Apocalipsis 1:4 - Zapoteco de Aloápam

⁴ Neti Juan ridhelha sitsi-ni gasi re atta seꞌe ca benni ria le Jesús lo yu gue Asia. Tata Do Iyyabaaha Benni do nnanna lhe Benni ttu dola lhe Benni dho tiempu chi daba lhe anáguaba a gasi ca espíritu seꞌe daca lo xxila atta doe rinnabie lhe cuina laque aca lenque le, uteque elha xen lasi lenle lhe.

Apocalipsis 1:4 Iomraidhean Croise

San Juan 1:1

Atti deobali cue yies lo yu-ni nna chila do Benni anque tisa-na. Benni anque tisaha nna len Tata Do Iyyabaahaba doe, la tisahaba Benniha anque Tata Do Iyyabaaha.

Hechos 19:10

Aníaba benbi delo chupa ida. Larcala iyába ca benni seꞌe daca lo yu gue Asia bienquinna ca tisa gue Benni Bananie ri-na, ca nu Israel lhe ca nu dittuba lhe.

Hechos 2:9

Riꞌi ancari ca benni daa daca lo yu gue Partia lhe daca lo yu gue Media lhe daca lo yu gue Elam lhe daca lo yu gue Mesopotamia lhe daca lo yu gue Judea lhe daca lo yu gue Capadocia lhe daca lo yu gue Ponto lhe daca lo yu gue Asia lhe

Romanos 1:7

Runia lo sitsi-ni ridhelha guele, iyábale ca benni racani Tata Do Iyyabaaha guele seꞌe lheꞌe yiesi Roma-na. Lebiꞌi nna chi uxie le acale benni seꞌe riesi chi anca guee. Cuina Tata gueri do iyyabaaha lenie Jesucristu Benni bananie ri edá leque aca lenque le, unque tseꞌele xen su lee lhe.

1 Corintios 1:3

Cuina Tata gueri do iyyabaaha lenie Jesucristu Benni bananie ri aca lenque le, unque tseꞌele xen su lee lhe.

2 Corintios 1:2

Cuina Tata gueri do iyyabaaha lenie Jesucristu Benni bananie ri edá leque aca lenque le lhe unque tseꞌele xen su lee lhe.

Hebreos 13:8

Jesucristuha nna ttuba anca Benniha lägabi resía Benniha. Ben-naba nua do atti nía, Ben-naba do nnanna lhe Ben-naba dho ttu dia liiba lhe.

Santiago 1:17

Iyába nu tsee lhe iyába nu anca idaꞌa lhe iyyabaahali daa nua. Tata Do Iyyabaahaba ridhelhe nua. Labe benie iyába ca nu riguꞌu xieni sia lo bea-na. Ca unná nna rotsíaba xieni guecani, Tata Do Iyyabaaha nna satíaba anque nu anque, tsa läga rotsía benniha elha run guee attiba ttu xula resíana.

Apocalipsis 1:1

Ca tisa dia lo sitsi-ni rixxiꞌa gue nu beni Tata Do Iyyabaaha beleꞌeni Jesús, qui lee nna unie uleꞌeni ca benni rixuu lo sina guee gue nu chi daa ribiga aca. Jesucristuha nna udhelhe ttu ingeli guee qui beleꞌe lobi iyá unní len neti Juan biꞌini rixuu lo sina guee.

Apocalipsis 1:11

Benni unneeha nna re neti: [―Neti nua anca Benni du atti udulo lhe Benni du atti lhuxa lhe attiba letra A lenna letra Z.] Beni lo sitsi nu rilenlu-ni, nianna udhelha na gasi re atta seꞌe ca benni ria le neti lo yu te láni Asia, delába lheꞌesi Éfeso lhe Esmirna lhe Pérgamo lhe Tiatira lhe Sardis lhe Filadelfia lhe Laodicea lhe.

Apocalipsis 1:17

Atti bilátia Benni nna attiba binna ttu nu yatti biyinna loe. Ttiaca Benni nna bexxúatteba ná derechu guee iquia, nianna re neti: —Bittu gasinlu. Neti nua anca Benni do primero, Benni do ttu dia liiba lhe

Apocalipsis 1:20

Unní diani gasi ca beli bilenlu denia leni ná derechu quia, a gasi ca candeleru anca leni oro-na lhe. Gasi ca beli-na ancacana gasi ca ingeli ruyúcabi ca benni ria lecani neti seꞌe lheꞌe gasi ca yies-na, gasi ca candeleru-na nna ancacana ca benni ria lecani neti seꞌe lheꞌe gasi ca yies-na.

Apocalipsis 1:8

“Neti anca Benni du atti udulo lhe Benni du atti lhuxa lhe attiba letra A lenna letra Z”, aná rá Tata Do Iyyabaaha Benni bananie ri. Lee anque Benni do nnanna Benni ttu dola lhe Benni dho tiempu chi daba lhe anque Benni raxxatta tsitsi lee lhe.

Apocalipsis 1:9

Neti Juan, anca benni ria le Jesús attiba lebiꞌi. Rugo ruchíaya lo elha disa ruyúa attiguaba lebiꞌi de ria leri Jesús, anáguaba ttuba seꞌeri ribedari isía sá innabia Tata Do Iyyabaaha. Níaba doa lo yu nu te láni Patmos re lagüi indattooha atta guacaꞌancana neti lo niꞌa gue de requia rixxiꞌaya ca tisa gue Tata Do Iyyabaaha, de rixxiꞌaya gue nu beni Jesús lhe.

Apocalipsis 16:5

Neti nna bientia unnee ingeli banani inda-na rábi: Lu, Tata Do Iyyabaaha Benni nari do riesi, Benni ttu dola lhe Benni do nnanna lhe lhixxaba runlu elha uxtisi atti ridhelhalu ca elha disa-ni yies lo yu.

Apocalipsis 2:12

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Pérgamo, gus cana: “Aní rá benni deni espada ttutsi ria irpa ladu roꞌoniha.

Apocalipsis 2:18

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Tiatira, gus cana: “Aní rá Xiꞌini Tata Do Iyyabaaha, Benni anca ca iyya loe attiba belha gue gui, ca niꞌe nna ruꞌuni xieni gueque de racalaabaque, attiba ttu iyya te láni bronce de chi bixína ttulapa.

Apocalipsis 2:8

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Esmirna, gus cana: “Aní rá Benni udo primerba lhe Benni do ttu dia liiba lhe Benni uttie nna beacanie attu libe.

Apocalipsis 22:16

“Neti, Jesús, udhelha ingeli quia-ni qui quixxiꞌenbi le, lebiꞌi ca benni ria lele neti iyá unní. Neti anca Benni datía David. Anca attiba beli raca galha riria ca dila-na lhe.”

Apocalipsis 22:8

Neti Juan anca benni bilátia lhe bientia lhe ca unní. Dequide bilátia lhe bientia lhe ca unní nna bedútteba xibia lo ingeli beni beleꞌenbi neti iyá ca unní qui utsá loa bi.

Apocalipsis 3:1

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Sardis, gus cana: “Aní rá Jesús Benni bananie gasi lo nu anca Espíritu gue Tata Do Iyyabaaha, Benni denie gasi ca beli lhe. Neti nna yuxeaba gue iyába nu runle. Ca benni nna rácana dequi lebiꞌi nna ancale benni yuꞌu elha nabani gueni, ttiaca neti nna yua lebiꞌi nna nu yattiba ancale.

Apocalipsis 3:14

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Laodicea, gus cana: “Aní rá Jesús Benni lá Amén. Benni rixxiꞌa nu anca gualí gue Tata Do Iyyabaaha, Benni rinnee nu anca gualí lhe. Benni beni leni Tata Do Iyyabaaha iyáxeaba nu seꞌe yies lo yu-ni lhe iyyabaaha lhe.

Apocalipsis 3:7

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Filadelfia, gus cana: “Aní rá Jesús Benni do riesi anca gue Tata Do Iyyabaaha, Benni gualíga anque Cristo. Lee denie yagüi gue David biꞌini uca nu rinnabia. Benniha nna nuttu nu te dhana idhalna atta rottoe, nuttuguaba nu te dhana ottona atta ridhalie lhe.

Apocalipsis 4:5

Atta du xxila do benni rinnabiaha nna riría edha lhe ruꞌu be lhe ratsa lhe. Daca lo xxila atta do Benniha nna sia gasi ca yanalha gui ralha. Ca guiha nna ancaque gasi espíritu rixuuque lo sina gue Tata Do Iyyabaaha.

Apocalipsis 4:8

Coa ttuttuba ca nu baniha nna sia xxupa xxilacani. Itúba lo cuꞌe ca xxilacaniha nna sia ca iyya lo. Rela resába nna tsa bittu redí lecani rácana: ¡Tata Do Iyyabaa, Benni bananie riꞌitu. ¡Lu ancalu Benni nari do riesi! ¡Lu ancalu Benni nari do riesi! ¡Benni nari do riesi ancalu, xa Tata Do Iyyabaa benni raxxatta tsitsi lee! ¡Lu ancalu benni dolu nnanna lhe benni ttu dola lhe benni dho tiempu chi daba lhe!

Apocalipsis 5:6

Nianna beleꞌetia rulha gue atta du xxila do Benni rinnabiaha, rulha gue ttapa ca nu baniha lhe rulha gue ttapa erúa (24) ca benniolaha lhe du ttu carneꞌe ruleꞌe chi betticane, sia gasi sittiquie, gasi iyya loe lhe. Ca gasi iyya lo Benniha nna ancaque gasi ca espíritu rixuu lo sina gue Tata Do Iyyabaaha udhelhe itúba yies lo yu.

Apocalipsis 8:2

Nianna beleꞌetia gasi ca ingeli seꞌe lo Tata Do Iyyabaaha. Ca biꞌiniha nna uxícabi gasi trompeta.