1 Juan 3:7 - Zapoteco de Aloápam

⁷ Lebiꞌi ancale attiba xiꞌinto quia, bittu ugüelhale nuxa dhi yiena le: benni runi nu anca tseeha nna nu runi nu anca tsee lo Tata Do Iyyabaahaba anca nua, attiba Cristuha anque Benni runi ttulapa nu anca tsee.

1 Juan 3:7 Iomraidhean Croise

San Mateo 5:20

’Cumu neti ria le, gansi bittuba unle adíru nu anca tsee atti ca fariseo-na lencana ca nu ruleꞌe nu rá lo ca ley-na, tsa läga aca acale benni rinnabia Tata Do Iyyabaaha.

San Lucas 1:75

Riꞌi nna tseꞌeri acari benni chi seꞌe riesi anca gue Tata Do Iyyabaaha, nu runi nu anca tsee lo Ben-na lhe. Anába tseꞌeri unri iyába ca sá aca banri.

Hechos 10:35

Benni seꞌe lheꞌe gaxaba yiesi, radi le Ben-na acacana benni guee, ladiba tsia lecani Ben-na lhe uncana nu dica ixuu lhe.

Romanos 2:13

Cumu läga ca nu sunruba rudo nagacani nu rá lo ca ley-na anca benni tsee lo Tata Do Iyyabaaha, ca benni nu gualí rudo tisa gue nu rá lo ca ley-na liba ancacana benni tsee lo Ben-na.

1 Corintios 6:9

Lebiꞌi nna gua yubale nna ca nu runi nu lä anca tsee-na lägabi elha ralhacana dhicana nu tsee dhi ca benni rinnabia Tata Do Iyyabaaha. ¡Bittu dhielhale ixú yiele! Ni ca nu requi manni-na lhe ni ca nu rudú xibicani lo ca nu bittu gualí anca diosi-na lhe ni ca nu risá nu bittu anca latselacani lhe niguaba ca unbiyuu risácana la loesi unbiyuuba cana lhe

Efesios 5:6

Tsa bittu ugüelhale dhi yiecana le leni ca tisa lä dica ixuu, cumu lo niꞌa gue unná nna utee Tata Do Iyyabaaha elha disa gue ca nu lä rudo tisa guee.

Efesios 5:9

Cumu ca benni requi lheꞌe xieni nna ancacana benni ratúa leni adí benni, nu runi nu anca tsee lhe nu rinne nu anca gualí lhe.

Filipenses 1:11

Jesucristuha unie acale nu tsapaba uni nu anca tsee, qui cuequi xxen ca benni Tata Do Iyyabaaha, innácana Ben-na anque Benni ra xxeni lee.

Hebreos 1:8

Ttiaca atti utixxiꞌe gue Xiꞌinie-na lee nna re: Lu ancalu Tata Do Iyyabaa, ttu dia liiba innabialu. Lu innabiatseelu, attiba ancaba gueni.

Hebreos 7:2

Laniala nna begüee Abraham biꞌiniha tsii gue ttu gayua gue iyába nu beojabi gue ca nu bitilha lenbiha. Lá Melquisedec dienna innána nu rinnabia runi elha uxtisi tsee. De ucabi nu rinnabia gue yiesi lá Salem, nuarca teeguaba lábi nu rinnabia runi riseꞌe tsee len loesi benni.

Santiago 1:22

Gueba nna gualuni nu rá ca tisa-na, bittu sunru udo nagale Ben-na, cumu gansi sunruba rudo nagale Ben-na, lania nna la lebiꞌiba nua rixí yiele.

Santiago 2:19

Lu nna tseeba runlu de ria lelu ttuba ttu Tata Do Iyyabaa do. Anáguaba ca nu xxegüi-na riaguaba le ca unná ttuba ttu Tata Do Iyyabaa do. Denuala nna rixidinicana de rasbaquinna.

1 Pedro 2:24

La laba Cristuha bedelha cuꞌe yua gue ca tulha gueriha atti uttie lo ya crusiha, qui riꞌi nna tsa ocaꞌanri nu lä anca tsee runriha attisiba chiba uttiri, ttiaca nnanna seꞌeri anca banri qui anáchu riꞌi nna tseꞌeri unri nu anca lhatsiru. Ca güee uca Cristuha nna benie qui beacale.

1 Juan 2:1

Lebiꞌi, ca benni raca attiba xiꞌinia, runia unní lo sitsi qui bittu unle nu lä anca tsee lo Tata Do Iyyabaaha. Ttiaca gansi nux ttule uni nu lä anca tsee, gua doba Benni edí edenie le lo Tata gueri do iyyabaaha. Benniha nua Jesucristu benni runi ttagaꞌa nu anca tsee.

1 Juan 2:26

Runia unní lo sitsi-ni atta rixxiꞌatia le gue ca nu requi rdacacana dhi yiecana le.

1 Juan 2:29

Lebiꞌi nna chiba yule Jesucristuha nna anque Benni runi ttulapa nu anca tsee. Gua yuguabale nna iyába ca benni runi nu raxxína leni nu anca tsee runie, ancacana xiꞌini Tata Do Iyyabaaha.

1 Juan 3:18

Lebiꞌi ancale attiba xiꞌinto quia, bittu ni lo ni tisaba innári dequi raquinri gue ca loesri-na, sinuqui leni nu runri uleꞌe lori gualíguinri raquin gue loesri.

1 Juan 3:3

Larcala nna iyába ca benni xen lecani Jesucristuha eyacacana anía, ca unnuha nna runcana qui acacana nu nari lo Benniha cumu Benniha nna anque Benni nari.

1 Juan 4:17

Unní ruleꞌe lo riꞌi nna chi ancari benni gualígani racani gue ca benni, qui anáchu nna gansi chi bisía sá un Benniha elha uxtisi gueri nna bittu bi te bixa lo niꞌa gue gasinri, cumu guaseꞌebari runri attiba beni Jesús atti udoe yies lo yu-ni.