1 Juan 3:9 - Zapoteco de Aloápam

⁹ Ni ttu ca benni chi ancacana xiꞌini Tata Do Iyyabaaha bitturu rudona lecani uncana nu lä anca tsee, cumu elha nabani gue Benniha nna chi yuꞌe lheꞌe lastoocani. Bitturguaba aca usiguicana uncana nu lä anca tsee lhe cumu chi ancacana xiꞌini Tata Do Iyyabaaha.

1 Juan 3:9 Iomraidhean Croise

San Mateo 7:18

Läga aca cuia nu xixxi tsee gue ttu yaga nu bittu ancana yaga tsee, bittuguaba aca cuia nu xixxi bittu anca tsee gue ttu yaga tsee lhe.

San Juan 1:13

Beꞌeyucana ucacana xiꞌini Tata Do Iyyabaaha, läga anía ancacana ulcana, niguaba ca tata nan guecani uca lecani lhe, ucacana xiꞌini Tata Do Iyyabaaha cumu lee nna aníaba uca lee.

San Juan 3:3

Jesús becabie re: —Neti nna gualíbatia rpea lu, benni bittuba galina attu libe nna läga aca isela nua ca benni rinnabia Tata Do Iyyabaaha.

Hechos 4:20

Cumu riꞌitu nna läga aca udhantu quixxiꞌatu nu chi bienintu lhe nu chi bilentu lhe.

Romanos 6:2

¡Locachirba bitturu! Cumu riꞌi nna chiba ancari attiba ttu nu chi utti, attisiba lärga nurua ri te qui unri nu lä anca tsee. Larcala, ¿ttirua modu tseꞌeri usiguiri unri nu lä anca tsee?

Gálatas 5:17

Cumu nu lä anca tsee ridá le cuerpu gue ttu benni unna läga raca uyú nua Espíritu gue Tata Do Iyyabaaha. Anáguaba Espíritu gue Tata Do Iyyabaaha, läga raca uyúe nu lä anca tsee ridá le cuerpu gue ttu benni unna. Irupaba ca unní reseꞌe disa lo loescani larcala nna läga raca unle nu raca lele.

Tito 1:2

cumu riꞌi nna xen leri gatta elha nabani gueri ttu dia lii. Tata Do Iyyabaaha benni tsa bittu run lee chi begüee tisa atti deobali cue yiesi lo yu-ni utee elha nabani gatta ttu dia lii gueri.

1 Pedro 1:23

Lebiꞌi nna chi ulile attu libe, ttiaca bitturu ca xxudi xnale ca nu rattibana uluꞌucana le, sinuqui ca tisa gue Tata Do Iyyabaaha benni anca bani tsa bittu lhuxa-na benie ulile nnanna attu libe.

1 Juan 2:29

Lebiꞌi nna chiba yule Jesucristuha nna anque Benni runi ttulapa nu anca tsee. Gua yuguabale nna iyába ca benni runi nu raxxína leni nu anca tsee runie, ancacana xiꞌini Tata Do Iyyabaaha.

1 Juan 3:6

Larcala nna iyába ca benni seꞌe len Cristuha nna lärga run ca nua nu lä anca tsee, ttiaca iyába ca nu runi nu lä anca tsee nna läga chi yucana nuxa anca Benniha, niguaba lä ancabiaquinna Benniha lhe.

1 Juan 4:7

Ca benni ria le Jesús, racatia guele, aquin gue loesri tturi lhe atturi lhe cumu Tata Do Iyyabaaha runie aquin gue loesri. Iyába ca benni racaquinna gue adí benni nna ancacana xiꞌini Tata Do Iyyabaaha, ancabiaquinna Benniha lhe.

1 Juan 5:1

Iyába ca benni ria lecani Jesús anque Cristu, ca unnuha ancacana xiꞌini Tata Do Iyyabaaha. Ca benni racaquinna gue Tataha nna racaguabaquinna gue ca xiꞌin Benniha.

1 Juan 5:18

Riꞌi nna gua yubari, iyába ca benni chi anca xiꞌini Tata Do Iyyabaaha, lärga rusigui ca unnuha runcana nu lä anca tsee, cumu Jesús Xiꞌini Tata Do Iyyabaahaba rape ca unnuha, nu xxegüiha nna lärgabi ridí yiena ca unnuha.

1 Juan 5:4

Cumu iyába ca benni chi anca xiꞌini Tata Do Iyyabaaha, rdacana ruchíacana bitturu runicana nu lä anca tsee te yies lo yu-ni. Cumu de ria leri Jesús, nuarca rdári ruchíari bitturu runri nu lä anca tsee te yies lo yu-ni.

3 Juan 1:11

Xa benni ria le Jesús, racatia guelu, bittu unlu nu lä anca tsee run attu nu subi, beni nu anca tsee. Cumu nu runi nu anca tsee nna gue Tata Do Iyyabaahaba anca unnuha. Nu runi nu lä anca tseeha nna läga chi anca bien nua Tata Do Iyyabaaha.