1 Juan 2:7 - Zapoteco de Aloápam

⁷ Ca benni ria le Jesús, racatia guele, benni runia lo sitsi-ni nna läga anca ben-na attu tisa cubi runia mandadu unle, la tisa-nba benniha bieninle primeroha. Tisa racale mandadu unle-ni nna anque tisa chi bieninle axta ttuha li.

1 Juan 2:7 Iomraidhean Croise

San Mateo 5:43

’Lebiꞌi nna chiguaba binale rácana: “Aquinle gue ca benni gueri-na, gualutía di lele ca nu lä raca uyúcan le-na.”

San Juan 13:34

Ttu ley cubi utea len lebiꞌi: Aquin gue loesle. Attiba ucatia guele, anía aquin gue loesle.

Hechos 17:19

Laniala nna uchecana biꞌiniha lo tu lhilhi te láni Areópago atta riacana riseꞌecana rinnecana. Atti unnaba tisattebacan bi rácana: —¿Si guaca quixxiꞌenlu riꞌitu bi tisa cubi unní cheelu?

Hebreos 6:9

Ttiaca lebiꞌi ca benni raquintu gueni, masquiba rinnetu rátu le aná, yuxeabatu lebiꞌi nna tseeba salíana le, godilába Tata Do Iyyabaaha le lhe.

1 Juan 2:24

Larcala lebiꞌi nna gualorexxa lele ca tisa bieninle primeroha. Gansi nu rá ca tisa bieninle primeroha eyaꞌan tsitsique lheꞌe lastoole nna lania nna gua seꞌebale len Tata gueri do iyyabaaha, leni Xiꞌini Benniha lhe.

1 Juan 3:11

Ca tisa-ni nua bieninle desdeba primeroha, ca tisa-ni nna ráque: aquin gue loesri tturi lhe atturi lhe.

1 Juan 3:2

Ca benni ria le Jesús, racatia guele, riꞌi nna chi ancari xiꞌini Tata Do Iyyabaaha, masquiba bittu chi yuri gattigasná eyacari, ttiaca riꞌi nna chiba yuri gansi chi besía Cristuha, lania nna eyacari attiba anca Benniha, cumu lania nna ilenrie attiga anque.

1 Juan 3:21

Ca benni ria le Jesús, racatia guele, gansi lastoori-ni bittuba rudelha iyyan ri nna guateba elha xen lasi lenri gansi chi betsá duri lo Tata Do Iyyabaaha.

1 Juan 3:23

Nu benie mandadu unri nna ancana: tsia leri xiꞌinie Jesucristu, aquin gue loesri lhe attiba chi benie mandadu unri.

1 Juan 4:1

Ca benni ria le Jesús, racatia guele, bittu tsia lele gue iyá ca nu rácana dequi rixxiꞌacana ca tisa rute Espíritu gue Tata Do Iyyabaaha len lacana. Primer xa gualuni qui ttedeenle gansi gualí quin ca unnuha Espíritu gue Benniha nua yuꞌu lheꞌe lastoocani, cumu ixeru ca nu run lecani chi requi yies lo yu-ni rácana dequi ancacana profeta gue Tata Do Iyyabaaha.

1 Juan 4:11

Ca benni ria le Jesús, racatia guele, gansi análi raquin Tata Do Iyyabaaha gueri, anáguaba riꞌi raca duelha aquin gue loesri tturi lhe atturi lhe.

1 Juan 4:21

Unní beni Benniha ri mandadu unri: Benni raquinna gue Tata Do Iyyabaaha, anáguaba aquinna gue ca benni ria le Jesús.

1 Juan 4:7

Ca benni ria le Jesús, racatia guele, aquin gue loesri tturi lhe atturi lhe cumu Tata Do Iyyabaaha runie aquin gue loesri. Iyába ca benni racaquinna gue adí benni nna ancacana xiꞌini Tata Do Iyyabaaha, ancabiaquinna Benniha lhe.