Apocalipsis 1:10 - Zapoteco de Aloápam

¹⁰ Atti bisía anca sá gue Benni bananie ri-na, Espíritu gue Tata Do Iyyabaaha bisíattebe uyuꞌe itúba lheꞌe cuerpu quia, nianna bienttebatia tsiꞌi ttu benni daca cuꞌela unnee idisa attiba ttu atta riguꞌu tsiꞌi ttu trompeta.

Apocalipsis 1:10 Iomraidhean Croise

San Mateo 22:43

Lee nna re cana: —Gansi David ancabi benniola gue Cristuha nna ¿biacala, atti yuꞌu Espíritu gue Tata Do Iyyabaaha lheꞌe cuerpu gue biꞌiniha nna rábi Benniha: “Lu ancalu benni Baninlu neti”? Cumu David rábi:

San Juan 20:19

Atti chi daa raca ela la sá dumincutteba, sá redú niꞌa xumanu, ca biꞌini rudheti ca tisa ruleꞌe Jesús, yayabincabi puerta gue yoꞌo atta bitupacabiha, cumu rasquinbi lo ca nu lo gue ca benni Israel. Nianna ucaxxe Jesús udúe salhe guecabi, atti re ca biꞌiniha: —¡Xen su lee gualtseꞌe!

San Juan 20:26

Dequide ute xxunu ubisa nna ca biꞌini rudheti ca tisa ruleꞌe Jesús bedetupattebacabi attu libe lheꞌe ttu yoꞌo. Laniarguaba nna níaba du Tomás len ca biꞌiniha. Riꞌitu nna yayabintu yoꞌoha. Jesús ucaxxettebe lheꞌe yoꞌoha udúe salhe guetu. Nianna re riꞌitu: —¡Xen su lee gualtseꞌe!

Hechos 20:7

La sá bedú niꞌa xumanu nna beseꞌettebatu ttu reba qui gotu rse gue Benni Bananie ri-na. Pablo nna udulottebabi unnebi belisabi ca benni chi ria le Jesús. Cumu etteyú dilaba nua chi edábi, nuarca bisábi unnebi leni ca benni seꞌe nía axta bisía riloela.

1 Corintios 12:3

Larcala nna raca lasia unale nnanna: “Ni ttu benni chi yuꞌu Espíritu gue Tata Do Iyyabaaha lheꞌe lastooni, aca quena iqui Jesús.” Bittuguaba aca inná ni ttu benni: “Jesús anque Benni bananie neti”, gansi bittuba yuꞌu Espíritu gue Tata Do Iyyabaaha lheꞌe lastooni.

1 Corintios 16:2

Cua ttuttu sá redú niꞌa xumanu cuequies ttuttule ttu latti belhi gue cua nu uxíbale gue sina benle. Unnuha nna cua tseele na qui gansi chi bisíaya nna bittu tsequile güettupa belhi.

Apocalipsis 17:3

Nianna bisíatteba Espíritu gue Tata Do Iyyabaaha uteꞌe lheꞌe cuerpu quia, atti uchetteba ingeliha neti daca lo yu bisiha. Nía beleꞌetia ttu nuila dona cuꞌe ttu nimala xinaa nu guatelaba ancana sia gasi choettuiquini, a tsii sittiquini nna. Itúba cuerpu gue nimalaha nna dia ca tisa rigúa balaꞌana gue Tata Do Iyyabaaha.

Apocalipsis 21:10

Nianna Espíritu gue Tata Do Iyyabaaha nna uyuꞌuttebe itúba lheꞌe cuerpu quia, atti uchetteba ingeliha neti iqui ttu iꞌiya xeni yadha. Nía beleꞌenbi neti Jerusalén, yiesi xeni anca leꞌa gue Tata Do Iyyabaaha biríe atta do Benniha dee guadie.