1 Juan 3:8 - Zapoteco de Aloápam

⁸ Ttiaca nu runi nu lä anca tseeha nna gue nu xxegüihaba anca nua, cumu nu xxegüiha nna desde primeroha li udulona runna nu lä anca tsee. Denuala nna bita Xiꞌini Tata Do Iyyabaaha yies lo yu-ni bette tseꞌe loe nu runi nu xxegüiha.

1 Juan 3:8 Iomraidhean Croise

San Mateo 12:28

Ttiaca gansi neti rebeaya ca be xxegüi-na lheꞌe ca benni cumu de raca len Espíritu gue Tata Do Iyyabaaha neti, lania nna unní ruleꞌe lo chi udulo Tata Do Iyyabaaha rinnabie lebiꞌi.

San Mateo 13:38

Lo yu atta güia xuaha nna ancana yies lo yu-ni. Xuaha nna anque ca benni rinnabia Tata Do Iyyabaaha. Ixxi beꞌeyu lheꞌe xuaha nna ancana ca benni rudo tisa gue nu xxegüiha.

San Mateo 4:3

Nu xxegüiha nna ubigattebana rána Benniha: —Gansi gualínlu ancalu xiꞌin Tata Do Iyyabaaha, gus ca iyya-ni eyacacana ttaxtila.

San Marcos 1:24

Unnuha nna uresiꞌattebana rána: —¿Biaca dalu rugaꞌa guelu len riꞌitu, Jesús gue Nazaret? ¿Si dalu güelhuxa riꞌitu, aca? Neti nna anca biabatia lu, larca yuba lu ancalu Benni do riesi anca gue Tata Do Iyyabaaha.

San Lucas 10:18

Jesús becabie re: —Gualí galá, neti bilátia nu xxegüiha dana lo bea-na binnana attiba ttu edha.

San Juan 12:31

Nnanna nna bisíaba sá aca elha uxtisi gue ca benni seꞌe yies lo yu-ni. Nnanna nna bisíaba sá uría la Tata Do Iyyabaaha nu xxegüi rinnabiana ca benni seꞌe yies lo yu-ni.

San Juan 16:11

Unie ttedaaquinna lacana nna dhibacana elha disa ute Tata Do Iyyabaaha cumu nu xxegüi rinnabia yies lo yu-ni nna chiba beni Tata Do Iyyabaaha elha uxtisi gue nua qui tsiana atta uyúna elha disa.

San Juan 8:44

Lebiꞌi nna nu xxegüihaba anca xxudile. Nu ruꞌu le tata guelehaba reꞌo lele runle. Lana nna atti uduloli ure yies lo yu-ni ancana nu runi elhutti, läga runna nu anca gualí cumu läga rinnena nu gualí. Gansi chi rinnena run leni nna rinnebana nu ancabana, cumu ancana nu run leni lhe xxudi ca nu run lecani lhe.

Romanos 16:20

Tata Do Iyyabaaha Benni runie qui seꞌe tsee len loesri, ya mertte unie dhale lo nu xxegüiha, qui utsutsa len niꞌa le-na. Jesucristu Benni bananie ri aca lanie le.

Efesios 2:2

Anába benle, güequile benle nu lä anca tsee runi ca nu seꞌe yies lo yu-ni. Useꞌebale benle nu rába nu xxegüi rinnabia ca be xxegüi requi lo be-na. Unnuonna rinnabia lheꞌe lastoo ca nu lä rudo tisa gue Tata Do Iyyabaaha.

Colosenses 2:15

Anía liba nna utúe nu runi ra tsitsi lee iyárecha ca nu rinnabia lhe ca nu ra xxeni lecani lhe gue nu xxegüiha. Atti utá Cristuha lo ya crusiha lania ude locani, nianna benie bettuquinna aní lo iyá benni.

1 Timoteo 3:16

Gualíba, xxenba anca gue ca tisa gue Cristuha chi yuri nnanna nu bittu chi yu benni ca tu ttuha: Jesús bite yies lo yu-ni, uque benni attiba riꞌi. Espíritu gue Tata Do Iyyabaaha beleꞌe loe gualíba anca Jesús benni runi nu anca tsee. Biláni ca ingeli gue Tata Do Iyyabaaha Benniha lhe utixxiꞌacana gue Benniha leni ca nu bittu anca benni Israel-na lhe. Güia lee ca benni seꞌe yies lo yu-ni Benniha, bedí Tata Do Iyyabaaha Benniha qui besine attu libe iyyabaaha lhe.

Hebreos 2:14

Larcala nna de anca ca xiꞌini Tata Do Iyyabaaha seꞌe yies lo yu-ni benni anca leni reni lhe bela lhe anáguaba Jesús ucaguabe benni anca len bela lhe reni lhe qui uca uttie, cumu leni nu guate Benniha lo ya crusiha liba nna beduye nu rinnabiana elhutti-na, unnuha nua nu xxegüiha.

Hebreos 9:26

Cumu gansi loesi nu runi bixxudiha guaba nua runi Cristu, lania nna desde atti ure yies lo yu-ni li axta nnanna balhala libe chi utti Ben-na. Ttiaca nnanna atti chi daa lhuxa ca sá seꞌeri-ni, ttu libeba betsá due bete elha naban guee uttie qui ttu tsaba utúe ca tulha gueri-na.

2 Pedro 2:4

Cumu Tata Do Iyyabaaha tsa läga uxie elha xen lasi gue ca ingeli beni nu lä anca tsee, sinuqui bedelhale cana atta lexúa, lheꞌe atta anca chulha, nía guayacana qui ttua tseecana aca elha uxtisi guecani gansi chi bisía sá uni Tata Do Iyyabaaha elha uxtisi.

1 Juan 1:2

Benni anca elha nabaniha nna bisíe yies lo yu-ni qui beleꞌe loe len benni. Riꞌitu nna bilentue, rixxiꞌatu guee lhe. Rixxiꞌentu le gue Benni rute elha nabani ttu dia lii-na. Benniha nna leni Tatahaba doe, lenla nna bisíe yies lo yu-ni qui beleꞌe loe len riꞌitu.

1 Juan 3:10

Iyába ca benni bittu runi nu anca tsee lhe bittu racaquinna gue adí benni lhe läga anca ca nua gue Tata Do Iyyabaaha. Aná nna ruleꞌe lo gaxa seꞌe ca benni anca xiꞌini Tata Do Iyyabaaha, gaxa seꞌe ca benni anca xiꞌini nu xxegüiha lhe.

1 Juan 3:5

Lebiꞌi nna chiba yule Cristuha bite yies lo yu-ni qui utúe ca tulha gueri. Benniha nna tsa lägabi anque Benni te tulha guee.

1 Juan 5:19

Riꞌi nna yubari, ancabari gue Tata Do Iyyabaaha. Iyába ca benni seꞌe yies lo yu-ni ca nu bittu ria lecani Benniha nna nu xxegüihaba rinnabian cana.

Judas 1:6

Aníaguaba guate ca ingeli ca nu bittu begüee lidhaca ladicani begüee Tata Do Iyyabaaha cana, sinuqui bedhala iquicani atta begüee Benniha cana tseꞌecana. Larca bedhea Tata Do Iyyabaaha cana ttu tsaba atta anca chulha, nía guayacana qui ttua tseecana aca elha uxtisi guecani gansi chi bisía sá uni Tata Do Iyyabaaha elha uxtisi gue ca benni seꞌe yies lo yu-ni.

Apocalipsis 20:10

Nu xxegüi nu uxí yiena ca nua nna biruꞌunabana lo gui xeni ralhaxxatta leni azufre, attaguaba chi dia nimala xeni biría lheꞌe indattooha, nimala biría lhiꞌu yuha nu ridí yiena ca benni leni nu rinnenaha lhe. Níaba tsuꞌucana uyúcana elha disa la tsuꞌubia ttu dia lii rela resába.

Apocalipsis 20:15

Níaguaba biruꞌuna ca nu bittu besela lácani lo libro atta dia lá ca benni gatta elha nabani guecani ttu dia lii.