1 Juan 2:4 - Zapoteco de Aloápam

⁴ Nu rána: “Neti anca biatia Benniha”, nianna bittu rudona tisa gue nu beni Benniha mandadu unna nu run lebani anca nua, läga anca nua nu runi nu anca gualí.

1 Juan 2:4 Iomraidhean Croise

San Juan 8:44

Lebiꞌi nna nu xxegüihaba anca xxudile. Nu ruꞌu le tata guelehaba reꞌo lele runle. Lana nna atti uduloli ure yies lo yu-ni ancana nu runi elhutti, läga runna nu anca gualí cumu läga rinnena nu gualí. Gansi chi rinnena run leni nna rinnebana nu ancabana, cumu ancana nu run leni lhe xxudi ca nu run lecani lhe.

Tito 1:10

Cumu ixe benni seꞌe ancacana nu bittu rudo tisa. Rinnecana nu bittu ixuu lhe ridí yiecana adí ca benni lhe. Ca nu runi aná nna ancacana benni Israel ca nu rá dequi chi ria lecani Cristuha.

Tito 1:16

Rácana dequi anca biaquinna Tata Do Iyyabaaha, ttiaca leni nu runcana ruleꞌe lo riguꞌuba niꞌacani Ben-na. Ancacana benni runi nu bittu raca lee Tata Do Iyyabaaha ilánie lhe nu bittu rudo tisa gue Ben-na lhe nu bittu guaca uni nu anca tsee lhe.

1 Juan 1:10

Gansi innári dequi lägabi nu lä anca tsee chi benri, lania nna runbari dequi Tata Do Iyyabaaha anque Benni run lee. Leni unnuha nna ruleꞌe lori läga gualí chi yuꞌu ca tisa gue Benniha lheꞌe lastoori.

1 Juan 1:6

Gansi riꞌi innári: “Riꞌitu seꞌetu len Tata Do Iyyabaaha, nianna requirbari lheꞌe chulha nna nu run lebani ancari lania, cumu läga ancari nu runi nu anca gualí.”

1 Juan 1:8

Gansi riꞌi innári dequi lägabi nu lä anca tsee runri, la riꞌiba nua rixú yieri. Lania nna läga ancari nu runi nu raxxína leni nu anca gualí.

1 Juan 2:3

Gansi gua rudori tisa gue nu beni Tata Do Iyyabaaha mandadu unri, laniarguaba nna yuri gualíba anca bienri Benniha.

1 Juan 2:9

Benni rána dequi gua dubana lheꞌe xieni nna ttiaca rutía dirba leni benni nna unnuha nna atta chulhaba sna duba nua.

1 Juan 3:6

Larcala nna iyába ca benni seꞌe len Cristuha nna lärga run ca nua nu lä anca tsee, ttiaca iyába ca nu runi nu lä anca tsee nna läga chi yucana nuxa anca Benniha, niguaba lä ancabiaquinna Benniha lhe.

1 Juan 4:20

Gansi nuxa benni rána: “Neti racatia gue Tata Do Iyyabaaha”, ttiaca rutía diba leni ca benni, unnuha nna nu güen lasiba nua. Cumu nu bittuba raquinna gue ca benni rilenna, ¿gasná aquin nua gue Tata Do Iyyabaaha benni bittu rilenna?

1 Juan 4:7

Ca benni ria le Jesús, racatia guele, aquin gue loesri tturi lhe atturi lhe cumu Tata Do Iyyabaaha runie aquin gue loesri. Iyába ca benni racaquinna gue adí benni nna ancacana xiꞌini Tata Do Iyyabaaha, ancabiaquinna Benniha lhe.