1 Juan 3:12 - Zapoteco de Aloápam

¹² Bittu acale attiba benni utá lani Caín. Lana nna bettina betsiniha cumu Caín ucana gue nu xxegüiha. Nianna, ¿bi lo niꞌa gue bettina nua? Bettina nua cumu lana nna ucana nu runi nu lä anca tsee, betsiniha nna benna nu anca tsee.

1 Juan 3:12 Iomraidhean Croise

San Mateo 13:19

Atti rienini ttu benni ca tisa rixxiꞌa gue gaxasná rinnabia Tata Do Iyyabaaha, ttiaca bittu ritedeenna gue ca tisa-na, nianna risintteba nu xxegüiha rebeana ca tisa chi bienin nua lheꞌe lastooni. Unní nua ancana attiba ca xuxtila binna lo nedaha.

San Mateo 13:38

Lo yu atta güia xuaha nna ancana yies lo yu-ni. Xuaha nna anque ca benni rinnabia Tata Do Iyyabaaha. Ixxi beꞌeyu lheꞌe xuaha nna ancana ca benni rudo tisa gue nu xxegüiha.

San Mateo 23:35

Larcala nna cuꞌebale dia elhutti gue ca benni bittu tulha guecabi te, ca biꞌini xalhaba betti benni cana yies lo yu-ni, desdeba reni bilali gue Abel, benni beni nu anca tsee lo Tata Do Iyyabaaha, axtaba reni bilali gue Zacarías, biꞌini uca xiꞌini Berequías, biꞌini bettile lagüi gue lheꞌeliꞌa gue yotuha atta do becoaha.

San Mateo 27:23

Pilato nna rán ca nua: —¿Biaca nuarca? ¿Bi nu bittu anca tsee beni unní? Ttiaca ca unnuha nna adílaba uresiꞌacana rácana: —¡Betá unná lo ya crusi!

San Mateo 5:37

Suntteba gualná: “O”, gansi yule guacaba, gansi yubale bittuba aca nna suntteba gualná: “Bittu aca”, cumu nu udianle uxxúale adí iqui tisa-ni nna gue nu lexúhaba chi anca nua.

San Lucas 11:51

desdeba reni gue Abel axtaba reni gue Zacarías, biꞌini betticana lagüi gue lheꞌeliꞌa gue yotuha atta do becoaha. Larcala nna rpea le, Tata Do Iyyabaaha ennabe cuenta gue elhutti gue ca biꞌiniha len ca benni seꞌe nnanna.

San Juan 10:32

Jesús re cana: —Ixe ca milagru tsee bete tata quia unia chi benia aní lole. ¿Lo niꞌa gue nu ca nua rdacale usiale neti iyya?

San Juan 8:40

Ttiaca lebiꞌi runlale uttile neti de anca benni rixxiꞌa nu anca gualí, nu bienbatia rá Tata Do Iyyabaaha. ¡Abraham tsa läga ben biꞌiniha atti runle na!

San Juan 8:41

Lebiꞌi nna runbale loesi nu run tata gueleha. Lacana nna rácana: —Riꞌitu nna läga ancatu xiꞌini attu nu subi, ttuba tata guetu do. Xiꞌini Tata Do Iyyabaahaba riꞌitu.

Hechos 7:52

Iyába ca benni uca profeta gue Tata Do Iyyabaaha besía le ca benniola gueleha, axtaba betticana ca profeta utixxiꞌa dequi isía ttu benni runi nu anca tsee lo Tata Do Iyyabaaha. Nnanna nna chi bita Benniha. Ttiaca lebiꞌi nna bedaxxulale Benniha bettile.

1 Tesalonicenses 2:14

Lebiꞌi, ca benni ria le Jesús attiba riꞌitu, atti guatele biyúle elha disa de bitturu uca uyú ca benni gue lo yies gueleha le, lania guatele attiba guate ca benni ancacabi gue Tata Do Iyyabaaha ria lecabi Jesús Benni anque Cristu ritupa lheꞌe yiesi re lo yu te láni Judea, la ca benni quia anca benni Israelba besía lecani ca biꞌiniha.

Hebreos 11:4

Abel, de güiaba lebi gue Tata Do Iyyabaaha, nuarca betebi ttu úna tseeru len Ben-na atti betsibi Caín. Denuala nna nuarca rá Tata Do Iyyabaaha: “Abel ancabi benni runi nu anca tsee”, uxíbe baneda úna gue biꞌiniha lhe. Larcala, masquiba chi utti Abel, cumu de ucabi benni güia tsitsi lebi gue Tata Do Iyyabaaha nuarca riꞌi nna sna runabari gue nu benbi qui aníaguaba usiguiri unri.

Hebreos 12:24

Chiguaba ubigale len Jesús Benni ribea loe gue tisa cubi bodhaꞌan Tata Do Iyyabaaha len riꞌi, leni reni belali Benniha atti uttie lhe reniha ben-na rigúe ca tulha gueri-na. Denua nna nuarca rixuuru reni gue Ben-na atti reni gue Abel.

1 Pedro 4:4

Ca nu bittu ria le Tata Do Iyyabaaha nna raca guatequinna de bitturu ruxunnibale dia lenle cana unle nu lä anca tsee ridá lele, de unnuha nna nuarca rinne güecana guele.

1 Juan 3:8

Ttiaca nu runi nu lä anca tseeha nna gue nu xxegüihaba anca nua, cumu nu xxegüiha nna desde primeroha li udulona runna nu lä anca tsee. Denuala nna bita Xiꞌini Tata Do Iyyabaaha yies lo yu-ni bette tseꞌe loe nu runi nu xxegüiha.

Judas 1:11

¡Carusiꞌirucana cumu diacana runcana attiba beni Caín! De dhicana belhi nna runcana nu lä dica uncana attiba Balaam, lacana nna gattibacana attiba utti Coré, unnuha nna uluxabana de bitturu bedona tisa gue Tata Do Iyyabaaha,

Apocalipsis 17:6

Neti nna beleꞌetia nuilaha dusinna de uꞌuyana reni gue ca benni seꞌe riesi anca gue Tata Do Iyyabaaha, ca benni betticana de utixxiꞌacabi ca tisa gue Jesús. Neti nna tsitsiba bebantia atti beleꞌetia nua.