1 Juan 1:7 - Zapoteco de Aloápam

⁷ Ttiaca gansi seꞌebari lheꞌe xieni attiba Tata Do Iyyabaaha doe lheꞌe xieni, lania nna guaseꞌe tseeba len loesri. Reni gue Xiꞌinie Jesucristuha nna cue itú recha nu bittu anca tsee runri lo Tata Do Iyyabaaha.

1 Juan 1:7 Iomraidhean Croise

San Mateo 6:12

Uxí elha xen lasi gue nu lä anca tsee runtu lolu, cumu anáguaba riꞌitu ridítu elha xen lasi gue ca nu runi nu lä anca tsee len riꞌitu.

San Juan 1:29

Betteyú sá nna biláni Juan Jesús dee atta dubiha, nianna rábi: —¡Gualgüiarga! Ni benni anque carneꞌe udhelha Tata Do Iyyabaaha qui cue ca tulha gue ca benni seꞌe yies lo yu-ni.

San Juan 12:35

Jesús re cana: —Nnanna nna gua dorba len lebiꞌi, neti anca xieni nu rudani lagüi guele, ttiaca attu sattirba. Larcala nna laca dorua len lebiꞌi nna gua rudanru xieni-ni guele, gualdhá dhuti qui lä iyaxxuni ela le, cumu nu requi lheꞌe atta chulha nna ni lä yu nua ga nua diana.

San Juan 5:4

Cumu ttu ingeli daa iyyabaaha nna guadú guadúba riyinnibi lheꞌe pozoha ruttábi lo indaha. Benni riyúbani ritaꞌaxxi lheꞌe indaha dequide rebe si loe nna, reríatteba bixaba isagüe yuꞌu cuerpu gueni.

Romanos 13:12

Atta seꞌeri nnanna ancana attiba lo rela, chiba diana ritena, atta do Cristuha nna ancana attiba resá, riꞌi nna chitteba deoba isía sá atti eyyari nía. Larcala nna chinca ocaꞌanri ca nu lä anca tsee runri na, bitturu unri nu run ca nu seꞌe lheꞌe chulha-na, nu unlari nna eseꞌe tseelari unri nu anca tsee qui acari nu seꞌe atta yuꞌu xieni, attiba ttu soldado chi bedú tsee.

1 Corintios 6:11

Anába beni ttulhele ca tu ttua. Ttiaca nnanna nna Jesucristu Benni bananie ri-na leni Espíritu gue Tata Do Iyyabaa gueri-na benque chi ancale nu nari, benque ancale nu seꞌe riesi anca gue Tata Do Iyyabaaha lhe benque beseꞌe tseele len Ben-na lhe.

Efesios 1:7

Leni reni gue Benniha nna bodilá Tata Do Iyyabaaha ri, uxíe elha xen lasi gue ca tulha gueri lhe. Análi de xxeni anca elha tsee gue Tata Do Iyyabaaha.

Efesios 5:8

Cumu atti bittu chi benbiale Cristuha nna attiba nu requi lheꞌe chulhaba ancale de güequile benle nu satsa, ttiaca nnanna nna de chi ancale benni gue Jesucristuha nna chiba requile lheꞌe xieni. Larcala nna gualuni nu anca tsee de chi ancale benni seꞌe lheꞌe xieni.

1 Timoteo 6:16

Tturba Ben-na do anque Benni tsa bittu gatti, anque Benni do lheꞌe ttu xieni atta nuttu nu dhana ibigana gaxxa de ruꞌuba xieni lhe. Lee nua tsa nuttu nu benni seꞌe yies lo yu-ni chi bilenne, nuttuguaba nu dhana ilenne lhe. Ben-na anque Benni ra xxeni lee, anque Benni rinnabia xeni ttu dia liiba lhe. Amén.

Tito 2:14

Lee nna uxielhabe betticane qui utixe gue ca tulha gueri. Anía liba nna lhári lo iyá nu lä anca tsee benri, qui acari benni chi anca nari anca guee lhe nu tsaba udona leni uni nu anca tsee lhe.

Hebreos 9:14

Gansi anía anca adílaba de nu anca nari tsee eyoni reni gue Cristuha ca benni. Lee nna Espíritu do ttu dia lii gue Tata Do Iyyabaahaba uca lanie Ben-na qui bedá lee bete elha nabani guee attiba úna anca nari lo Tata Do Iyyabaaha. Reni gue Ben-na rigúe iyáxea nu lä anca tsee yuꞌu lheꞌe lastoori nu icheena ri lo elhuttiha, qui anáchu nna aca ixuuri lo sina gue Tata Do Iyyabaaha Benni doe anque Benni bani.

Santiago 1:17

Iyába nu tsee lhe iyába nu anca idaꞌa lhe iyyabaahali daa nua. Tata Do Iyyabaahaba ridhelhe nua. Labe benie iyába ca nu riguꞌu xieni sia lo bea-na. Ca unná nna rotsíaba xieni guecani, Tata Do Iyyabaaha nna satíaba anque nu anque, tsa läga rotsía benniha elha run guee attiba ttu xula resíana.

1 Pedro 1:19

sinuqui leni reni gaꞌana tsee gue Cristuha bodilá Ben-na le, Benniha uttie, uque attiba ttu carneꞌe tsee nu tsa bittu bixa anquinna qui uyuꞌe úna lo becoa gue Tata Do Iyyabaaha.

1 Juan 1:3

Riꞌitu nna rixxiꞌabintu le gue nu bilentu lhe bienintu lhe qui anáchu lebiꞌi nna acale benni seꞌe len riꞌitu, attiba riꞌitu ancatu benni seꞌe len Tata gueri do iyyabaaha, leni Xiꞌinie Jesús Benni anque Cristu lhe.

1 Juan 1:5

Ca tisa-ni benniha beleꞌen Jesús riꞌitu, riꞌitu nna rixxiꞌatue len lebiꞌi. Tata Do Iyyabaaha anque xieni, ni saroꞌo chulha bittu te len Benniha.

1 Juan 5:6

Jesús Benni anque Cristu bisíe yies lo yu-ni. Leni inda udi Benniha nna reni belali Benniha atti uttie nna beleꞌe lo nuxa anque. Läga sunru atti udi Benniha inda beleꞌe lo nuxa anque, anáguaba leni indaha lhe leni reni guee belalie atti uttie lhe. Espíritu gue Tata Do Iyyabaaha rixxiꞌe nu ria-ni, cumu Ben-na anque Benni rixxiꞌa nu anca gualí.

1 Juan 5:8

Iyunnaba ca Ben-ni rixxiꞌa yies lo yu-ni Jesús anque xiꞌini Tata Do Iyyabaaha: Espíritu-na lhe atti udie inda lhe reni belalie lo ya crusiha lhe ttuba anca nu rá iyunnaque.

2 Juan 1:4

Beꞌolhaba lasia atti guattiꞌaya ttulhe ca xiꞌinlu-na seꞌecana runcana nu raxxína leni ca tisa rixxiꞌa nu anca gualí, attiba chi beni Tata gueri Benni do iyyabaaha mandadu unri.

3 Juan 1:4

Bitturu attu bixa te unna eyoꞌoxxatta lasia, atti reꞌo lasia runa ca benni ancacana attisiba xiꞌinba, seꞌecana rudocana tisa gue nu anca gualí rixxiꞌa ca tisa gue Tata Do Iyyabaaha.

Apocalipsis 1:5

Anáguaba uni Jesús Benni anque Cristu len lebiꞌi. Lee anque benni rixxiꞌa nu anca gualí, anque Benni primerba beadhe lheꞌe baa atta yuꞌu ca nu yatti-na lhe anque Benni rinnabia ra xxeni lee gue de lo iyá ca nu rinnabia seꞌe yies lo yu-ni lhe. Lee nna racanie gueri. Leni reni guee bilali atti utee lo ya crusiha nna bodile ri lo ca tulha gueriha.

Apocalipsis 12:11

Ca benni ria le Jesús nna bixuuquinbi reni belali Benni anque Carneꞌeha, ca tisa utixxiꞌacabi gue Ben-na lhe qui udácabi loni. Lacabi nna tsa bittu usquinbi gatticabi, berú iqui berúba lecabi elha nabani guecabi gatticabi.

Apocalipsis 7:14

Neti nna becabia guebi rpea bi: Lu gua yulu, xa Tata. Labi nna rábi: Ca unní ulá lo elha disa la tsuꞌubia raca yies lo yu. Lacana nna chi utí xocani nna botsitsican cana leni reni gue Benni anque Carneꞌe-ni.