1 Juan 2:11 - Zapoteco de Aloápam

¹¹ Ttiaca nu rutía di leni adí benni nna lheꞌe atta chulhaba du nua lhe requina lhe. Tsa läga yu nua gaxa diana cumu chulhaba chi benna nua attiba nu xua loni.

1 Juan 2:11 Iomraidhean Croise

San Juan 12:35

Jesús re cana: —Nnanna nna gua dorba len lebiꞌi, neti anca xieni nu rudani lagüi guele, ttiaca attu sattirba. Larcala nna laca dorua len lebiꞌi nna gua rudanru xieni-ni guele, gualdhá dhuti qui lä iyaxxuni ela le, cumu nu requi lheꞌe atta chulha nna ni lä yu nua ga nua diana.

San Juan 12:40

Tata Do Iyyabaaha benie qui acacana attiba nu xua loni, benie qui aca lastoocani attiba iyya lhe qui masquiba gua rugüiacana bittu iláquinna masquiguaba te elha rieni guecani lhe bittu ttedaaquinna. “Anía nna qui bittu eyequicana esíacana len neti, neti nna eyonia cana”, rá Tata Do Iyyabaaha.

2 Corintios 3:14

Ttiaca ca benni Israel nna bittu uca lecani sadú lecani nu rá ca tisa-na. Nuarcala nna axtaba nnanna gansi chi rulabacana nu rá ca tisa bocaꞌan Tata Do Iyyabaaha len lacana atti nía, attisiba sna xuaba lariha locani. Cumu ria liba lecani Cristu lania liba ritúa lariha locani.

2 Corintios 4:4

Nu xxegüi anca dios rinnabia yies lo yu-ni bochulhana elha rieni gue ca benni bittu ria le Tata Do Iyyabaaha. Benna cana attiba nu xua loni qui bittu iláquinna xieni gue ca tisa gue Jesús, delába bittu sadú lecani nu rá ca tisa riguixxiꞌa gue nu xxeni ra le Jesús Benni anque Cristu. Lee anque attiga anca Tata Do Iyyabaaha.

Tito 3:3

Cumu riꞌi nna anáguaba benri ttuha: Ucari benni beni nu bittu ixuu, nu bittu bedo tisa lhe. Ucari benni iquiri ganna lhe ucari attiba nu ttoꞌo lo sina gue iyáloba nu satsa raca yies lo yu-ni lhe nu satíaba beni nu bittu anca tsee lhe nu upa malisi gue adí benni lhe nu bittu uca uyú loesni lhe nu betía dile loesni lhe.

2 Pedro 1:9

Ttiaca ca nu bittuba seꞌe runi aná nna attiba ttu nu xua loni anca ca nua, attiba ttu nu bittu rilátseeni lhe cumu de chi bixulhaquinna Tata Do Iyyabaaha nna chiba uxie elha xen lasi gue ca tulha bencana ttuha.

1 Juan 1:6

Gansi riꞌi innári: “Riꞌitu seꞌetu len Tata Do Iyyabaaha, nianna requirbari lheꞌe chulha nna nu run lebani ancari lania, cumu läga ancari nu runi nu anca gualí.”

1 Juan 2:10

Benni raquinna gue adí benni nna unnuha duna lheꞌe xieni. Larcala nna tsa lägabi te bixa unna ichecu nua qui unna nu bittu anca tsee.

1 Juan 2:9

Benni rána dequi gua dubana lheꞌe xieni nna ttiaca rutía dirba leni benni nna unnuha nna atta chulhaba sna duba nua.

1 Juan 3:15

Iyába ca benni rutía di lecani ca benni, nu runi elhuttiba anca ca nua. Lebiꞌi nna gua yubale, ni ttu nu runi elhutti bittu aca banna ttu dia lii lo Tata Do Iyyabaaha.

1 Juan 4:20

Gansi nuxa benni rána: “Neti racatia gue Tata Do Iyyabaaha”, ttiaca rutía diba leni ca benni, unnuha nna nu güen lasiba nua. Cumu nu bittuba raquinna gue ca benni rilenna, ¿gasná aquin nua gue Tata Do Iyyabaaha benni bittu rilenna?

Apocalipsis 3:17

Lebiꞌi nna rále: Riꞌitu ancatu nu te gueni. Tsapa tsee ralíana riꞌitu. Tsa lägabi reasintu. Ttiaca bittu ritedeenle, lo Tata Do Iyyabaaha nna ancale nu bittu seꞌe tsee, nu riguꞌu niꞌa benni lhe benni di lhe nu xua loni lhe nu ttunttu lhe.