1 Juan 1:9 - Zapoteco de Aloápam

⁹ Ttiaca gansi riꞌi ridí roꞌori lo Tata Do Iyyabaaha ancari nu runi nu lä anca tsee, lee nna guadíbe elha xen lasi gueri, guaguabe iyáxea nu lä anca tsee runriha lhe. Cumu anque Benni runie nu chi re, anque Benni runie ttagaꞌa nu anca tsee lhe.

1 Juan 1:9 Iomraidhean Croise

San Mateo 3:6

Atti rixxua lopicana ca tulha guecani lo Tata Do Iyyabaaha nna rugaditteba Juan cana inda lheꞌe yoo nu te láni Jordán.

San Marcos 1:5

Iyába ca benni seꞌe lo yu nu te láni Judea, ca nu seꞌe lheꞌe yiesi Jerusalén lhe riacana atta requi Juan. Atti ruxxúa lopicana ca tulha guecani lo Tata Do Iyyabaaha nna rugaditteba Juan cana inda lheꞌe yoo nu te láni Jordán.

San Lucas 22:57

Ttiaca Pedro nna bittu uxí roꞌobi. Unnettebabi rábi: —Xa nuila, läga anca biatia unná.

San Juan 17:25

Tata, lu ancalu Benni runi nu raxxína anca lhixxa. Ca benni bittu ria lecani lu seꞌe yies lo yu-ni nna läga anca biaquinna lu, ttiaca neti nna anca biabatia lu. Ca benni seꞌe len neti ni lhe chiba yucana luba udhelhalu neti.

Hechos 19:18

Ixeru ca benni chi güia lecani Jesús risincana riguixxiꞌacana aníba lo benni gue nu bittu anca tsee chi bencana.

Romanos 3:26

Benie aná de raca lee uleꞌe loe len riꞌi tiempu seꞌeri nnanna gaxasná runie reonie riꞌi benni bitturu tulha gueni te. Cumu attiba lee anque benni bittu te tulha guee, anáguaba runie ca benni ria lecani Jesús benni bitturu tulha gueni te.

1 Corintios 1:9

Tata Do Iyyabaaha anque benni runi nu chi re. Lee uxie le qui tseꞌele len xiꞌinie Jesucristu Benni bananie ri.

1 Corintios 6:11

Anába beni ttulhele ca tu ttua. Ttiaca nnanna nna Jesucristu Benni bananie ri-na leni Espíritu gue Tata Do Iyyabaa gueri-na benque chi ancale nu nari, benque ancale nu seꞌe riesi anca gue Tata Do Iyyabaaha lhe benque beseꞌe tseele len Ben-na lhe.

Efesios 5:26

aníaba benie qui ucari benni seꞌe riesi anca guee, lee nna bixuunie ca tisa guee-na qui beonie ri benni anca nari lo Tata Do Iyyabaaha, unnuha nua ruleꞌe lori atti radiri inda,

1 Timoteo 1:15

Tisa anca gualí ben-ni rinnea, nu dica tsia le iyáxea ca benni: Jesucristu bite yies lo yu-ni qui odile ca benni runi nu lä anca tsee qui bittu tsia nnitticana. Delo iyába ca benni runi nu lä anca tsee, netiba anca nu uttaru tulha gueni.

Tito 2:14

Lee nna uxielhabe betticane qui utixe gue ca tulha gueri. Anía liba nna lhári lo iyá nu lä anca tsee benri, qui acari benni chi anca nari anca guee lhe nu tsaba udona leni uni nu anca tsee lhe.

Hebreos 10:23

Usiguibari tseꞌe tsitsiri, tsa bittu udhanri uxxen leri nu chi utixxiꞌenri ca benni ute Tata Do Iyyabaaha gueri, cumu Benniha nna gutebe nu chi re utee gueri.

Hebreos 11:11

Anáguaba de güiaguaba le Abraham Tata Do Iyyabaaha, nuarca masquiba chi dienbi lhe masquiba anca Sara nuila nu bittu dica uja xiꞌinbi lhe labi nna uxíbabi fuerza qui bisía xiꞌinbi de güia lebi labíaba unba Tata Do Iyyabaaha nu chi re unie.

Hebreos 6:10

Cumu Benniha nna anque Benni runi nu anca tsee. Läga ixulhin Ben-na gue nu tsee chi benle, niguaba gue nu runle yuda adí ca benni chi anca gue Ben-na lhe. Atti runle aná nna ruleꞌe lole raquinle gue Tata Do Iyyabaaha, anába diabale runle axta nnanna lhe.

1 Juan 1:7

Ttiaca gansi seꞌebari lheꞌe xieni attiba Tata Do Iyyabaaha doe lheꞌe xieni, lania nna guaseꞌe tseeba len loesri. Reni gue Xiꞌinie Jesucristuha nna cue itú recha nu bittu anca tsee runri lo Tata Do Iyyabaaha.

Apocalipsis 15:3

Nianna rulhacabi cantu bilha Moisés biꞌini bixuu lo sina gue Tata Do Iyyabaaha, cantu bilha Benni anque Carneꞌeha lhe rácabi: Xxeniba anca ca nu runlu, tsitsiba rebanintu atti rilentu cana xa Tata Do Iyyabaa Benni ra tsitsi leni, Lu ancalu Benni rinnabia ca benni seꞌe lheꞌe ca yiesi seꞌe yies lo yu, ancalu Benni runi nu anca lhixxa lhe nu anca gualí lhe.