Apocalipsis 1:1 - Zapoteco de Aloápam

¹ Ca tisa dia lo sitsi-ni rixxiꞌa gue nu beni Tata Do Iyyabaaha beleꞌeni Jesús, qui lee nna unie uleꞌeni ca benni rixuu lo sina guee gue nu chi daa ribiga aca. Jesucristuha nna udhelhe ttu ingeli guee qui beleꞌe lobi iyá unní len neti Juan biꞌini rixuu lo sina guee.

Apocalipsis 1:1 Iomraidhean Croise

San Juan 12:49

Cumu neti nna läganu anca quia rinnea, Tata quia Benni udhelhe netiha Bennihaba re neti bixa innea lhe quixxiꞌaya lhe.

San Juan 15:15

Lärgaga upea le benni ttoꞌo lo sina quia, cumu nu ttoꞌo lo sinaha nna läga yu nua gaxasná anca gue nu baninna na. Benni seꞌe tsee len netiba upea le nnanna de chi beleꞌetia le iyába nu bina rá Tata quia.

San Juan 17:8

cumu utixxiꞌabatia cana ca tisa betelu len neti, lacana nna bedoba nagacani gue nu rá ca tisa guelha. Chiba yucana atta dolhaba biríaya daya, chiguaba güia lecani luba udhelhalu neti lhe.

San Juan 3:32

Gue nu bilábanie lhe nu bienbanie lhe rixxiꞌe, ttiaca läganu ria leni guee.

San Juan 8:26

Gue nu runle-na xxeni nu tetia upea le lhe udelhiyya le lhe ttiaca Benni udhelhe netiha anque Benni rinne nu anca gualí. Nu rábe neti nna unnuhaba rpea ca benni seꞌe yies lo yu-ni.

Romanos 16:25

Ribequi xenia Tata Do Iyyabaaha benni raca guee runie riseꞌetsitsi chattile lo neda guee, attiba rába ca tisa gue Jesucristuha rixxiꞌaya-ni. Nu rixxiꞌaya-ni nna ancana nu raxxína leni nu ruleꞌeni Tata Do Iyyabaaha ri, nu bittu chi yu benni gueni desdeba atti nía. Unnonna te gatsinie atti deobali cue yies lo yu-ni.

Gálatas 1:12

cumu läganu benni beleꞌenna neti Ben-na, nuttuguaba nu betene len neti lhe. Jesucristuhaba beleꞌenie neti Ben-na.

Efesios 3:3

Tata Do Iyyabaaha benie guadú lasia gue nu chi gaꞌananie unie, attiba chi rixxiꞌatia le saroꞌo lo sitsi-ni. Unní nua bittu chi yuri ca tu ttuha.

Tito 1:1

Neti Pablo anca benni bodú Tata Do Iyyabaaha ixuunie, anca apóstol benni chi gaꞌanani Jesucristu iche ca tisa guee lhe. Lee udhelhe neti qui uleꞌetia ca benni chi becuee tsia lecanie, qui un biacana nu anca gualí nu uni qui uncana nu reꞌo le Tata Do Iyyabaaha,

Apocalipsis 1:19

Beni lo sitsi nu chi bilenlu, nu raca nnanna lhe nu chi acala lhe.

Apocalipsis 1:9

Neti Juan, anca benni ria le Jesús attiba lebiꞌi. Rugo ruchíaya lo elha disa ruyúa attiguaba lebiꞌi de ria leri Jesús, anáguaba ttuba seꞌeri ribedari isía sá innabia Tata Do Iyyabaaha. Níaba doa lo yu nu te láni Patmos re lagüi indattooha atta guacaꞌancana neti lo niꞌa gue de requia rixxiꞌaya ca tisa gue Tata Do Iyyabaaha, de rixxiꞌaya gue nu beni Jesús lhe.

Apocalipsis 17:1

Ttu ca nu gasi ingeli deni ca gasi copaha nna bisíabi atta duha rábi neti: ―Utá qui uleꞌetia lu elha disa dhi nuila ra xxeni leni requi rutesa latini do lo atta te idila inda-na.

Apocalipsis 19:10

Neti nna bedútteba xibia lo ingeliha qui utsá loa bi, ttiaca ingeliha nna ráttebabi neti: ―Bittu unlu aná, lo Tata Do Iyyabaaha bedú xibilu, cumu nu runi sina gue Ben-naguaba anca neti, attiba luu lhe attiba adí ca benni ria le Jesús den tsitsicabi ca tisa utixxiꞌa Ben-na lhe. Cumu ca tisa utixxiꞌa Jesús ancaque ca tisa nu ruttipaque le ca benni qui usiguicabi quixxiꞌacabi ca tisa rute Tata Do Iyyabaaha len lacabi.

Apocalipsis 19:9

Ingeliha nna rábi neti: ―Beni lo sitsi: Carbáru ca benni biyaxi go elha go tsee gue laní gue utsá ná Benni anque Carneꞌe-na. Nianna rábi neti: ―Ca tisa-ni ancaque cuinaga tisa gue Tata Do Iyyabaaha.

Apocalipsis 21:2

Neti, Juan, beleꞌetia Jerusalén cubiha, yiesi gue Tata Do Iyyabaaha, biríe atta do Benniha iyyabaaha guadie dee. Yiesiha nna chi gaꞌana tsee, attiba ttu nuila chi bedú tseena qui dhína unbiyuu.

Apocalipsis 21:9

Ttu ca nu gasi ingeli deni ca gasi copa nu sa ti elha disa daa xubana dhi ca benni seꞌe yies lo yu, bisíabi atta duha rábi neti: ―Utá qui uleꞌetia lu nuila utsá ne nna nuila dhi Benni anque Carneꞌe-na.

Apocalipsis 22:1

Ingeliha nna beleꞌenbi neti ttu yoo nari che inda rute elha nabani ttu dia lii. Indaha nna anque yaa rilá saba lheꞌe attiba lheꞌe tu iyya guana, benniha nna riríe atta du xxila do Tata Do Iyyabaaha rinnabie, atta do Benni anque Carneꞌeha lhe.

Apocalipsis 22:16

“Neti, Jesús, udhelha ingeli quia-ni qui quixxiꞌenbi le, lebiꞌi ca benni ria lele neti iyá unní. Neti anca Benni datía David. Anca attiba beli raca galha riria ca dila-na lhe.”

Apocalipsis 22:6

Ingeliha nna rábi neti: “Ca tisa-ni nna ancaque nu gualí, ancaque tisa dica uxxen le benni gue nu ráque lhe. Tata Do Iyyabaaha Benni bananie ri, Benni rute Espíritu guee leni ca profeta rixxiꞌa ca tisa guee-na lhe lee udhelhe ingeli guee-na qui uleꞌenbi ca benni rixuu lo sina guee nu chi daa ribiga aca.”

Apocalipsis 22:8

Neti Juan anca benni bilátia lhe bientia lhe ca unní. Dequide bilátia lhe bientia lhe ca unní nna bedútteba xibia lo ingeli beni beleꞌenbi neti iyá ca unní qui utsá loa bi.

Apocalipsis 22:9

Ttiaca labi nna ráttebabi neti: “Bittu unlu aná cumu nu runi sina gue Tata Do Iyyabaaha guaba anca neti attiba luu lhe attiba ca profeta raca betsi loeslu utixxiꞌa ca tisa bete Tata Do Iyyabaaha len lacabi lhe attiba iyába ca biꞌini rudo tisa gue nu rá lo libro-ni lhe. Lo Tata Do Iyyabaaha bedú xibilu, Benniha ulequi xxenie.”

Apocalipsis 4:1

Dequide unnuha nna begüiatteba nianna beleꞌetia ttu puerta du yali-na iyyabaaha. Tsiꞌi Benni unnee len neti primeroha, Benni bieni tsiꞌe attiba tsiꞌi ttu trompeta, Benniha unnee re neti: ―Gopi nii. Neti nna uleꞌetia lu nu labíaba aca dequide nu chi bilenlu-na.

Apocalipsis 5:7

Benni anque Carneꞌeha nna güiattebe guadaxxue sitsi deni deca ná derechu gue Benni rinnabia do lo xxilaha.