Wafilipi 4:1 - Lagano da Isambi

¹ Avo mwandugu wanogelwa zangu, nomsulukilani mwemwe ndengha yangu na mulufiya wangu, gangamaleni vivo kumwake Mndewa, wanogelwa wangu!

Bibilia ya Kizalamo

¹ Avo, ndugu zangu, iniwanogele na iniwasulukila ng'hani kuwona, nanahileni ha Mndewa, kwavija mweye iyo ndeng'ha yangu na mkungo unibokele sama ya sang'hano yangu.

Wafilipi 4:1 Iomraidhean Croise

Mateo 10:22

Na mweye mokwihilwa na wanhu wose kilumbo cha tagwa jangu; komu heyo yondayafunye umoyo mpaka kimambukizo, yuyo yondayahone.

Yohana 8:31

Na heyo kawalongela waja Wayuda wamtogole, “Muhakala muna imbuli yangu, mogalamka wanahina wangu wa ihoko.

Sanghano 11:23

Na heyo viyavikile na kuwona unozi wa Mulungu, kadenghelela, kawaswagiza waja watogole giladi wegondanye na Mndewa kwa moyo wose.

Sanghano 14:22

Wawagangamaza iwanahina na kuwazuma, wakale muna inhamanilo, walonga, “Vitwandakana kwingila muundewa wa Mulungu kwa nzila ya mgaduko bwando.”

Sanghano 2:42

Wakala wagogile malangulizo ga watumigwa okwiduganya hamwe, na kwigolela migate na kumpula Mulungu.

Waroma 2:7

Waja hawadonhaga kusanghana ganogile, wozahila iyenzi na nhogolwa na gayagwe hagabanangikaga, awo wogolelwa ugima wa digunge na digunge.

1 Wakorinto 15:58

Avo mowandugu zangu, wanogelwa, wambilileni, sukumuhweyuke; gangamaleni kubasiliza muli zisanghano za Mndewa hohose, kwa mzoko muutanga mgaduko wenu, umkona kwa kilumbo cha Mndewa, hauli yamba.

1 Wakorinto 16:13

Kaleni mangweda, mgangamale kwa kumtamanila Mulungu, mwime kimbigalo, muwe migalu!

2 Wakorinto 1:14

Vino sambi motutambula hadodo, bali siku ija ya Mndewa mokitopela tweye, kamba na tweye vondatwitopele mweye.

Wagalatia 5:1

Kristo katugombola tuwe walungwana, avo igangeni sukumwingile kabili muli dikwangwa da utumwa!

Wafilipi 1:27

Komu mbuli ibanzile, ngendelo yenu ilumbe na mbuli za Kristo, giladi nihavika kumwenu niwone vumuli, hebu nihawa kuno kutali, igambe niwahulike kamba mwima goya kwa mhiko na sanghano za loho imonga na moyo umwe wa kwingila nghondo ya kugombela ngogelo ya Usenga Unogile.

Wafilipi 1:8

Kileka Mulungu kaumanya moyo wangu vuusaganhike kwa bazi ja Kristo, vinilonda kwibona na mweye mose.

Wafilipi 2:16

Gogeni Longa da Ugima, kileka na niye niitope siku ya Kristo, kamba sikimbile halibule hebu siigazile halibule.

Wafilipi 2:26

Kwa mzoko kasulukila kwibona na mweye mose, kaiyalala nghani kilumbo muhulika kamba heyo kakala mtamu.

Wakolosai 4:12

Epafra mtumwa wa Kristo Yesu, yuyo wa kumwenu komlamusani, na heyo kowagombela mazuwa gose, yowapulila giladi mgangamale, mgaduganye na kugatanga gose Mulungu goyolonda.

1 Watesalonike 3:13

Na miyoyo yenu igangamazwe, ingʼazulwe hakihanga cha Magana Tata wetu, isegezelwe kinghwaso aho honda yabwele Mndewa wetu Yesu hamonga na wangʼalile wake wose.

2 Watesalonike 2:15

Avo mwandugu imeni goya, mgoge malangukizo gamulangukizwe na tweye kwa mlomo hebu lupwilili.

2 Timoteo 2:1

Avo gweye mwanangu ugalamke mgalu kwa uholo ulawaga kumwake Kristo Yesu!

Waebrania 10:23

Na tubasilize kukigoga kibetelo chetu, segetudonhe kukipeta; kwa mzoko heyo yatwinghile kilaga chake yuyo mtamanilwa.

Waebrania 3:14

Kilumbo tuziga kugalamka wayage Kristo, tuhakigoga kibetelo chetu cha ichanduso, sikukituzuhuluke kuvikila kimambukizo.

Waebrania 4:14

Avo na tugoge gaja gatuvumile, kilumbo tunayo Mtambika Mkulu yacholile uchana nghani kubita ulanga wose, yuyo Yesu Mwanage Mulungu.

2 Petro 3:17

Avo mbwiga zangu msongile kugatanga higo, iteganyeni mweye wenyego, sukumkwegezwe na ubananzi wawo waja hawazumika, kwiza mugwe kunze, na kuileka mhongono yenu!