1 Juan 2:10 - Zapoteco de Aloápam

¹⁰ Benni raquinna gue adí benni nna unnuha duna lheꞌe xieni. Larcala nna tsa lägabi te bixa unna ichecu nua qui unna nu bittu anca tsee.

1 Juan 2:10 Iomraidhean Croise

San Mateo 13:21

ttiaca cumu läga beꞌan tsitsi ca tisaha lheꞌe lastoocani, nuarca läga isá ria lecani. Larcala gansi chi bixa ratecana o nuxa rusía lencana lo niꞌa gue ca tisa-na, readi gattebacana lo neda gue Tata Do Iyyabaaha.

San Mateo 18:7

’¡Gualichiaru le yies lo yu-ni! Satíaba tee nu runna un ca benni nu lä anca tsee, cumu anába te aca. ¡Ttiaca gualichiaru le benni unna ixúyie ca benni uncana nu lä anca tsee!

San Juan 11:9

Jesús becabie guecabi re: —¿Si läba tsiꞌinu ura yuꞌu lheꞌe ttu sá nna? Nu requi resá nna läga richecu nua cumu xieni gue yies lo yu-ni nna gua rudanbe gue nua.

San Juan 12:35

Jesús re cana: —Nnanna nna gua dorba len lebiꞌi, neti anca xieni nu rudani lagüi guele, ttiaca attu sattirba. Larcala nna laca dorua len lebiꞌi nna gua rudanru xieni-ni guele, gualdhá dhuti qui lä iyaxxuni ela le, cumu nu requi lheꞌe atta chulha nna ni lä yu nua ga nua diana.

San Juan 8:31

Jesús re ca benni Israel chi güia lecanie: —Gansi lebiꞌi nna usiguile udole tisa gue nu ria le-ni nna lania liba acale nu gualíga anca nu rudheti ca tisa ruleꞌa.

Romanos 14:13

Larcala nna bitturu dica inne güe gue loesri. Lebiꞌi nna nu unlale nna gualuni duelha bittu unle ttu nu uni ichecu ttu benni ria le Jesús lo neda gue Tata Do Iyyabaaha, lo niꞌa gue unnuha nna eyequi nua unna nu lä anca tsee.

Filipenses 1:10

qui satíaba aca guele ucuele nu anca tsee. Anía liba nna acale benni nari nu bitturu runi nu lä anca tsee qui bittu bi te bixa lo niꞌa gue itisale gansi chi besía Cristu.

2 Pedro 1:10

Larcala nna ca benni ria le Jesús, gualun duelha gualuleꞌe lo chatti lebiꞌi nna gua liba chi ancale benni uxi Tata Do Iyyabaaha lhe benni chi becuee aca guee lhe cumu gansi seꞌele runle aná nna tsa läga iriesle lo neda gue Tata Do Iyyabaaha.

1 Juan 2:11

Ttiaca nu rutía di leni adí benni nna lheꞌe atta chulhaba du nua lhe requina lhe. Tsa läga yu nua gaxa diana cumu chulhaba chi benna nua attiba nu xua loni.

1 Juan 3:14

Riꞌi nna chiba yuri, chiba ulári lo elhuttiha, nnanna nna chi te elha nabani gueri ttu dia lii, cumu raquinri gue ca benni ria le Jesús. Ca nu bittuba racaquinna gue ca benni ria le Jesús, attiba nu yattiba anca ca nua lo Tata Do Iyyabaaha.