Wafilipi 4:8 - Lagano da Isambi

⁸ Gasigale mwandugu, gageseni gose gagambile ihoko, na gaja gana ikidumbo na gaja gagoloke, gaja gangʼalile ganogezaga, gene ulonzi unogile, galumbile kusanghanwa, na gaja gose gagambile nhogolwa!

Bibilia ya Kizalamo

⁸ Ndugu zangu, nomambukiza mkulonga vino, nzonzi zenu zimeme mbuli zinogile, na zija zilumbile kugweleligwa nhogolwa, mbuli zimemile kweli, mbuli za kuhishimilwa, zilibule uzenzeleganye, zing'alile, zinogelwa na wanhu, na zili na nhogolwa inogile. Vigelegezeni vinhu vinogile na vilumbile kuhishimilwa.

Wafilipi 4:8 Iomraidhean Croise

Mateo 22:16

Wawagala kumwake wanahina zawo hamonga na wanhu wa Herode, walonga, “Mkulufunzi, tukutanga kamba gweye kwa munhu wa ihoko, kolanguliza nzila za Mulungu mwihoko hata hudumba ukulu wa munhu, kilumbo hulola vihanga vya wanhu.

Marko 6:20

Kilumbo Herode kamdumba Yohana kwa vija viyamtangile kamba munhu wa ihoko yangʼalile, kamwika goya; na heyo viyamuhulike baho kwa baho, kahila nago nghani mmoyo, kabili kanogelwa na kumtegeleza.

Luka 16:15

Kawalongela, “Mweye mwemwe mkidundula ihoko ha walumwengu, komu Mulungu kaitanga mizoyo yenu, kilumbo kinhu kihatunizwa kwa walumwengu, chei acho kicho yokihila Mulungu.

Luka 2:25

Kukala na munhu hiko Yerusalemu, tagwa jake Simeoni, na munhu hiyo kakala yagoloke yamgogile Mulungu, yobeta kuhozwa kwa Israeli, na Loho Ingʼalile ikala mmwake.

Luka 23:50

Mhunde kalawilila munhu mkulu twaga jake Yosefu, miyawo wana Nhaguso Nghulu, munhu yanogile umoyo, mwene ihoko.

Yohana 7:18

Heyo yolonga mbuli zake mwenyecho kozahila nhunizo zake mwenyecho; maza yozahila nhunizo zake Yamgalile, iyo yuyo wa ikweli wala mmwake mduhu uponela.

Sanghano 10:22

Wedika, “Akida Kornelio, munhu mwene ihoko, mdumba Mulungu, na heyo Wayuda wose womwingha nhogo inogile, kalongelwa na malaika yangʼalile, kutuma wanhu kumwako, giladi wingile mngʼanda yake, yakategelegeze malonga gako.”

Sanghano 22:12

Ako kukala na munhu tagwa jake Anania, mwene uholo, mkoleleza Inzuma, na Wayuda wose wakala womsindila.

Sanghano 6:3

Avo ndugu zetu, saguleni wanhu saba mmwanza wenu, watangike wamemile Loho Yangʼalile na fiyuko, giladi tuwenghe kazi ino, iwe kumgongo wao!

Waroma 13:13

Tuteganye uchozi wetu ugambe wa imisi; sikutuje chaka hebu kukolwa, sikututende uchapalisi hebu ugoni; sikutugombe hebu kwiyonela migongo!

Waroma 13:3

Vilema kamba uhasanghana ganogile, honda ugwaye, bali uhabananga; na gweye uhalema kugwa bwembwe kwa iwatawala, sanghana ganogile, na hewo wokutogola nghani.

Waroma 14:18

Yomtumikila Kristo kuno yogoga magweka gano, komnogeza Mulungu, kabili konogelwa na wanhu.

Waroma 2:29

Komu yuja Mwisraeli yagambile Mwisraeli mmoyo; na kumbi dijo ja umoyo, disanghanwe na Loho ya Mulungu, si kamba kwa Jandiko da Inzuma; na nhogolwa yake hailawile kwa wanhu, bali kwa Mulungu.

1 Wakorinto 4:5

Kwa kilumbo hicho sukumtaguse mbuli yoyose siku zino, kikomo Mndewa vondayeze; na Heyo kolava gaja gafisigwe mdiziza, goneke hamulangaza, na Heyo yuyo yondayavumbule mbuli zili mmiyoyo; baho kila munhu vondayabokele nhogolwa yake kulawa kwa Mulungu.

2 Wakorinto 13:7

Tompula Mulungu sukumtende gehile gogose; si kamba toneke tweye tuhuma, bali msanghane ganogile, viyemela tweye toneke tuhumigwa.

2 Wakorinto 6:8

totunilwa hebu tozeligwa, tovwizilwa hebu tohingilwa, toneka kamba twagiza wanhu, bali tolonga ihoko.

2 Wakorinto 8:18

Imala hamonga na heyo tumtuma ndugu iyagwe yotogoligwa na wanahina wose kwa vija viyoubwililisa Usenga Unogile.

2 Wakorinto 8:21

Avo tokiyoha, mbuli ino igendele goya hakihanga cha Mndewa na hakihanga cha wanhu.

Wagalatia 5:22

Komu mujo wa Loho uwo uno, kwinogela, ndenghelelo, tindiwalo, kufunya umoyo, unhu goya, ugozi, utamanilwa,

Waefeso 4:25

Avo uvuleni utungulu, mwilongele ihoko, kila munhu na miyage; kilumbo twa vilungo, kila imonga kilungo cha miyage!

Waefeso 5:9

Kilumbo mujo uleligwa mmlangaza, uwo unovu wowose na uholo na ihoko.

Waefeso 6:14

Gangamaleni kuno mkikwesa mkwizi wa ihoko mvigudi; valeni mgoloko iwege nghanju yenu ya vyuma!

Wafilipi 3:1

Gasigale mwa ndugu, Mndewa yawenghe ndengho! Kwandika gagaja niye hagandonheza, na mweye mogangamazwa.

Wakolosai 4:5

Wagendeleni waja wali kunze kwa nzewele ya ihoko; na mazuwa gamgolelwe, mgatunduwile goya!

1 Watesalonike 4:12

Giladi uchozi wenu woneke unogile kwa waja wanhu wa kunze, sikumsulukile kinhu chochose kumwao.

1 Timoteo 2:2

kabili kwa kilumbo cha watawala na wakulu wose, giladi tukale goya kwa kuituza na kumdumba Mulungu, tugambe wene nhogolwa.

1 Timoteo 3:11

Vivo na masano gawo woneke wene nhogolwa, si wadesi, wene moyo wa kulinganya, watamanilwa muna gamagweka gose.

1 Timoteo 3:4

Mwene kulongoza ngʼanda yake goya na kuzuma wanage, na hewo wamtegeleze, wawe na nhogolwa inogile.

1 Timoteo 4:12

Munhu wowose segeyakuzele kwa kilumbo uhali msongolo, komu ugalamke utango kwa wanahina, muna ukulonga na muna uchozi, muna unogelo na nhamanilo na mngʼazuko.

1 Timoteo 5:10

Kabili yasindilwe kamba sanghano zake zikala zinogile, kamba katunza wana hebu kugomela wanhu, kawasanghanila wanahina hebu kutaza walumile, hebu kwiyoha kutenda gogose ganogile.

1 Timoteo 5:2

Watwanzi wavyele kamba mama; watwanzi wamhale kamba lumbu wa kitwanzi, kwa kidumbo chose!

Tito 1:8

bali yawe mgomela wanhu, msanghana ganogile, mwene ugaluga, yagoloke, yangʼalile, mwene moyo wa kulinganya;

Tito 2:14

Heyo yuyo yailavile mwenyecho kwa sosombi jetu, yagambe muhanga wa kuuliha ubananzi wose, giladi yaisolele wanhu wagalamke wanhu wake, iwo waja wayangʼazule, wagangamale na kumsanghanila kazi zinogile.

Tito 2:2

Wanhu wavyele wagambe wene miyoyo ya kulinganya, wasumbwe, wakalagavu, wene ugima muna inhamanilo, unogelo na mwazaganyo.

Tito 2:7

Ukilagusila gomwenyecho kamba iyo ndagusilo ya sanghano zinogile, na muli gamalangukizo muhuguzo na nhogolwa.

Tito 3:14

Avo na wanahina zetu waifunze kutendela waja waswelile ganogile, na wabanze wayagwe, giladi sukuwaswele mujo.

Waebrania 11:2

Kwa mzoko hiwo wahenga zetu wasindilwa vivo, kamba wakala wene kumtogola Mulungu.

Waebrania 13:18

Tutambikileni tweye, kilumbo twihuguza kamba tungʼala mmiyoyo, kuno tolonda kutenda uchozi unogile muna gamagweka gose!

Yakobo 1:27

Nhambiko inogile ilibule kinghwaso hameso ga Mulungu Tata igo gano, kukagula wana walekelelwe na wavyele wawo, kukagula watwanzi wagane kamba wahalumwa, na kuteganya wenyego sukutuigele muubweto wa imbago ino.

Yakobo 3:17

Bali ukalagavu wa ihoko olawa uchana, usongaga kungʼala, imala wolava na mulengemo na uholo na udekedeke, onelaga bazi wose, uwenghaga mujo unogile, kuduhu udesi hebu udelenyi.

1 Petro 1:22

Kwa vija vumzisunhile loho zenu kwa kuitegeleza ihoko, kuno mwinogela kindugu halibule uzenzeleganye, avo mgangamale kwinogela kila munhu na miyage mmoyo!

1 Petro 2:12

Tendeni uchozi unogile kwa walilingwa, avo waja wamvwizilani mweye kamba mwawabananzi, vondawazone sanghano zenu zinogile, womtamanila Mulungu, siku ija ya kuwakagula.

1 Petro 4:8

Ibanzile higo mwiyohe kwinogela, kilumbo nogelo digubikaga matozo bwando!

2 Petro 3:1

Mweye wanogelwa, lupwilili luno lwa ikabili lunimwandikilani; muna zimbili zose noswagiza ngelegeza zenu, zingʼale kwa kuwalanga magweka gano.

1 Yohana 3:18

Mweye wana wadodo, sikutunogele munhu kwa mulomo hebu kwa lulimi, bali kwa sanghana za ihoko!

1 Yohana 3:3

Munhu wowose yobeta higo, koingʼazula mwenyecho kamba Heyo viyangʼalile.

1 Yohana 4:1

Mweye wanogelwa, sukumvumile munhu wowose yokwiza na mbuli ya loho, komu zigezeni loho kamba zilawa kwa Mulungu; kwa mzoko walaguzi bwando wene uvwizi walawilila mulumwengu.