1 Juan 4:7 - Zapoteco de Aloápam

⁷ Ca benni ria le Jesús, racatia guele, aquin gue loesri tturi lhe atturi lhe cumu Tata Do Iyyabaaha runie aquin gue loesri. Iyába ca benni racaquinna gue adí benni nna ancacana xiꞌini Tata Do Iyyabaaha, ancabiaquinna Benniha lhe.

1 Juan 4:7 Iomraidhean Croise

San Juan 13:34

Ttu ley cubi utea len lebiꞌi: Aquin gue loesle. Attiba ucatia guele, anía aquin gue loesle.

San Juan 17:3

Guattaba elha nabani ttu dia lii gue ca benni gansi un biacana lu, lu nna tturbalu dolu gualíga ancalu Dios, un bia guabacana neti, neti nua Jesús Benni anca Cristu udhelhaluha.

1 Corintios 8:3

Ttiaca benni raquinna gue Tata Do Iyyabaaha, Tata Do Iyyabaaha anca biabanie nua.

2 Corintios 4:6

Cumu Tata Do Iyyabaaha Benni unnabie uyuꞌu xieni atta chulha, la Ben-na guaba benie uyuꞌu xieni guee lheꞌe lastoori, qui anáchu riꞌitu nna untu ttedaani adí benni gue nu xxeni ra le Tata Do Iyyabaaha, Benniha nua rilenri ruꞌu xieni guee lo Cristu.

Gálatas 4:9

Nnanna nna de chi ancabienle Tata Do Iyyabaaha, o tseerla innía Ben-na chi ancabiene le. Nianna, ¿gasná nua nna rdaca dacabale eyequile odidole tisa gue ca nu bittu gualí anca diosi-na ca nu bittu lidhacani te qui edeacale nu ttoꞌo lo sina guecani?

Gálatas 5:22

Ttiaca nu tsee runi Espíritu gue Tata Do Iyyabaaha len riꞌi nna ancana: Acari benni raquin gue loesni, nu redaca leni lhe nu tee elha xen lasi gueni lhe benni pasensi lhe benni du tsee leni lhe benni resiꞌini adí benni lhe benni uxxen leri gueni lhe

2 Timoteo 1:7

Cumu läga bete Tata Do Iyyabaaha Espíritu guee-na len riꞌi qui acari nu rasini. Betebe Espíritu guee-na len riꞌi qui acari nu re tsitsi leni, qui acari nu siꞌi le lhe qui acari nu aca gueni innabia elha rieni gueni lhe.

1 Pedro 1:22

Lebiꞌi nna de rudole tisa gue ca tisa rixxiꞌa nu anca gualí-na, nuarca chi beni Espíritu gue Tata Do Iyyabaaha beaca nari lastoole qui anáchu gualíga eꞌeyule acaguinle gue ca benni ria le Jesús. Larcala nna itú iqui itú lele aquin gue loesle.

1 Juan 2:10

Benni raquinna gue adí benni nna unnuha duna lheꞌe xieni. Larcala nna tsa lägabi te bixa unna ichecu nua qui unna nu bittu anca tsee.

1 Juan 2:29

Lebiꞌi nna chiba yule Jesucristuha nna anque Benni runi ttulapa nu anca tsee. Gua yuguabale nna iyába ca benni runi nu raxxína leni nu anca tsee runie, ancacana xiꞌini Tata Do Iyyabaaha.

1 Juan 2:3

Gansi gua rudori tisa gue nu beni Tata Do Iyyabaaha mandadu unri, laniarguaba nna yuri gualíba anca bienri Benniha.

1 Juan 2:4

Nu rána: “Neti anca biatia Benniha”, nianna bittu rudona tisa gue nu beni Benniha mandadu unna nu run lebani anca nua, läga anca nua nu runi nu anca gualí.

1 Juan 2:7

Ca benni ria le Jesús, racatia guele, benni runia lo sitsi-ni nna läga anca ben-na attu tisa cubi runia mandadu unle, la tisa-nba benniha bieninle primeroha. Tisa racale mandadu unle-ni nna anque tisa chi bieninle axta ttuha li.

1 Juan 3:9

Ni ttu ca benni chi ancacana xiꞌini Tata Do Iyyabaaha bitturu rudona lecani uncana nu lä anca tsee, cumu elha nabani gue Benniha nna chi yuꞌe lheꞌe lastoocani. Bitturguaba aca usiguicana uncana nu lä anca tsee lhe cumu chi ancacana xiꞌini Tata Do Iyyabaaha.

1 Juan 4:11

Ca benni ria le Jesús, racatia guele, gansi análi raquin Tata Do Iyyabaaha gueri, anáguaba riꞌi raca duelha aquin gue loesri tturi lhe atturi lhe.

1 Juan 4:12

Tsa läganu chi bilenna Tata Do Iyyabaaha. Ttiaca gansi riꞌi raquin gue loesri tturi lhe atturi lhe lania nna gua duba Benniha len riꞌi, nu racani Benniha gueri nna gualíga yuꞌe lheꞌe lastoori.

1 Juan 4:16

Riꞌi nna chi yuri lhe chi ria leri lhe Tata Do Iyyabaaha racanie gueri. Tata Do Iyyabaaha anque Benni racanie gue ca benni ttu dia lii. Benni rusiguina raquinna gue adí benni, unnuha nua duna leni Tata Do Iyyabaaha, lee nna due len lana.

1 Juan 4:20

Gansi nuxa benni rána: “Neti racatia gue Tata Do Iyyabaaha”, ttiaca rutía diba leni ca benni, unnuha nna nu güen lasiba nua. Cumu nu bittuba raquinna gue ca benni rilenna, ¿gasná aquin nua gue Tata Do Iyyabaaha benni bittu rilenna?

1 Juan 4:8

Nu bittuba raquinna gue nuxaba benni nna läga ancabien nua Tata Do Iyyabaaha, cumu Tata Do Iyyabaaha anque benni racani gue ca benni.

1 Juan 5:1

Iyába ca benni ria lecani Jesús anque Cristu, ca unnuha ancacana xiꞌini Tata Do Iyyabaaha. Ca benni racaquinna gue Tataha nna racaguabaquinna gue ca xiꞌin Benniha.

2 Juan 1:5

Nnanna nna ca benni ria le Jesús, racatia guele, rinnaba lole, aquin gue loesle ttule lhe attule lhe. Unní läga ancana attu nu cubi runia mandadu unle, la ca tisa-nba benniha bieninri primeroha li.