1 Juan 1:6 - Zapoteco de Aloápam

⁶ Gansi riꞌi innári: “Riꞌitu seꞌetu len Tata Do Iyyabaaha, nianna requirbari lheꞌe chulha nna nu run lebani ancari lania, cumu läga ancari nu runi nu anca gualí.”

1 Juan 1:6 Iomraidhean Croise

San Mateo 7:22

Gansi chi bisía sá aca elha uxtisi gue ca benni seꞌe yies lo yu-ni, ixerucana gácana neti lania: “Lu ancalu Benni baninlu riꞌitu, lálu bedettitu atti utixxiꞌatu ca tisa gue Tata Do Iyyabaaha, láguabalu bedettitu atti bebeatu ca be xxegüi yuꞌu lheꞌe cuerpu gue ca benni lhe láguabalu bedettitu qui uca ixe ca milagru lhe.”

San Juan 11:10

Ttiaca nu requi lo rela nna ichecuba nua cumu bittu xieni yuꞌu atta diana.

San Juan 12:35

Jesús re cana: —Nnanna nna gua dorba len lebiꞌi, neti anca xieni nu rudani lagüi guele, ttiaca attu sattirba. Larcala nna laca dorua len lebiꞌi nna gua rudanru xieni-ni guele, gualdhá dhuti qui lä iyaxxuni ela le, cumu nu requi lheꞌe atta chulha nna ni lä yu nua ga nua diana.

San Juan 12:46

Neti anca xieni, delha yies lo yu-ni qui iyába ca benni tsia lecani neti nna bitturu tseꞌecana atta chulha.

San Juan 8:12

Jesús bedulottebe unnee attu libe re ca benni seꞌe nía: —Neti anca xieni gue ca benni seꞌe yies lo yu. Benni etenalhana neti nna läga tsequi nua atta chulha, cumu gattaba xieni rute elha nabani ttu dia lii gue nua.

San Juan 8:55

Lebiꞌi nna läga anca bienle Benniha, netirguaba nna anca biatie. Gansi innía bittu anca biatie nna lania nna anca ttu nu run leni attiba lebiꞌi, ttiaca gualíba anca biatie lhe rudoa tisa gue nu re lhe.

1 Timoteo 4:2

Ca unnuha nna ancacana nu run leni. Tsaba bitturu raca guattequinna runcana aná, cumu tsaba anca elha rieni guecani chulha.

Santiago 2:14

Ca benni ria le Jesús, tsa lägabi te iría len ttu benni gansi rána ria leni Jesús, nianna bittu runna nu anca tsee. ¿Si gua rudhaca lele dequi careꞌaba rá nua chi ria leni Jesús gualábana bittu tsia nittina?

Santiago 2:16

nianna nux ttule nna gále biꞌiniha: “Lhatsiru beyya, beocu xolu qui raquinlu dilha lhe uto paparu lhe”, ttiaca läga rugüele biꞌiniha nu reasinbi lhe nu gobi lhe nu ucubi lhe tsa lägabi ixuu nu runleha.

Santiago 2:18

Ttu benni nna guacaba innána: “Lu ria lelu Jesús, neti nna runia nu anca tsee.” Ttiaca neti nna ria: “¿Gasná yua dequi gualíga ria lelu gansi bittuba rilátia unlu nu anca tsee?” Neti nna de runia nu tsee nuarca ruleꞌe lo gualíba ria lasia Jesús.

1 Juan 1:10

Gansi innári dequi lägabi nu lä anca tsee chi benri, lania nna runbari dequi Tata Do Iyyabaaha anque Benni run lee. Leni unnuha nna ruleꞌe lori läga gualí chi yuꞌu ca tisa gue Benniha lheꞌe lastoori.

1 Juan 1:3

Riꞌitu nna rixxiꞌabintu le gue nu bilentu lhe bienintu lhe qui anáchu lebiꞌi nna acale benni seꞌe len riꞌitu, attiba riꞌitu ancatu benni seꞌe len Tata gueri do iyyabaaha, leni Xiꞌinie Jesús Benni anque Cristu lhe.

1 Juan 1:8

Gansi riꞌi innári dequi lägabi nu lä anca tsee runri, la riꞌiba nua rixú yieri. Lania nna läga ancari nu runi nu raxxína leni nu anca gualí.

1 Juan 2:4

Nu rána: “Neti anca biatia Benniha”, nianna bittu rudona tisa gue nu beni Benniha mandadu unna nu run lebani anca nua, läga anca nua nu runi nu anca gualí.

1 Juan 4:20

Gansi nuxa benni rána: “Neti racatia gue Tata Do Iyyabaaha”, ttiaca rutía diba leni ca benni, unnuha nna nu güen lasiba nua. Cumu nu bittuba raquinna gue ca benni rilenna, ¿gasná aquin nua gue Tata Do Iyyabaaha benni bittu rilenna?