1 Juan 4:1 - Zapoteco de Aloápam

¹ Ca benni ria le Jesús, racatia guele, bittu tsia lele gue iyá ca nu rácana dequi rixxiꞌacana ca tisa rute Espíritu gue Tata Do Iyyabaaha len lacana. Primer xa gualuni qui ttedeenle gansi gualí quin ca unnuha Espíritu gue Benniha nua yuꞌu lheꞌe lastoocani, cumu ixeru ca nu run lecani chi requi yies lo yu-ni rácana dequi ancacana profeta gue Tata Do Iyyabaaha.

1 Juan 4:1 Iomraidhean Croise

San Marcos 13:21

’Lania nna gansi nuxa iríana gán le: “Gualgüiarga, ni Cristuha du nii”, o innána: “Gualgüiarga, ni Cristuha du na”, lebiꞌi nna bittu tsia lele gue nu inná anía.

San Lucas 12:57

’¿Biaca lä ritsatsa niꞌa la lebiꞌiba qui ttedeenle gaxa te nu anca tsee?

San Lucas 21:8

Jesús becabie re: —Tsitsi gualdo cuidadu qui bittu dhielhale ixú yiele. Cumu ixe ca nu isía uncana dequi ancacana neti, nianna innácana: “Neti nua Cristu.” Innáguabacana: “Chi bisía sá atti lhuxa yies lo yu-ni.” Ttiaca lebiꞌi nna bittu tsia lele guecani.

Hechos 17:11

Ca benni Israel seꞌe lheꞌe yiesi Berea nna ancacana benni radúru lecani atti ca benni seꞌe lheꞌe yiesi Tesalónica. Larcala itú iqui itú lecani güia lecani ca tisa gue Jesús. Nianna ttu ttu sába riseꞌecana rulabacana lo ca sitsi gue Tata Do Iyyabaaha qui ttedaaquinna gansi gualí nu riguixxiꞌen Pablo cana.

Hechos 20:29

Neti nna yuxeaba, dequi de gansi chi deyyaꞌaya nna lania isía ca benni du lecani attiba ca sagueo ledha-na uncana ulhuxacana ca benni ria le Jesús, tsaba bittu satúaquinna ca biꞌin-na.

1 Corintios 12:10

Adí benni nna rute Espíritu-na elha tsee lencabi qui runcabi milagru, adí benni nna rute Espíritu-na elha tsee lencabi qui quixxiꞌacabi nu rá Tata Do Iyyabaaha, adí benni nna rute Espíritu-na elha tsee lencabi qui ttedaaquinbi gue nu yuꞌu Espíritu gue Tata Do Iyyabaaha lheꞌe lastooni lhe gue nu yuꞌu espíritu gue nu xxegüiha lheꞌe lastooni lhe adícabi nna rute Espíritu-na elha tsee lencabi qui innecabi attu tisa subi rute Tata Do Iyyabaaha, adícabi nna rute Espíritu-na elha tsee lencabi qui quixxiꞌacabi bixa dia le ca tisa rute Tata Do Iyyabaaha rinne adí ca benni.

1 Corintios 14:29

Anáguaba ca biꞌini rinne ca tisa rute Tata Do Iyyabaaha, ttu o chupabacabi innee, axta bedaa tsunnabacabi. Adícabi nna unalhicabi gansi guanca tsee nu rá ca biꞌiniha.

1 Tesalonicenses 5:20

Bittu cuꞌu niꞌale ca tisa rute Tata Do Iyyabaaha rinne ca benni.

1 Tesalonicenses 5:21

Gualtsatsa niꞌa iyá nu rieninle, suntteba gue nu anca tsee gualudo tisa gualuni.

2 Tesalonicenses 2:2

bittu cuenta otsiaxxile attiba chi rulaba lele, lä ugüelhaguabale nuxa cuentaba unniesinna le innána: “Chi bisía sá esía Jesús Benni bananie ri, aní rá Espíritu gue Tata Do Iyyabaaha”, o innána: “Aní chi bienintu rá cana lhe” o “Aní rá lo sitsi udhelha ca nua len riꞌitu lhe”.

1 Timoteo 4:1

Espíritu gue Tata Do Iyyabaaha nna lhixxa suba rixxiꞌe re, atti chi daa ribiga isía sá lhuxa yies lo yu-ni, ttulhe ca benni ria le Jesús bitturu tsia lecani Ben-na. Gue ca benni rixuuni ca be xxegüi ridí yiela udo nagacani, tsia lecani gue nu uleꞌe ca nua lhe.

2 Timoteo 3:13

Ttiaca ca benni lä du ta lequinna lhe ca nu requi uxí yiena lhe ttu diaba ca unná runcana adí nu bittu anca tsee, ridí yiecana benni lhe rixú yiecana runcana aná lhe.

2 Pedro 2:1

Ttiaca anáguaba useꞌe ca güen lasi rá dequi ancacana profeta gue Tata Do Iyyabaaha len ca benni Israel, anáguaba nnanna tseꞌeguaba ca maestru güen lasi len lebiꞌi. Ca unná nna sigába uleꞌecana nu uni tsia nitti benni, aná nna riguꞌu niꞌacani Benni bananie ri-na, Benni bodile cana qui bittu tsia nitticana, unnuha uni nna sattitte dia nitti la labacana.

1 Juan 2:18

Lebiꞌi ancale attiba xiꞌinto quia, ura bunni chi daa isía. Lebiꞌi nna chiba binale dequi isía nu bittu raca uyúna Cristuha. Gualíba nnanna nna ixe ca nu bittu raca uyúcana Cristuha chi biría runcana dequi lacana ancacana Cristu. Denuala nna nuarca yuri chi daa isía ura.

1 Juan 2:7

Ca benni ria le Jesús, racatia guele, benni runia lo sitsi-ni nna läga anca ben-na attu tisa cubi runia mandadu unle, la tisa-nba benniha bieninle primeroha. Tisa racale mandadu unle-ni nna anque tisa chi bieninle axta ttuha li.

2 Juan 1:7

Cumu ixeru ca güen lasi chi requi yies lo yu-ni, bittu ria lecani uca Jesús Benni anque Cristu ttu benni attiba riꞌi atti bite yies lo yu-ni. Ca nu rinne aná nna nu güen lasiba anca ca unná, nu lä raca uyú Cristuhaba ancacana.

3 Juan 1:11

Xa benni ria le Jesús, racatia guelu, bittu unlu nu lä anca tsee run attu nu subi, beni nu anca tsee. Cumu nu runi nu anca tsee nna gue Tata Do Iyyabaahaba anca unnuha. Nu runi nu lä anca tseeha nna läga chi anca bien nua Tata Do Iyyabaaha.

Apocalipsis 2:2

Neti nna yuxeaba gue iyába nu runle. Gua yuguaba, lebiꞌi nna tsitsiba ratele runle sina gue Tata Do Iyyabaaha, anáguaba gua ruchíabale lo nu ratele lhe. Gua yuguaba nna lebiꞌi nna bittu ruchíale lo nu runi ca nu runi nu lä anca tsee-na. Lebiꞌi nna chi uluꞌubiale ca nu rácana ancacana apóstol gue Tata Do Iyyabaaha, ttiaca läga gualíquinna, biexxubinle cana run lecani.