3 Juan 1:2 - Zapoteco de Aloápam

² Xa benni ria le Jesús, racatia guelu, rinnaba len Tata Do Iyyabaaha qui attiba do tseelu len Benniha nna aníaguaba salía tseen lu leni iyába nu runlu, dho tseelu bittu bi dhacalu lhe.

3 Juan 1:2 Iomraidhean Croise

San Mateo 9:12

Atti bienin Jesús nu rá ca nua nna ráttebe cana: —Ca benni bittu rani-na, lägabi reasaquinna nuxa unna cana ramedi. Ca nu rani-na liba reasaquinna nu eyonna cana.

Filipenses 2:27

Gualíba unbi, a saroꞌoba lä uttibi. Ttiaca Tata Do Iyyabaaha guatúaba lee bi, läga sunru labi guatúa le Benniha, guatúaguaba lee neti lhe qui bitturu dho siꞌa adí dequi de nu chi do siꞌa-ni.

Filipenses 2:4

Ni ttule bittu ulaba lele gue suntteba nu anca guele qui tseꞌe tseele, gualulabaguaba lele gue gasná tseꞌe tsee adí benni.

2 Tesalonicenses 1:3

Lebiꞌi ca benni ria le Jesús attiba riꞌitu, satíaba raca duelha utetu xquixaru leni Tata Do Iyyabaaha guele. Anía raxxína untu, cumu lebiꞌi nna ttu diabale riaru lele Jesús, ttu diaguaba cua ttu ttule racaruin gue loesle lhe.

2 Tesalonicenses 2:13

Tiaca riꞌitu nna satíaba labíaba rutetu xquixaru len Tata Do Iyyabaaha guele, lebiꞌi, ca benni ria le Jesús, racani Jesús Benni bananie ri-na guecani. Rutetu xquixaru len Tata Do Iyyabaaha cumu Benniha chi becuee le atti deobali cue yies lo yu-ni qui lhále. Lebiꞌi nna lhále cumu Espíritu gue Ben-na runie le benni seꞌe riesi lheꞌe nu lä anca tsee qui acale nu anca nari loe, de ria lele nu anca gualí lhe.

Santiago 5:12

Ca benni ria le Jesús racatia gueni, larcala nna bittu udettile iyyabaaha o yies lo yu-ni, niguaba attu bixaruha lhe gansi chi rále unle ttu bixa. Cumu gansi guardhacaba lele gunbale nua nna suntteba gualná: “O”. Gansi bittuba unle nua nna suntteba gualná dequi bittu unle nua, qui bittu udelha iyya Tata Do Iyyabaaha le gansi chi uca elha uxtisi gueri.

1 Pedro 4:8

Delo iyátte nna tsitsi aquin gue loesle, cumu nu raquin gue loesri-na runi ridíri elha xen lhasi gue loesri gue ixeba ca tulha.

2 Pedro 3:18

Nu unlale nna gualunbia tsee chatti Jesús benni bodile ri-na lhe Benni bananie ri-na lhe gualuni tseꞌe tsitsi chattile adí len elha tsee betee Ben-na len lebiꞌi. ¡Benna cuequi xenrie nnanna lhe ttu dia liiba lhe! Amén.

3 Juan 1:1

Neti Juan biꞌini chi anca benniola, ridhelha sitsi-ni guelu, xa biꞌini lá Gayo. Neti nna gualíga racatia guelu.

Apocalipsis 2:9

Neti nna gua yuba gue iyába nu runle, gue chi ratele ruyúle elha disa lhe gue ancale benni bittubi te gueni lhe ttiaca lo Tata Do Iyyabaaha nna ancale benni te gueni. Gua yuguaba nna ca nu rácana ancacana benni Israel-na, rinne güecana guele. Ca unná nna läga ancacana benni gue Tata Do Iyyabaaha, benni gue nu xxegüihaba anca ca unná.