1 Juan 2:1 - Zapoteco de Aloápam

¹ Lebiꞌi, ca benni raca attiba xiꞌinia, runia unní lo sitsi qui bittu unle nu lä anca tsee lo Tata Do Iyyabaaha. Ttiaca gansi nux ttule uni nu lä anca tsee, gua doba Benni edí edenie le lo Tata gueri do iyyabaaha. Benniha nua Jesucristu benni runi ttagaꞌa nu anca tsee.

1 Juan 2:1 Iomraidhean Croise

San Lucas 10:22

’Tata quiaha nna iyába nu tee betee las náya. Tsa läganu yu gattigasná anca Xiꞌini Tata Do Iyyabaaha, sunruba lee yue nuxa anca Xiꞌinie. Nuttuguaba yu gattigasná anca Tataha lhe sunruba neti Xiꞌinie-ni yua nuxa anque, ca benni raca lasia quixxiꞌatia cana gue Benniharba nna yucana nuxa anque.

San Juan 10:15

Attiba tata quia anca bienie neti, anáguaba neti anca biaguatie. Neti utea elha nabani quia qui odiláya ca benni, attiba ttu benni re lo ca carneꞌe rerú iqui rerú leni elha nabani gueni rutena cuenta gue ca carneꞌeha.

San Juan 13:33

Xa xiꞌinto quia, attu sattirba doa len lebiꞌi. Lebiꞌi nna eguilale neti. Nnanna nna upea le attiba rpea ca nu lo gue ca benni Israel-na: Lebiꞌi nna bittu aca edále atta eyyaꞌaya.

San Juan 14:16

Neti nna güinnababa lo Tata quia qui idhelhe attu Benni aca lanie le, qui dhoe len lebiꞌi ttu dia lii.

San Juan 14:6

Jesús becabie re: —Netiba nua anca neda dia atta do Tata Do Iyyabaaha. Anca nu ruleꞌe nu anca gualí lhe anca nu rute elha nabani ttu dia lii lhe. Ni ttu benni bittu aca gueni isínna len Tata quia gansi läba neti unia qui isínna len Benniha.

San Juan 21:5

Jesús unnaba tise re ca biꞌiniha: —Ca xiꞌinto, ¿si biexxuinle belha qui gori? Riꞌitu nna becabitu rátu: —Nuttu biexxuintu.

San Juan 5:14

Dequila nna guattiꞌa Jesús nua lheꞌeliꞌa gue yotuha, nianna ráttebe na: —Begüiarga, urgabi chi beacalu. Bittu eyequilu edeonlu ttu nu lä anca tsee, qui lä satelu attu nu lä anca tsee xxenru.

San Juan 5:36

Ttiaca te attu nu rixxiꞌarna gue nuxa anca atti nu utixxiꞌa Juan, delába ca elha ban lasi runia-ni, cumu laba Tata quia do iyyabaaha rute ca ben-na len neti. La ca ben-naba rixxiꞌaque dequi gualí lee udhelhe neti.

San Juan 6:27

Bittu udoxxatta lele quilale elha go nu bittu ruchía isá yies lo yu-ni. Nu unlale nna gualuni duelha gualeguila elha go nu ute elha nabani ttu dia lii guele. Elha go-ni nua utea len lebiꞌi, neti Benni unbiyuu daa iyyabaaha. Denua nna Tata quia do iyyabaaha chi bodúe neti.

San Juan 8:11

Lana nna rána: —Niba ttucana, xa tata. Jesús re na: —Anáguaba neti bittuguaba udelhiyya lu. Nnanna nna beyya lisluha nna bitturu eyequilu unlu nu lä anca tsee.]

Hechos 7:52

Iyába ca benni uca profeta gue Tata Do Iyyabaaha besía le ca benniola gueleha, axtaba betticana ca profeta utixxiꞌa dequi isía ttu benni runi nu anca tsee lo Tata Do Iyyabaaha. Nnanna nna chi bita Benniha. Ttiaca lebiꞌi nna bedaxxulale Benniha bettile.

Romanos 5:10

Cumu attila ancari nu bittu raca uyúri Tata Do Iyyabaaha, lee nna udhelhe xiꞌinie Jesucristu qui leni elhutti gue Benniha nna beaca tseeri lenie. Adílaba nnanna de chi ancari benni seꞌe tsee leni Tata Do Iyyabaaha, lee nna godilábe ri de beacani Jesucristuha.

Romanos 6:15

Nianna ¿bila anca nu unri? Cumu de chi seꞌe lhári redibaari elha tsee redá le Tata Do Iyyabaaha rute lenri. ¿Si unbari nu bittu anca tsee de bitturu rinnabia ca ley-na ri? ¡Dica, tsa lärga unri aná!

Romanos 8:34

Nianna ¿nú nua eyaxinna udelha iyyan ri? Nuttuba xa. Cumu cuinaba Jesucristuha uttie cuenta gueri, güeaniba beacanie lhe lee nna doe daca lhuitta derechu gue Tata Do Iyyabaaha rinnabe lo Benniha aca lanie ri.

1 Corintios 15:34

Gualedoni nibisa, bitturu unle nu lä anca tsee. Qui ettúbinle nna ria: Ttulhele nna läga chi anca bienle Tata Do Iyyabaaha.

2 Corintios 5:21

Cristu nna lägabi ben Benniha ni ttu nu lä anca tsee. De lo niꞌa guebari nna bejúa Tata Do Iyyabaaha Benniha yua lo niꞌa gue ca tulha gueri, qui de nu guate Benniha nna beoni Tata Do Iyyabaaha ri benni tsee loe.

Gálatas 4:19

Ca xiꞌinto quia, lo niꞌa guele nna ruyúa elha disa attu libe attiba ttu nuila rutía lheꞌeni cuꞌu xiꞌinni. Anába usiguia satea axta liba isía sá innabia Cristuha lheꞌe lastoole.

Efesios 2:18

De Jesucristuharba nna si ancari benni Israel o si bittu lhe iyábari chi yali lo neda gueri ibigari lo Tata Do Iyyabaaha. Cumu la ttuba Espíritu gue Benniha yuꞌu lheꞌe lastoo iyábari.

Efesios 4:26

Gansi iseꞌenle nna bittu ixegüile unle nu lä anca tsee, bittuguaba iseꞌenle etú sába ni chadiba ubisa lhe.

1 Timoteo 2:5

Cumu tturba ttu Tata Do Iyyabaa do, tturguaba benni do roseꞌe tsee ca benni leni Tata Do Iyyabaaha lhe Benniha nua unbiyuu lá Jesús Benni anque Cristu.

1 Timoteo 3:14

Ca tisa-niba runia lo sitsi ridhelha guelu xa Timoteo, masquiba chiguaba ruxxen lasia itattegaba etennalhia lu,

Hebreos 9:24

Cumu Cristuha läga uteꞌe lheꞌe yotu beni ca benni seꞌe yies lo yu-ni, nu anca lixxina cuinaga yotu do iyyabaaha, sinuqui iyyabaaha liba beteꞌe, attaba doe nnanna qui ribequi loe gueri lo Tata Do Iyyabaaha.

Santiago 1:27

Nu gualíga anca tsee radi le Tata gueri do iyyabaaha uni ttu benni ria leni Ben-na nna ancana: unri yuda ca unto bidabi-na lhe ca nuila bidabi-na lhe atti ruyúcana elha disa lo niꞌa gue bixa ratecana, bitturu unri nu lä anca tsee raca yies lo yu-ni lhe.

Santiago 3:9

Leni lhusari-na rulhari gue Tata do iyyabaaha, leni unnáguaba rigueri iqui ca benni beni Tata Do Iyyabaaha attiba anque lhe.

1 Pedro 2:22

Benniha nna tsa läga benie ni ttu nu lä anca tsee, lä uxi yieguabe lhe.

1 Pedro 3:18

Cumu Cristuha nna anáguaba guate Benniha, lo niꞌa gue ca tulha gueri, ttu libeba uttie qui utixe gue iyábacana. Benniha anque ttu Benni bittu tulha guee te, ttiaca chi uttie lo niꞌa gueri nu te tulha gueni, anía liba nna eche Ben-na ri len Tata Do Iyyabaaha. Cuerpu gueeba Benniha utti, ttiaca atti beacanie nna anca banba espíritu gue Benniha do lheꞌe cuerpu cubi guee.

1 Juan 3:18

Lebiꞌi ancale attiba xiꞌinto quia, bittu ni lo ni tisaba innári dequi raquinri gue ca loesri-na, sinuqui leni nu runri uleꞌe lori gualíguinri raquin gue loesri.

1 Juan 3:5

Lebiꞌi nna chiba yule Cristuha bite yies lo yu-ni qui utúe ca tulha gueri. Benniha nna tsa lägabi anque Benni te tulha guee.

1 Juan 3:7

Lebiꞌi ancale attiba xiꞌinto quia, bittu ugüelhale nuxa dhi yiena le: benni runi nu anca tseeha nna nu runi nu anca tsee lo Tata Do Iyyabaahaba anca nua, attiba Cristuha anque Benni runi ttulapa nu anca tsee.

1 Juan 4:4

Lebiꞌi ancale attiba xiꞌinto quia, lebiꞌi nna ancale benni gue Tata Do Iyyabaaha. Chiba udále lo ca nu run lecani rácana dequi rixxiꞌacana ca tisa rute Tata Do Iyyabaaha len lacana, cumu Espíritu do lheꞌe lastoole-na nna xxenru ra lee atti nu xxegüi requi yies lo yu-ni.

1 Juan 5:17

Iyába nu lä anca tsee runri ancana tulha lo Tata Do Iyyabaaha, ttiaca seꞌe ca nu lä anca tsee runri lägabi ancacana nu rila elhutti gueri.

1 Juan 5:21

Lebiꞌi ancale attiba xiꞌinto quia, cuidadu gualdo. Bittu tsia lele ca nu bittu gualí anca diosi-na.

3 Juan 1:4

Bitturu attu bixa te unna eyoꞌoxxatta lasia, atti reꞌo lasia runa ca benni ancacana attisiba xiꞌinba, seꞌecana rudocana tisa gue nu anca gualí rixxiꞌa ca tisa gue Tata Do Iyyabaaha.