Wafilipi 3:12 - Lagano da Isambi

¹² Silonga kamba mambukiza kubokela, hebu mambukiza kukunguluka, komu nokiyoha uchozi giladi nimgoge, kamba na niye vinigogigwe na Kristo Yesu mwenyecho.

Bibilia ya Kizalamo

¹² Nie silonga kamba nisha kubokela gaja gose ganilonda ama nivika kuja kunilondigwa kuvika, ila noiyoha giladi mhate kuhuma na kubokela nhunza yangu, kamba vija Kilisto Yesu viyamhatile nie niwe wake.

Wafilipi 3:12 Iomraidhean Croise

Mateo 5:48

Bali mweye muwe wakungulufu, kamba Tata wenu wa Kuulanga viyali mkungulufu!”

Sanghano 9:15

Komu Mndewa kamulongela, “Genda tu, kwa mzoko munhu yuno kogalamka kiya kisagulwe cha kudigala tagwa jangu kwa walumwengu na watawala na wana Israeli.

Waroma 8:39

zihawa mbuli za uchana kuulanga hebu za hasi kuzimu, vihawa viumbigwe vose viyagwe, kuduhu chonda kidahe kutubagula tweye na unovu wa Mulungu, ulawile kwa Kristo Yesu Mndewa wetu.

1 Wakorinto 13:10

Komu dija diiduganye vondadize, gaja gamadodo gobanangika.

1 Wakorinto 13:12

Kwa mzoko vino sambi tolola kwa kiwowo, igambile nyongʼonyo kamba mahala; komu kwiza tolola meso kwa meso. Vino sambi madodo gatutangile; kwiza novitanga nghani, kamba na niye vinitangika nghani na Mulungu.

1 Wakorinto 9:24

Che, hamtangile kamba waja wokikuga kwa kukimbila, wokimbila wose, bali yonda yagwelelwe imiyawi iyo yumwe yaiyeka? Avo na mweye vivo kimbileni nghani, giladi mgolelwe!

2 Wakorinto 13:9

Kwa mzoko tuhanyeka, tusamhukaga giladi mweye mgangamale; ajo dijo ditutambikila, mweye mkunguluke.

2 Wakorinto 7:1

Mweye mbwiga zangu, vilaga kamba hivo tugwelelwa tweye, avo tuisunhe na kusegeza mabanza gose ga mulukuli na ga mwiloho; hivo touvikiza ungʼavu kwa kumdumba Mulungu.

Wagalatia 5:17

Kilumbo lukuli losulukila gaja golemigwa na Loho, na iLoho yosulukila gaja golemigwa na lukuli; wano wabili woihasanya, sukumtende gomulonda.

Waefeso 1:4

Kilumbo ulumwengu vuukalile haunaumbigwa tanhu, katusagula tweye tugambe wanhu wake, wangʼalile hameso gake, tuwe bule kinghwaso.

Waefeso 4:12

Giladi wangʼalile wose wagongomanywe, wasanghanike goya kutunduwila dale da wanahina, lukuli lwa Kristo luzengwe.

Wafilipi 1:1

Paulo na Timoteo watumwa wa Kristo Yesu tomwandikilani mweye mngʼazuligwe na Yesu Kristo, mkalile Filipi hamwe na wemilizi na wasanghani wa kanisa.

Wafilipi 3:16

Komu aho hatuvikile, tugendegende naho!

Wafilipi 3:3

Kilumbo tweye twingila kumbi da ihoko, tomsanghanila Mulungu mloho, tokitopa kamba twa wa Kristo Yesu, hatutamanila mbuli za lukuli.

Wafilipi 3:8

Vivo nogagesa gose kamba kimhonza, kilumbo kumtanga Mndewa wangu Yesu Kristo iyo mbuli nghulu kubanza zose; kwa kilumbo chake nigaleka gose kamba gonihonza, nigagesa kamba unyolodo, nimgoge Kristo yaiyeka.

1 Watesalonike 5:15

Teganyeni, munhu sekeyamulihe migaye gehile kwa gehile, komu hohose gogeni gaja ganogile mwemwe kwa mwemwe, watendeleni na wanhu yungwa.

2 Watesalonike 2:13

Mwandugu mnogelwe na Mndewa, itwandama kumlavila Mulungu nhogo siku zose kwa kilumbo chenu kwa vija vimsagulwe na Mulungu kulawa ichanduso, giladi mwinghigwe uhonelo, mngʼazuligwe mloho, mgatogole ga ihoko.

1 Timoteo 5:10

Kabili yasindilwe kamba sanghano zake zikala zinogile, kamba katunza wana hebu kugomela wanhu, kawasanghanila wanahina hebu kutaza walumile, hebu kwiyoha kutenda gogose ganogile.

1 Timoteo 6:19

Avo wogona mabikilo gonda gagalamke siga inogile kwa mazuwa gondageze ga kuubokela ugima wa ihoko.

Waebrania 12:14

Zahileni kukala goya na wanhu wose, kabili mngʼazulwe, kilumbo hata yumwe hondayamone Magana, kamba haupatile mngʼazulo.

Waebrania 12:23

Mtinghano mkulu wabaho wa kanisa da waleligwa wa ichanduso wandikwe kuulanga, na Mulungu kabaho yuyo mulamuzi wa wanhu wose, na loho za wanhu wagoloke waiduganye.

Waebrania 13:21

yawagongomanye muna gamagweka gose, mtende goyolonda, kwa mzoko Heyo yuyo yotwingha tusanghane gomnogeza hakihanga chake, tuhamkola Yesu Kristo, yuyo yagambile kutunilwa halibule na uzigililo. Amina.

Yakobo 3:2

Kwa mzoko tweye chose tokikwala muna gamagweka bwando; bali munhu kamba hahasanye muli uulonzi, ayo kakunguluka, kodaha kuluzuwila lulimi lwake.

1 Petro 5:10

Na heyo Mulungu mwene uholo wose, yamkemileni mwingile muna iyenzi yake ya idigunge kwa Yesu Kristo, Heyo mwenyecho kowagongomanya, mweye mgaduka hadodo, kowagangamaza muli zimhiko zili ngaga.

2 Petro 3:18

Komu gendeleleni kukula muna uholo na ukalagavu wa kumtanga Mndewa wetu na Muhonya Yesu Kristo, na Heyo yatunizwe vino sambi na idigunge, Amina.