1 Juan 2:16 - Zapoteco de Aloápam

¹⁶ Cumu nu bittu anca tsee ridá lee cuerpu gueri-na unna nu ridá lee ca iyya lori-na iláquinna lhe nu runri ttaba len nu te gueri lhe iyába unní nna gue yies lo yu-ni bunni, läganu anca gue Tata gueri do iyyabaaha unní, nu anca gue yies lo yu-niba unní.

1 Juan 2:16 Iomraidhean Croise

San Mateo 4:8

Nu xxegüiha nna uchettebana Benniha axta iqui ttu iꞌiya yadharu. Nía beleꞌenna Benniha iyába ca yiesi xxeni seꞌe yies lo yu-ni, nu gaꞌana tsee te guecani lhe.

San Mateo 5:28

Ttiaca neti nna rpeale, nuxaba benni dha leni ttu nuila atti ilenna nua, lana nna attisiba chiba bisána nua de belaba lhiꞌu leni isána nua.

San Lucas 4:5

Nu xxegüiha nna uchettebana Benniha axta iqui ttu iꞌiya yadharu. Nía beleꞌenna Benniha ttu nnelaru iyába ca yiesi xeni seꞌe yies lo yu-ni.

Romanos 13:14

Nu unlale nna itú iqui itú lele gualuni atti runi Jesucristu Benni bananie ri, bittu aquinle ulaba lele gue gaxasná unle qui aca nu lä anca tsee ridá le cuerpu guele-na.

1 Corintios 10:6

Iyába unní uca qui acana ttu nu ugüiari. Aníachu nna bittu dha leri unri nu lä anca tsee attiba ca biꞌiniha udá lecabi uncabi nu lä anca tsee.

Gálatas 5:17

Cumu nu lä anca tsee ridá le cuerpu gue ttu benni unna läga raca uyú nua Espíritu gue Tata Do Iyyabaaha. Anáguaba Espíritu gue Tata Do Iyyabaaha, läga raca uyúe nu lä anca tsee ridá le cuerpu gue ttu benni unna. Irupaba ca unní reseꞌe disa lo loescani larcala nna läga raca unle nu raca lele.

Gálatas 5:24

Ca benni chi anca gue Cristuha nna chiba bocaꞌancana iyába nu lä anca tsee runcana, nu satsa ridá lecani uncana lhe attisiba chiba betácana iyába nua lo ya crusi.

Efesios 2:3

Anáguaba beni iyábari ca tu ttuha, attiba beni ca unná, benbari nu ucaba leri, benbari nu lä anca tsee ridá le cuerpu gueri-ni lhe nu lä anca tsee belaba leri lhe. Denuala nna ralhabari dhíri elha disa xeni la tsuꞌu bia attiba adí benni.

Tito 2:12

Benna ruleꞌenie ri odhaꞌanri unri nu bittu anca tsee, bitturu udunri unri nu raca yies lo yu-ni lhe. Ruleꞌenie ri dhari innabiari elha rieni gueri lhe unri nu anca lhixxa lhe unri nu tsuꞌu lee lhe.

Tito 3:3

Cumu riꞌi nna anáguaba benri ttuha: Ucari benni beni nu bittu ixuu, nu bittu bedo tisa lhe. Ucari benni iquiri ganna lhe ucari attiba nu ttoꞌo lo sina gue iyáloba nu satsa raca yies lo yu-ni lhe nu satíaba beni nu bittu anca tsee lhe nu upa malisi gue adí benni lhe nu bittu uca uyú loesni lhe nu betía dile loesni lhe.

Santiago 3:15

Cumu läga aná anca elha rieni rute Tata Do Iyyabaaha, elha rieni anca gue yies lo yu-niba unná, nu rulaba le benniba ancana, ancabana gue nu xxegüiha lhe.

Santiago 4:16

Ttiaca lebiꞌi nna tsitsiba nu runle riseꞌele rinnele leni elha ttaba guele. Iyába loesi elha ttaba-na ancana nu bittu anca tsee.

1 Pedro 1:14

Gualeaca attiba ttu xiꞌini rudo tisa gue tata gueni, bitturu tseꞌele unle ca nu ridá lele runle atti ancale nu chulha leni bittu chi yu nu anca gue Tata Do Iyyabaaha.

1 Pedro 2:11

Ca benni ria le Jesús racatia gueni, lebiꞌi ancale attiba ttu benni dittu yuꞌu neda, neti rinnaba lole bittu dhielhale unle nu lä anca tsee ridá le cuerpu guele-na unna cumu unnonna ritilha len lastoole-na.

2 Pedro 2:10

Ca nu rulaba leni ridá lecani runi nu lä anca tsee, anáguaba riguꞌu niꞌacani elha rinnabia gue Benni bananie ri-na lhe chi dhicana elha disa, de ancacana nu diti bittu rieni ni lhe nu reaxani runi ttu bixa lhe, lacana nna tsa bittu rasquinna reseꞌe disacana lo ca nu run tsitsi ra xxeni lee requi iyyabaaha.

2 Pedro 2:18

Lacana nna runcana ttaba rinnecana ca tisa elha bittu dica ixuu, ttiaca tsa lägabi ixuu nua. Leni nu lä anca tsee runcana lhe nu satsa ridá lecani lhe runcana rixúyie ca benni ca nu penaba urecana biriescana ca nu runi nu lä anca tsee-na,