1 Juan 1:1 - Zapoteco de Aloápam

¹ Runtu lo sitsi-ni rixxiꞌentu le gue benni chila do atti udulo ure yies lo yu-ni. Riꞌitu bienintu nu re, aníga begüia lotue lhe benbiatue lhe utana gatue len ca nátu-n lhe. Benniha nua anque tisa rute elha nabani ttu dia lii gueri.

1 Juan 1:1 Iomraidhean Croise

San Lucas 1:2

Ucaba attiba chi utixxiꞌani ca benni begüiaga locabi gue nu uca desde primerohali, lacabi nna ucacabi benni utixxiꞌa ca tisa gue Tata Do Iyyabaaha.

San Lucas 24:39

Gualgüiarga ca náya-ni lhe ca niꞌaya-ni lhe. Cuinaba neti unní. Gualcana neti, gualgüiatte nna cumu ttu espíritu läga anca nua len sitta bela atti rilenle anca dua-ni.

San Juan 19:35

Biꞌini rixxiꞌa unní nna ancabi benni begüia lobi nu uca. Nu gualíba rixxiꞌabi. Labi nna rixxiꞌababi nu anca gualí qui anáchu nna lebiꞌi nna tsia lele.

San Juan 20:27

Lee nna ráttebe Tomás: —Bedo xbinálu nii. Begüiatte ca náya-ni lhe besiga nálu nna begaꞌa nálu lheꞌe belea do lheꞌe uxtil quia-ni. Bittu acalu nu lä ria leni. Uca benni ria leni.

San Juan 5:26

Cumu attiba Tata quia do iyyabaaha lee rute elha nabani, aníaguaba neti Xiꞌinie-ni benguabe aca benni rute elha nabani.

San Juan 8:58

Jesús re cana: —Neti nna gualíbatia ria le, atti antisla gali Abraham, chila doa lania.

Hechos 1:3

Dequide uttie nna beleꞌeguabani loe ca biꞌiniha ixe libe qui tsia lecabi dequi gualíba beacabanie. Attu chua (40) ubisa beacaxxe len lacabi, riguixxiꞌanie cabi gaxasná rinnabia Tata Do Iyyabaaha.

Hechos 4:20

Cumu riꞌitu nna läga aca udhantu quixxiꞌatu nu chi bienintu lhe nu chi bilentu lhe.

Hebreos 2:3

gansi anía uca, riꞌi nna tsa läga lhári lo elha disa ute Tata Do Iyyabaaha gansi bittuba etábinri gue elha tsee xeni chi rá Ben-na unie len riꞌi de odile ri lo ca tulha gueri. Gue unní nna cuinaba Jesús Benni bananie ri-na utixxiꞌe ca tisa-na, lenla nna utixxiꞌaquin ca benni bina nu rá Ben-na ri, rácabi ri: “Gualíba nu rá Benniha.”

1 Juan 4:14

Riꞌitu nna begüiaga lotu, larcala nna rixxiꞌatu, Tata gueri do iyyabaaha udhelhe Xiꞌinie yies lo yu-ni qui odile ca benni seꞌe-ni, bittu tsia nitticana.

1 Juan 5:7

Tsunna ca Benni seꞌe iyyabaaha rixxiꞌa gue Benni: [Tataha lhe Xiꞌinie Benni anque tisaha lhe Espírituha lhe. Iyunnaba ca Ben-na ttuba ancaque.]

Apocalipsis 1:11

Benni unneeha nna re neti: [―Neti nua anca Benni du atti udulo lhe Benni du atti lhuxa lhe attiba letra A lenna letra Z.] Beni lo sitsi nu rilenlu-ni, nianna udhelha na gasi re atta seꞌe ca benni ria le neti lo yu te láni Asia, delába lheꞌesi Éfeso lhe Esmirna lhe Pérgamo lhe Tiatira lhe Sardis lhe Filadelfia lhe Laodicea lhe.

Apocalipsis 1:8

“Neti anca Benni du atti udulo lhe Benni du atti lhuxa lhe attiba letra A lenna letra Z”, aná rá Tata Do Iyyabaaha Benni bananie ri. Lee anque Benni do nnanna Benni ttu dola lhe Benni dho tiempu chi daba lhe anque Benni raxxatta tsitsi lee lhe.

Apocalipsis 19:13

Xo Benniha nucue nna tsaba chi bitiechuna reni. Lee nna te lee Tisa gue Tata Do Iyyabaaha.

Apocalipsis 2:8

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Esmirna, gus cana: “Aní rá Benni udo primerba lhe Benni do ttu dia liiba lhe Benni uttie nna beacanie attu libe.