1 Juan 1:8 - Zapoteco de Aloápam

⁸ Gansi riꞌi innári dequi lägabi nu lä anca tsee runri, la riꞌiba nua rixú yieri. Lania nna läga ancari nu runi nu raxxína leni nu anca gualí.

1 Juan 1:8 Iomraidhean Croise

San Juan 8:44

Lebiꞌi nna nu xxegüihaba anca xxudile. Nu ruꞌu le tata guelehaba reꞌo lele runle. Lana nna atti uduloli ure yies lo yu-ni ancana nu runi elhutti, läga runna nu anca gualí cumu läga rinnena nu gualí. Gansi chi rinnena run leni nna rinnebana nu ancabana, cumu ancana nu run leni lhe xxudi ca nu run lecani lhe.

Romanos 3:10

Lo ca sitsi gue Ben-na rá: Läganu benni te ancana nu tsa bittu runi nu lä anca tsee lo Tata Do Iyyabaaha. Niba ttuna nuttu te.

Romanos 3:23

cumu iyába benni ancacana nu chi beni nu lä anca tsee. Larcala nna bittubi elha ralhari edí baari xieni gaꞌana tsee gue Tata Do Iyyabaaha.

1 Corintios 3:18

Ni ttule bittu dhi yie la lebiꞌiba. Gansi nuxale raquinle ancale benni te elha rieni gueni yies lo yu-ni, gualuni dequi benni bittu te elha rieni guebani ancale, qui anía liba nna eꞌeyule acale nu gualíga te elha rieni gueni.

Gálatas 6:3

Cumu nu raquinna dequi ancana nu ra xxenru leni, ttiaca läga gualí anía anca, la unnuhaba nua ridí yie la labana.

1 Timoteo 6:5

Satíaba ruꞌucana ritilha tisa len loescani cumu bittu rixuu elha rieni guecani, bittuguaba yucana gue nu anca gualí lhe. Lacana racaquinna dequi uncana nu raca lee Tata Do Iyyabaaha qui aca cue xencana leni belhi rilupicana cuꞌe benni. Lu nna Timoteo biriesi ca benni run aná, bittu iselalu ca unná.

2 Timoteo 3:13

Ttiaca ca benni lä du ta lequinna lhe ca nu requi uxí yiena lhe ttu diaba ca unná runcana adí nu bittu anca tsee, ridí yiecana benni lhe rixú yiecana runcana aná lhe.

Santiago 1:22

Gueba nna gualuni nu rá ca tisa-na, bittu sunru udo nagale Ben-na, cumu gansi sunruba rudo nagale Ben-na, lania nna la lebiꞌiba nua rixí yiele.

Santiago 1:26

Gansi nuxa benni rána dequi ancana nu ria leni Tata Do Iyyabaaha, ttiaca bittu ledinna innena, unnuha nna la laba nua rixú yiena, tsa lägabi ixuu nu rá nua dequi ancana nu ria leni Tata Do Iyyabaaha.

Santiago 3:2

Iyábari rinittiri ixe libe. Gansi ttu benni bittuba bi rinittina leni nu rinnena, unnuha ancana ttu benni gualí du lhixxana, lana nna guadábana innabia na itúba cuerpu gueni.

2 Pedro 2:13

dhibacana elha disa ralhacana dhicana. Resá do bisaba runcana nu lä anca tsee, lacana nna ancacana attiba ttu nu satsa nu runi rettuinle lhe nu runi rinne güe benni guele lhe laca yuꞌucana güiꞌiya go len lebiꞌi nna tsapaba reꞌo lecani gue nu lä anca tsee runcana.

1 Juan 1:10

Gansi innári dequi lägabi nu lä anca tsee chi benri, lania nna runbari dequi Tata Do Iyyabaaha anque Benni run lee. Leni unnuha nna ruleꞌe lori läga gualí chi yuꞌu ca tisa gue Benniha lheꞌe lastoori.

1 Juan 1:6

Gansi riꞌi innári: “Riꞌitu seꞌetu len Tata Do Iyyabaaha, nianna requirbari lheꞌe chulha nna nu run lebani ancari lania, cumu läga ancari nu runi nu anca gualí.”

1 Juan 2:4

Nu rána: “Neti anca biatia Benniha”, nianna bittu rudona tisa gue nu beni Benniha mandadu unna nu run lebani anca nua, läga anca nua nu runi nu anca gualí.

1 Juan 4:20

Gansi nuxa benni rána: “Neti racatia gue Tata Do Iyyabaaha”, ttiaca rutía diba leni ca benni, unnuha nna nu güen lasiba nua. Cumu nu bittuba raquinna gue ca benni rilenna, ¿gasná aquin nua gue Tata Do Iyyabaaha benni bittu rilenna?

2 Juan 1:2

Racatia guele de chi yuꞌu lheꞌe lastoori ca tisa rixxiꞌa nu anca gualí gue Tata Do Iyyabaaha. Ca tisa rixxiꞌa nu anca gualí-na tsaba tsuꞌe lheꞌe lastoori ttu dia liiba.

3 Juan 1:3

Beꞌolhaba lasia atti utixxiꞌen ca benni ria le Jesús bita-ni neti, lu nna gualíba du tsitsi lu lo neda gue Tata Do Iyyabaaha, rudolu tisa gue nu anca gualí rixxiꞌa ca tisa gue Ben-na lhe.