1 Juan 3:3 - Zapoteco de Aloápam

³ Larcala nna iyába ca benni xen lecani Jesucristuha eyacacana anía, ca unnuha nna runcana qui acacana nu nari lo Benniha cumu Benniha nna anque Benni nari.

1 Juan 3:3 Iomraidhean Croise

San Mateo 5:48

Larcala nna lebiꞌi acale benni runi nu anca tsee, attiba Tata gueri do iyyabaaha anque Benni runi nu anca tsee.

San Lucas 6:36

Gualaca benni ratúa leni attiba Tata gueri do iyyabaaha anque Benni ratúa lee.

San Juan 17:19

De lacana nna la netiba ririesia utea elha nabani quia cuenta guecani, qui anáguaba lacana iriescana acacana guelu, de ria lecani nu gualí.

Hechos 15:9

Tata Do Iyyabaaha nna ttuba runie len riꞌi lhe leni ca unná lhe lee nna chiguaba benie nari lhiꞌu lheꞌe lastoocani de güia lecani Jesús.

Romanos 15:12

Rinneguaba profeta Isaías attu re lo ca sitsi gue Tata Do Iyyabaaha rábi: Isía ttu Benni datía Isaí, Benniha innabie ca benni bittu anca benni Israel, lacana nna uxxen lecani Benniha.

2 Corintios 7:1

Lebiꞌi ca benni ria le Jesús racatia guele, unní chi gaꞌanani Tata Do Iyyabaaha unie len riꞌi. Denua nna nuarca cuari iyáxea nu lä anca tsee runi ritsiga cuerpu gueri-na lo Tata Do Iyyabaaha, nu runi ritsiga espíritu do lheꞌe lastoori-na lhe. De yuꞌu elha rasi gue Tata Do Iyyabaaha lheꞌe lastoori, larcala ttuttu sá iriesri lheꞌe nu lä anca tsee qui acaruri benni radi le Ben-na.

Colosenses 1:5

Lebiꞌi nna runle aná cumu de chi xen lele dhíle elha tsee chi tua tsee guele iyyabaaha. Attili bieninle ca tisa rixxiꞌa nu anca gualí, delába ca tisa gue Jesús, laniali chi binale dhíle elha tsee-na.

2 Tesalonicenses 2:16

Cuinaba Jesucristu Benni bananie ri lenie Tata gueri do iyyabaaha, de ucacanie gueri nna besiꞌicanie ri beteque ttu elha xen lasi xeni lenri, runque uxxen leri guadíbari nu tsee xen leri dhíri lhe

Tito 3:7

qui dequide chi uca lanie ri utúe ca tulha gueriha nna chi dica uxxen leri guaca banbari ttu dia lii loe. Unnua anca interés utee gueri.

Hebreos 12:14

Gualun duelha tseꞌe tseele len iyá benni. Gualunguaba duelha acale benni gue Tata Do Iyyabaaha chi seꞌe riesi lheꞌe nu lä anca tsee, cumu gansi bittuba nna tsa läga aca ilenri Tata Do Iyyabaaha.

Hebreos 6:18

Cumu Tata Do Iyyabaaha nna tsa läga run lee, runbe nu chi re unie. Denuala nna bocaꞌan tsitsi tisa guee atti bedetti lee qui begüee lidhaca nu chi re. Larcala nna chi tee ttu elha xen lasi xeni gueri, riꞌi ca benni chi seꞌe len Ben-na qui redí redenie ri. Anáguaba, tsaba chi xen leri guadíbari nu chi re utee lenri.

Hebreos 7:26

Larcala nna Jesús anque bixxudi xeni reasinri. Lee anque Benni do riesi anca gue Tata Do Iyyabaaha, Benni bittu runi ni ttu nu lä anca tsee lhe Benni bittu tulha guee te lhe Tata Do Iyyabaaha ulequiesie Benniha lheꞌe ca nu runi tulha. Labe anque Benni ra xxeniru lee do iyyabaaha.

Santiago 4:8

Gualibiga leni Tata Do Iyyabaaha, Benniha nna güibigabe len lebiꞌi. Lebiꞌi ca nu runi nu bittu anca tsee gualudhá iquile nu satsa runle na, lebiꞌi ca nu guacala aquinle gue Tata Do Iyyabaaha o guacala aquinle gue nu te yies lo yu-ni lhe ttuba nu anca gue Tata Do Iyyabaaha gualudo lele.

1 Pedro 1:15

Sinuqui gualtseꞌe la gualuni nu anca tsee qui acale nu seꞌe riesi lheꞌe nu lä anca tsee, cumu Tata Do Iyyabaaha benni uxie le-na anque benni do riesi lheꞌe nu lä anca tsee.

1 Pedro 1:3

Benni ra xxeni leni anca Tata Do Iyyabaaha, Tata gue Jesucristu Benni bananie ri, Ben-na nna de ratúaba lee ri nna benie beacari benni cubi attisiba ulbari attu libe de beacani Jesucristuha beríe lheꞌe baa atta yuꞌu ca nu yatti-na. Unní rute ttu elha xen lhasi gualí lenri,

2 Pedro 1:4

De nua nna chi begüee Tata Do Iyyabaaha tisa len riꞌi, utee ttu nu gaꞌana tsee nu texxatta lidhacani len riꞌi, qui de nu chi re utee len riꞌi nna eꞌeyuri acari benni runi nu anca tsee, attiba Tata Do Iyyabaaha anque Benni runi nu anca tsee. Anía nna lhári lo nu tsiga te yies lo yu-ni lhe nu ridá leri runri lhe.

2 Pedro 3:14

Larcala nna ca benni ria le Jesús racatia gueni, laca seꞌele ribedale aca unní nna gualun duelha tseꞌe tseele len Benni, bittu unle nu lä anca tsee lhe qui bittu acale nu te tulha gueni atti esía Ben-na.

1 Juan 2:6

Benni rána duna len Benniha nna raca duelha unna atti ben Cristu atti güequie yies lo yu-ni.

1 Juan 4:17

Unní ruleꞌe lo riꞌi nna chi ancari benni gualígani racani gue ca benni, qui anáchu nna gansi chi bisía sá un Benniha elha uxtisi gueri nna bittu bi te bixa lo niꞌa gue gasinri, cumu guaseꞌebari runri attiba beni Jesús atti udoe yies lo yu-ni.