1 Juan 3:2 - Zapoteco de Aloápam

² Ca benni ria le Jesús, racatia guele, riꞌi nna chi ancari xiꞌini Tata Do Iyyabaaha, masquiba bittu chi yuri gattigasná eyacari, ttiaca riꞌi nna chiba yuri gansi chi besía Cristuha, lania nna eyacari attiba anca Benniha, cumu lania nna ilenrie attiga anque.

1 Juan 3:2 Iomraidhean Croise

San Mateo 5:8

’Carbáru ca benni chi anca nari lastoocani de bitturu tulha bencana, cumu lacana iláquinna Tata Do Iyyabaaha.

San Lucas 17:30

Aníaguaba aca la sá atti eyacaxxea esíaya, neti Benni unbiyuu daa iyyabaaha.

San Lucas 20:36

Cumu lärga aca gatticana, lacana nna eyacabacana attiba ca ingeli gue Tata Do Iyyabaaha. Acaguabacana xiꞌin Tata Do Iyyabaaha de ancacana benni beacani dequide utticana.

San Juan 1:12

Ttiaca iyába ca benni ca nu belabicana Benniha lhe güia lecanie lhe, lee nna benie gapacana derechu acacana xiꞌini Tata Do Iyyabaaha.

San Juan 11:52

Bittuguaba sunru qui lhá ca benni Israel, anáguaba gatti guabe qui ottupe iyárecha ca xiꞌini Tata Do Iyyabaaha seꞌe gatti laduba.

San Juan 17:24

’Ca benni chi betelu len neti, xa Tata, raca lasia tseꞌe guabacana len neti atta dhoa, qui iláquinna nu xxeni ra lasia chi betelu len neti, cumu antisla cue yies lo yu-ni chi raquinlu quia.

Romanos 8:16

Cuinaba Espíritu gue Tata Do Iyyabaaha rixxiꞌenie espíritu gueri, riꞌi chi ancari xiꞌini Tata Do Iyyabaaha.

Romanos 8:18

Neti nna rudhaca lasia, elha disa ruyúri nnanna tsa läga dhana acana atti modu de xxeni anca elha tsee xeni gaꞌana tsee utee Tata Do Iyyabaaha gueri tiempu chi daba isía.

Romanos 8:19

Iyába ca nu beni Ben-na seꞌe yies lo yu chi seꞌecana ubeda isía sá atti uleꞌe lo Tata Do Iyyabaaha nupaxa anca xiꞌinie.

Romanos 8:29

Cumu desdeba atti nía chi yu Tata Do Iyyabaaha nupaxa aca benni guee, ca biꞌinihaguaba chi gaꞌananie acacabi atti anca xiꞌinie Jesucristuha, qui anáchu aca Benniha Benni lo gue iyába ca benni tsia lecabi Ben-na attiba riꞌi.

1 Corintios 13:12

Nnanna nna läga chi ancabia tseenri nu anca gue Tata Do Iyyabaaha, rilábinrie attiba nu rilá lo ttu iyyaguana bitturu rilá tsee loni. Ttiaca isía sá atti ilenrie aníga lori. Nnanna nna läga ritedaatia iyá, ttiaca isía sá atti unbiaga Tata Do Iyyabaaha, attiba lee anca bienie itúxeaya.

1 Corintios 15:49

Attiba nnanna ruleꞌeri attiba anca benni beni Tata Do Iyyabaaha len yuha, aníaguaba eyacari attiba anca benni anca gue iyyabaaha.

1 Corintios 2:9

Attiba rá lo ca sitsi gue Tata Do Iyyabaaha: Nu bittu chi bienini benni lhe nu bittu chi biláni benni lhe nu niba lati ulaba le benni gueni lhe chi seꞌe tsee-ni Tata Do Iyyabaaha utee len ca benni racaquinna guee.

2 Corintios 3:18

Larcala iyábari atta bitturu xua lariha lori, chi ruleꞌe lori nu xxeni ra le Benni bananie ri-na attiba ttu iyyaguana riguꞌu xieni. Riꞌi nna diari resíari reacari attiba lee. Sá sába diari ruleꞌe lori nu xxeni ra le Benniha. Unní runi Benni bananie ri anca Espíritu-na.

2 Corintios 4:17

Nu ratetu seꞌetu yies lo yu-ni nna ancabunna nu gua ridábatu loni, sattiba riteonna, ttiaca nu tsee dhítu gue nu ratetu-ni ancana ttu nu xxeni, nu edí baatu ttu dia liiba iyyabaaha.

Gálatas 3:26

cumu de chi ria lele Jesucristu, larcala iyábale ancale xiꞌini Tata Do Iyyabaaha.

Gálatas 4:6

De chi ancari xiꞌinie nna nuarca udhelhe Espíritu gue Xiꞌinie lheꞌe lastoori. Espírituha Ben-na rinnee atti rári Tata Do Iyyabaaha: “¡Tata xisto quia!”

Filipenses 3:21

Ben-na otsie ca cuerpu gueri-ni ca nu reaca yu, qui eyonie cana atti anca cuerpu gaꞌana tsee guee. Unní unie leni elha ra xxen le guee rixuunie rinnabie iyáxeaba nu tee.

Colosenses 3:4

Gansi chi beacaxxe Cristu, benni rute elha nabani gueri-na dedee iyyabaaha, anáguaba lebiꞌi eyacaxxeguale lenie seꞌele atta ruꞌu xieni gaꞌana tsee guee.

Hebreos 9:28

anáguaba Cristuha, ttu libeba bete elha naban guee uttie qui utúe ca tulha gue ixeru benni. Lenla nna eyacaxxe attu libe, ttiaca bitturu qui quixe gue ca tulha gue ca benni, esíabe qui odile ca benni seꞌe ribeda esíe.

2 Pedro 1:4

De nua nna chi begüee Tata Do Iyyabaaha tisa len riꞌi, utee ttu nu gaꞌana tsee nu texxatta lidhacani len riꞌi, qui de nu chi re utee len riꞌi nna eꞌeyuri acari benni runi nu anca tsee, attiba Tata Do Iyyabaaha anque Benni runi nu anca tsee. Anía nna lhári lo nu tsiga te yies lo yu-ni lhe nu ridá leri runri lhe.

1 Juan 2:28

Nnanna nna lebiꞌi ancale attiba xiꞌinto quia, gualtseꞌe len Cristuha, qui gansi chi beacaxxe Benniha nna riꞌi nna xen su lee seꞌeri lania, qui bittu ettuinri atti utsá duri lo Benniha gansi chi besíe.

1 Juan 2:7

Ca benni ria le Jesús, racatia guele, benni runia lo sitsi-ni nna läga anca ben-na attu tisa cubi runia mandadu unle, la tisa-nba benniha bieninle primeroha. Tisa racale mandadu unle-ni nna anque tisa chi bieninle axta ttuha li.

1 Juan 3:1

Gualugüiarga, análirba de racani Tata Do Iyyabaaha gueri, axtaba xiꞌini Tata Do Iyyabaaha chi teni Benniha lári. Gualíba chi ancari xiꞌinie. Denuala nna bittu radú le ca benni seꞌe yies lo yu-ni nuxa ancari, cumu bittu ancabiaquinna Tata Do Iyyabaaha.

1 Juan 3:10

Iyába ca benni bittu runi nu anca tsee lhe bittu racaquinna gue adí benni lhe läga anca ca nua gue Tata Do Iyyabaaha. Aná nna ruleꞌe lo gaxa seꞌe ca benni anca xiꞌini Tata Do Iyyabaaha, gaxa seꞌe ca benni anca xiꞌini nu xxegüiha lhe.

1 Juan 3:21

Ca benni ria le Jesús, racatia guele, gansi lastoori-ni bittuba rudelha iyyan ri nna guateba elha xen lasi lenri gansi chi betsá duri lo Tata Do Iyyabaaha.

1 Juan 5:1

Iyába ca benni ria lecani Jesús anque Cristu, ca unnuha ancacana xiꞌini Tata Do Iyyabaaha. Ca benni racaquinna gue Tataha nna racaguabaquinna gue ca xiꞌin Benniha.

Apocalipsis 2:28

Ugüeguaba cana beli güedíla-na lhe.

Apocalipsis 22:4

Lania nna aníga iláquinbi Benniha, tsia lá Benniha lo xeacabi lhe.