu benbacana.

San Mateo 16:28

Neti nna gualíbatia ria le, ttulhele ca nu seꞌe-ni nna läga gattixxile antisla ilenle neti Benni unbiyuu daa iyyabaaha dedaaya anca Benni rinnabia.

San Mateo 24:30

Nianna aca ttu nu aca lo bea-na, nu uleꞌe lona neti Benni unbiyuu daa iyyabaaha chi dedaaya. Lania nna iyárechaba ca benni seꞌe yies lo yu-ni elenquinna lhe cuescana lhe atti iláquinna neti dedaaya lheꞌe ca bea-na anca benni ra xxeni leni, ruꞌu xieni gaꞌana tsee quia lhe.

San Mateo 25:31

’Gansi chi besíaya neti Benni unbiyuu daa iyyabaaha, dedaaya deyuꞌa lheꞌe xieni gaꞌana tsee quia, lenia iyáxea ca ingeli quia-na, qui dhoa lo xxila gaꞌana tsee quia innabiaya.

San Mateo 26:64

Jesús becabie re na: —Luba chi rálu. Anáguaba neti, upeguaba le, lebiꞌi nna desde nnannali ilenle neti Benni unbiyuu daa iyyabaaha dhoa daca ladu derechu gue Tata Do Iyyabaaha benni ra xxeni lee, iláguabinle neti dedaaya lheꞌe ca bea daa iyyabaaha lhe.

San Marcos 13:26

Lania liba nna iláni ca benni seꞌe yies lo yu-ni neti Benni unbiyuu daa iyyabaaha dedaaya lheꞌe ca bea-na anca benni ra xxeni leni, ruꞌu xieni gaꞌana tsee quia lhe.

San Marcos 14:62

Jesús becabie re na: —Agu, netiba nua. Lebiꞌi nna güilabinle neti Benni unbiyuu daa iyyabaaha dhoa daca ladu derechu gue Tata Do Iyyabaaha Benni ra xxeni lee, iláguabinle neti dedaaya lheꞌe ca bea daa iyyabaaha lhe.

San Lucas 21:27

Lania nna iláni ca benni, neti Benni unbiyuu daa iyyabaaha dedaaya lheꞌe ttu bea anca benni ra xxeni leni, ruꞌu xieni gaꞌana tsee quia lhe.

San Juan 19:34

Ttu ca soldadoha nna begaꞌattebana nu do iyya ttutsi loni dennaha uxtil gue Benniha. Atta utaꞌa nua nna biríatteba inda lhe reni lhe.

San Juan 19:37

Ráguaba attu re lo ca sitsi-na: “Ugüiacana benni begaꞌacana nu do iyya ttutsi loni cuitteha.”

1 Tesalonicenses 1:10

Anáguaba rixxiꞌacana, lebiꞌi nna seꞌele ribedale esía xiꞌinie Jesús dedee iyyabaaha. Benniha nua belhidha Tata Do Iyyabaaha lheꞌe baa atta yuꞌu ca nu yatti-na. Jesús anque Benni rodile ri qui bittu dhíri elha disa la tsuꞌubia chi daba isía ute Tata Do Iyyabaaha gue ca benni.

1 Tesalonicenses 4:17

Lenla nna dedaa riꞌi ca benni bani sna seꞌerbari yies lo yu-ni, tulapaba olhopi Tata Do Iyyabaaha ri lenri ca biꞌiniha lo bea-na, qui etiꞌari Jesús Benni bananie ri lo be. Aníaba tseꞌe lenri Benniha ttu dia liiba.

Hebreos 10:29

Gansi anía anca, lebiꞌi nna ¿bi raquinle? ¿Si laba ganna xxenirula anca elha disa ralha ca nu riguꞌu niꞌacani Xiꞌini Tata Do Iyyabaaha, ca nu bittu rugüecana lidhaca reni belali Benniha atti uttie? Reniha nua beni beꞌan tsitsi tisa cubi bodhaꞌan Tata Do Iyyabaaha len riꞌi, benie ucari benni seꞌe riesi anca gue Ben-na lhe. Tsitsirla anca nu sate ca nu rinne güecana gue Espíritu gue Tata Do Iyyabaaha, Benni raca lanie cana.

Hebreos 6:6

ca benni-ni nna gansi udhancana tsia lecani Cristuha, lärgaga aca eyequicana odaxxucana neda gue Ben-na attu libe, cumu attisiba cuinaba lacana rotácana xiꞌini Tata Do Iyyabaaha lo ya crusiha attu libe, runcana rettuni Benniha aní lo iyá benni lhe.

1 Juan 3:2

Ca benni ria le Jesús, racatia guele, riꞌi nna chi ancari xiꞌini Tata Do Iyyabaaha, masquiba bittu chi yuri gattigasná eyacari, ttiaca riꞌi nna chiba yuri gansi chi besía Cristuha, lania nna eyacari attiba anca Benniha, cumu lania nna ilenrie attiga anque.

Judas 1:14

Anáguaba Enoc, biꞌini uca nu gasi libixxi uli dequide Adán, utixxiꞌaguabi gue ca unní len ca tisa bete Tata Do Iyyabaaha len labi, atti unnebi rábi: “Gualgüiarga, chi dedaa Benni bananie ri-na leni ixe mili ca ingeli guee,

Apocalipsis 22:20

Jesús benni rixxiꞌa unní nna re: “¡Gualíba, neti nna chi tte deoba esíaya!” Amén. ¡Betaa Jesús Benni bananie riꞌitu!

Apocalipsis 22:4

Lania nna aníga iláquinbi Benniha, tsia lá Benniha lo xeacabi lhe.