1 Juan 3:10 - Zapoteco de Aloápam

¹⁰ Iyába ca benni bittu runi nu anca tsee lhe bittu racaquinna gue adí benni lhe läga anca ca nua gue Tata Do Iyyabaaha. Aná nna ruleꞌe lo gaxa seꞌe ca benni anca xiꞌini Tata Do Iyyabaaha, gaxa seꞌe ca benni anca xiꞌini nu xxegüiha lhe.

1 Juan 3:10 Iomraidhean Croise

San Mateo 13:38

Lo yu atta güia xuaha nna ancana yies lo yu-ni. Xuaha nna anque ca benni rinnabia Tata Do Iyyabaaha. Ixxi beꞌeyu lheꞌe xuaha nna ancana ca benni rudo tisa gue nu xxegüiha.

San Lucas 6:35

Lebiꞌi nna nu unlale nna: Aquinle gue ca nu bittu raca uyúcan le-na, un tseele lencana lhe gualute ganna nu rinnabacana, bittu aquinle utecana ttu bixa lenle de bete gannale guecani. Análiba nna dhíle ttu elha tsee xeni lhe acale xiꞌin Tata Dios Benni do Iyyabaaha lhe cumu Benna anque Benni tsee len ca nu lä du ta lequinna lhe len ca nu bittu rute xquixaru len Ben-na lhe.

San Juan 1:12

Ttiaca iyába ca benni ca nu belabicana Benniha lhe güia lecanie lhe, lee nna benie gapacana derechu acacana xiꞌini Tata Do Iyyabaaha.

San Juan 11:52

Bittuguaba sunru qui lhá ca benni Israel, anáguaba gatti guabe qui ottupe iyárecha ca xiꞌini Tata Do Iyyabaaha seꞌe gatti laduba.

San Juan 8:44

Lebiꞌi nna nu xxegüihaba anca xxudile. Nu ruꞌu le tata guelehaba reꞌo lele runle. Lana nna atti uduloli ure yies lo yu-ni ancana nu runi elhutti, läga runna nu anca gualí cumu läga rinnena nu gualí. Gansi chi rinnena run leni nna rinnebana nu ancabana, cumu ancana nu run leni lhe xxudi ca nu run lecani lhe.

San Juan 8:47

Benni anca gue Tata Do Iyyabaaha nna ca tisa gue Bennihaba rudo naga nua, ttiaca lebiꞌi nna läga ancale gue Tata Do Iyyabaaha, nuarca bittu raca lele udo nagale ca tisa gue Benniha.

Hechos 13:10

atti rábi na: —¡Lu nna ancalu ttu nu güen lasi, nu runi nu satsa lhe xiꞌini nu xxegüi lhe nu bittu raca uyúna iyába nu anca tsee! ¿Núcala udú silu rutsiattalu ca benni lo neda gue Tata Do Iyyabaaha?

Romanos 13:8

Gualquixa iyá nu dale gue benni, aquin gue loesle nna cumu benni racani gue nuxaba benni, gue ca ley gue Tata Do Iyyabaaha nua rudona tisa.

Efesios 5:1

Lebiꞌi nna chi ancale xiꞌini Tata Do Iyyabaaha ca nu racaxxattanie guele, de nua nna gualuni atti runi Benniha.

Colosenses 3:14

Delo iyátte nna unníba nu racaru duelha aca, delába aquin gue loesle cumu nu raquin gue loesri-na runna riseꞌe tsee len loesi beni qui ttuba tseꞌe iyábari.

1 Timoteo 1:5

Bodhaꞌana lu nna de runia uleꞌenlu cana qui aquin gue loescani, cumu aná runi benni anca lheꞌe lastooni nari, nu yuxeabana gua runbana nu anca tsee lo Tata Do Iyyabaaha lhe nu gualínna itú iqui itú leni ria leni ca tisa-na lhe.

1 Juan 2:29

Lebiꞌi nna chiba yule Jesucristuha nna anque Benni runi ttulapa nu anca tsee. Gua yuguabale nna iyába ca benni runi nu raxxína leni nu anca tsee runie, ancacana xiꞌini Tata Do Iyyabaaha.

1 Juan 3:1

Gualugüiarga, análirba de racani Tata Do Iyyabaaha gueri, axtaba xiꞌini Tata Do Iyyabaaha chi teni Benniha lári. Gualíba chi ancari xiꞌinie. Denuala nna bittu radú le ca benni seꞌe yies lo yu-ni nuxa ancari, cumu bittu ancabiaquinna Tata Do Iyyabaaha.

1 Juan 3:2

Ca benni ria le Jesús, racatia guele, riꞌi nna chi ancari xiꞌini Tata Do Iyyabaaha, masquiba bittu chi yuri gattigasná eyacari, ttiaca riꞌi nna chiba yuri gansi chi besía Cristuha, lania nna eyacari attiba anca Benniha, cumu lania nna ilenrie attiga anque.

1 Juan 4:21

Unní beni Benniha ri mandadu unri: Benni raquinna gue Tata Do Iyyabaaha, anáguaba aquinna gue ca benni ria le Jesús.

1 Juan 4:6

Riꞌi nna ancabari gue Tata Do Iyyabaaha. Ca benni ancabiaquinna Benniha nna gua rudoba nagacani gueri, ttiaca ca benni bittu ancacana gue Tata Do Iyyabaaha nna läga rudo naga ca nua gueri. Aná nna ritedeenri ga duu nu chee Espíritu gue Tata Do Iyyabaaha rixxiꞌa nu anca gualí, ga duu nu chee be xxegüi rinne nu bittu anca gualí lhe.

1 Juan 4:8

Nu bittuba raquinna gue nuxaba benni nna läga ancabien nua Tata Do Iyyabaaha, cumu Tata Do Iyyabaaha anque benni racani gue ca benni.

1 Juan 5:19

Riꞌi nna yubari, ancabari gue Tata Do Iyyabaaha. Iyába ca benni seꞌe yies lo yu-ni ca nu bittu ria lecani Benniha nna nu xxegüihaba rinnabian cana.

1 Juan 5:2

Gansi riꞌi raquinri gue Tata Do Iyyabaaha, runri nu benie mandadu unri lhe lania nna chi yuri riꞌi nna gua racabinri gue ca benni anca xiꞌinie.

3 Juan 1:11

Xa benni ria le Jesús, racatia guelu, bittu unlu nu lä anca tsee run attu nu subi, beni nu anca tsee. Cumu nu runi nu anca tsee nna gue Tata Do Iyyabaahaba anca unnuha. Nu runi nu lä anca tseeha nna läga chi anca bien nua Tata Do Iyyabaaha.