1 Juan 2:8 - Zapoteco de Aloápam

⁸ Ttiaca nna benni runia lo sitsi-ni nna anque ttu tisa cubi runia mandadu aca, cumu Jesucristuha nna beleꞌe loe nu gualíga runi ca tisa-na mandadu aca, anáguaba lebiꞌi lhe seꞌeguabale ruleꞌe lole nu gualíga runi ca tisa-na mandadu aca. Cumu nu anca chulhaha nna chiba dia nua ritena, xieni benni anca gualíha nna chi rudanie.

1 Juan 2:8 Iomraidhean Croise

San Mateo 4:16

Lacana nua ancacana attiba ca benni seꞌe lheꞌe atta anca chulha. Nnanna nna chi biláquinna ttu xieni xeni. Xieniha benniha udanie gue ca benni seꞌe atta ruxunnina guecani gatticana.

San Lucas 1:79

qui udanie gue ca nu seꞌe atta anca chulha, ca nu ruxunnina guecani gatticana. Aná nna unie tsiari lo neda guee atta te elha xen lasi.

San Juan 1:9

Benni gualíga anca xieni rudani lhiꞌu lheꞌe lastoo iyáxea benni chi dee yies lo yu-ni.

San Juan 12:35

Jesús re cana: —Nnanna nna gua dorba len lebiꞌi, neti anca xieni nu rudani lagüi guele, ttiaca attu sattirba. Larcala nna laca dorua len lebiꞌi nna gua rudanru xieni-ni guele, gualdhá dhuti qui lä iyaxxuni ela le, cumu nu requi lheꞌe atta chulha nna ni lä yu nua ga nua diana.

San Juan 12:46

Neti anca xieni, delha yies lo yu-ni qui iyába ca benni tsia lecani neti nna bitturu tseꞌecana atta chulha.

San Juan 13:34

Ttu ley cubi utea len lebiꞌi: Aquin gue loesle. Attiba ucatia guele, anía aquin gue loesle.

San Juan 8:12

Jesús bedulottebe unnee attu libe re ca benni seꞌe nía: —Neti anca xieni gue ca benni seꞌe yies lo yu. Benni etenalhana neti nna läga tsequi nua atta chulha, cumu gattaba xieni rute elha nabani ttu dia lii gue nua.

Hechos 17:30

Ca tu nurea nna Tata Do Iyyabaaha lägabi casu benie gue nu beni ca benni atti bittu chi yucana. Ttiaca nnanna nna rinnee rulise iyáxea ca benni seꞌe yies lo yu-ni qui odú xiyyancana odaxxucana neda guee.

Hechos 26:18

Lu nna idhalhu locani qui ttedaaquinna uncana nu anca tsee, qui bitturu uncana nu lä anca tsee. Análiba nna eríacana lo ná nu xxegüiha qui odaxxucana neda gue Tata Do Iyyabaahaba. De tsia lecani neti nna dhia elha xen lasi gue ca tulha guecani chi bencana, dhíguabacana nu tsee chi gaꞌana dhi ca benni chi ulequiesi Tata Do Iyyabaaha anca guee lhe.”

Romanos 13:12

Atta seꞌeri nnanna ancana attiba lo rela, chiba diana ritena, atta do Cristuha nna ancana attiba resá, riꞌi nna chitteba deoba isía sá atti eyyari nía. Larcala nna chinca ocaꞌanri ca nu lä anca tsee runri na, bitturu unri nu run ca nu seꞌe lheꞌe chulha-na, nu unlari nna eseꞌe tseelari unri nu anca tsee qui acari nu seꞌe atta yuꞌu xieni, attiba ttu soldado chi bedú tsee.

2 Corintios 8:9

Cumu lebiꞌi nna chiba yule ya de tsee run Jesucristu Benni bananie ri-na len ca benni. Lee nna anque Benni texxatta guee. De ucabanie guele nna uque Benni bittu te gueni atti bite yies lo yu-ni. Uca Benniha benni bittu te gueni qui anía liba nna ucale nu gatta gueni iyyabaaha.

Efesios 5:8

Cumu atti bittu chi benbiale Cristuha nna attiba nu requi lheꞌe chulhaba ancale de güequile benle nu satsa, ttiaca nnanna nna de chi ancale benni gue Jesucristuha nna chiba requile lheꞌe xieni. Larcala nna gualuni nu anca tsee de chi ancale benni seꞌe lheꞌe xieni.

2 Timoteo 1:10

Atti udhelhe Jesucristu Benni bodile ri, lania beleꞌe loe nu tsee runie len riꞌi. Benniha nna benie qui bitturu dha elhuttiha uttinri ttu tsaba. Nianna ulequie lolia, riꞌi nna gansi tsia leri Jesucristuha lania nna gatta elha nabani gueri ttu dia liiba, lärga gattiri ttu tsa.

1 Pedro 1:21

Lebiꞌi nna de Cristuha nna ria lele Tata Do Iyyabaaha Benni beni beacani Cristu dequide uttie, leni unnuha nna benie ure xen Cristuha, qui anáchu lebiꞌi nna tsia lele Tata Do Iyyabaaha, uxxen lele gue nu chi re unie lhe.

1 Juan 3:23

Nu benie mandadu unri nna ancana: tsia leri xiꞌinie Jesucristu, aquin gue loesri lhe attiba chi benie mandadu unri.

1 Juan 4:11

Ca benni ria le Jesús, racatia guele, gansi análi raquin Tata Do Iyyabaaha gueri, anáguaba riꞌi raca duelha aquin gue loesri tturi lhe atturi lhe.

1 Juan 4:21

Unní beni Benniha ri mandadu unri: Benni raquinna gue Tata Do Iyyabaaha, anáguaba aquinna gue ca benni ria le Jesús.