1 Juan 3:1 - Zapoteco de Aloápam

¹ Gualugüiarga, análirba de racani Tata Do Iyyabaaha gueri, axtaba xiꞌini Tata Do Iyyabaaha chi teni Benniha lári. Gualíba chi ancari xiꞌinie. Denuala nna bittu radú le ca benni seꞌe yies lo yu-ni nuxa ancari, cumu bittu ancabiaquinna Tata Do Iyyabaaha.

1 Juan 3:1 Iomraidhean Croise

San Lucas 20:36

Cumu lärga aca gatticana, lacana nna eyacabacana attiba ca ingeli gue Tata Do Iyyabaaha. Acaguabacana xiꞌin Tata Do Iyyabaaha de ancacana benni beacani dequide utticana.

San Juan 1:12

Ttiaca iyába ca benni ca nu belabicana Benniha lhe güia lecanie lhe, lee nna benie gapacana derechu acacana xiꞌini Tata Do Iyyabaaha.

San Juan 11:52

Bittuguaba sunru qui lhá ca benni Israel, anáguaba gatti guabe qui ottupe iyárecha ca xiꞌini Tata Do Iyyabaaha seꞌe gatti laduba.

San Juan 15:21

Iyá unní udhacacan le lo niꞌa quia de ria lele neti, cumu bittu anca biaquinna Benni udhelhe neti.

San Juan 16:3

Anía uncana, cumu bittu anca biaquinna Tataha, niguaba neti.

San Juan 17:25

Tata, lu ancalu Benni runi nu raxxína anca lhixxa. Ca benni bittu ria lecani lu seꞌe yies lo yu-ni nna läga anca biaquinna lu, ttiaca neti nna anca biabatia lu. Ca benni seꞌe len neti ni lhe chiba yucana luba udhelhalu neti.

San Juan 3:16

’Tata Do Iyyabaaha nna raca juisianie gue ca benni, denuala nna udhelhe yies lo yu-ni neti Xiꞌinie Benni tturba donie, qui anáchu nna iyába ca benni tsia lecani neti nna bittu tsia nitticana, sinuqui gatta elha nabani guecani ttu dia liiba iyyabaaha.

Romanos 5:8

Ttiaca Tata Do Iyyabaaha beleꞌe loe racanie gueri, denua nna atti sna ancabari nu runi nu lä anca tsee, Cristuha uttie qui utixe nu dica quixari.

Romanos 8:19

Iyába ca nu beni Ben-na seꞌe yies lo yu chi seꞌecana ubeda isía sá atti uleꞌe lo Tata Do Iyyabaaha nupaxa anca xiꞌinie.

Romanos 8:21

godilábe cana lo nu lä anca tsee runi rinitticana nu anquinna cana attiba nu ttoꞌo lo sina, qui anáchu galhacana tseꞌecana atta gaꞌana tsee tseꞌe ca xiꞌini Tata Do Iyyabaaha odile.

Romanos 8:32

Tata Do Iyyabaaha nna berú iqui berú lee Jesucristuha Benni anque cuinaga xiꞌinie, qui betee Benniha uttie cuenta gue iyábari. Larcala, ¿tti modu lä ute Ben-na itupa len xiꞌinie-na iyába nu te guee len riꞌi?

2 Corintios 6:18

Lania nna neti aca Tata guele, lebiꞌi nna aca le xiꞌinbiyuua lhe xiꞌiniunnáya lhe. Aná rá Benni bananie ri-na, Benni rinnabia iyáxea.”

Gálatas 3:26

cumu de chi ria lele Jesucristu, larcala iyábale ancale xiꞌini Tata Do Iyyabaaha.

Gálatas 3:29

De chi ancale gue Cristuha nna benni datía Abraham guaba chi ancale. Larcala ancaguabale benni dhi interés nu chi begüee Tata Do Iyyabaaha tisa utee leni Abraham.

Colosenses 3:3

Cumu lebiꞌi nna leni nu anca gue yies lo yu-ni nna chiba uttile, leni Cristuha liba ancale benni te elha nabani gueni ttu dia lii, Benniha nua tua tsee-ni Tata Do Iyyabaaha.

1 Juan 3:10

Iyába ca benni bittu runi nu anca tsee lhe bittu racaquinna gue adí benni lhe läga anca ca nua gue Tata Do Iyyabaaha. Aná nna ruleꞌe lo gaxa seꞌe ca benni anca xiꞌini Tata Do Iyyabaaha, gaxa seꞌe ca benni anca xiꞌini nu xxegüiha lhe.

1 Juan 3:2

Ca benni ria le Jesús, racatia guele, riꞌi nna chi ancari xiꞌini Tata Do Iyyabaaha, masquiba bittu chi yuri gattigasná eyacari, ttiaca riꞌi nna chiba yuri gansi chi besía Cristuha, lania nna eyacari attiba anca Benniha, cumu lania nna ilenrie attiga anque.

1 Juan 4:17

Unní ruleꞌe lo riꞌi nna chi ancari benni gualígani racani gue ca benni, qui anáchu nna gansi chi bisía sá un Benniha elha uxtisi gueri nna bittu bi te bixa lo niꞌa gue gasinri, cumu guaseꞌebari runri attiba beni Jesús atti udoe yies lo yu-ni.

Apocalipsis 21:7

Benni dhana uchíana lo iyá nu satena lo niꞌa quia nna dhína iyá nu tsee utea-ni. Neti nna aca Dios gueni, lana nna acana xiꞌinia.