Wafilipi 3:11 - Lagano da Isambi

¹¹ Giladi mvike kuna ukuzuka kulawa kwa wafile.

Bibilia ya Kizalamo

¹¹ giladi mnzila imwe ama iyagwe nize kulanza mzuso wa kulawa mkudanganhika.

Wafilipi 3:11 Iomraidhean Croise

Luka 14:14

Avo mina kumota, kilumbo wano wabule cha kukuliha, agweye kwiza kolihigwa haja wene ihoko honda wazuswe.”

Yohana 11:24

Marta kamulongela, “Nivitanga kwiza kozuka ako kuna ukuzuka siku ya ikimambukizo.”

Sanghano 23:6

Paulo viyatangile kamba umwambu uno wa Luhengo wakala Masadukeo, na umwambu uno Mafariseo, kalava dizwi haluhengo lwa Nhaguso kalonga, “Walume ndugu, niye na Fariseo, mwana wa Fariseo. Hano nodununzigwa vino kilumbo vituubeta mzuko wa wafile.”

Sanghano 26:7

Icho hicho ngholo zetu mulongo umwe na wabili chuwabetele kukivika, kuno ompula Mulungu na mgangamalo imisi na ikilo; go Mndewa Agripa, chowondununza Wayuda, icho kivugulo cha nhamanilo hicho!

Sanghano 27:12

Na kilumbo mhwani ija ikala hainogile kukala hiko mazuwa ga kihuhwe, bwando mmwanza wawo walonda kuhalawa haja, kamba vihadahika, wavike Fonike, wakale hiko miyezi ya kihuhwe, kilumbo mhwani hiyo izuwila beho zilela kuuswelo kwa kaskazi na kusi.

Waroma 11:14

Hivo nogesa kuwadinghula mmoyo ndugu zangu wa kimunhu, niwalongoze muuhonelo yumwe yumwe.

1 Wakorinto 15:23

Bali wokikoleleza kila munhu na hanhu hake; kilanja yuyo Kristo, ilawabaho waja wanhu wake aho vondayeze.

1 Wakorinto 9:22

Kwa waja wene nhamanilo ndodo ngalamka kamba miyawo, giladi niwakwege waja wene nhamanilo ndodo; ngalamka kamba vuwali hewo wose muna gamagweka gose, giladi niwakwege hohose wene kukomboligwa.

1 Wakorinto 9:27

Komu nokengheza lukuli lwangu, kuno nolugadusa lunhegeleze, giladi niye nihawapetela wayagwe, mwenyecho kwiza sikunyasigwe.

2 Wakorinto 11:3

Bali kamba nyoka viyamkongile mamo Eva kwa ubala wake wihile, na niye nodumba kamba mokwagilwa na fiyuko zinogile, kabili muleke kwilumbata na Kristo yaiyeka, kwiza muleke kungʼala.

1 Watesalonike 3:5

Kilumbo hicho sidahile kwazaganya chusa, nimgala munhu kumwenu, giladi nimanye vumkwima muna inhamanilo, hebu kamba Mgeza wanhu kawageza, na mgaduko wetu kumwenu ukala bule.

2 Watesalonike 2:3

Munhu sekeyawaluluse kwa mbuli yoyose; kilumbo tanhu ulawilile uja udelenyi; yagubulilwe yuja munhu yahohotoke mwana wa ubananzi.

2 Timoteo 4:8

Kwiza nogolelwa mulufiya wa mgoloko, kinikilwe na Mndewa Mtagusi wa ihoko, koningha siku dija, viyemela si nene niiyeka, komu na wose wanogelwe na umbwelo wake.

Waebrania 11:35

Kwa kuzuka, watwanzi wayagwe wabokela kabili waja wadanganikile; komu wayagwe vuwagaduswe, walema kukombolwa, giladi wagolelwe uzusi unogile kubanza uja.

LUGUBULO 20:5

Komu wafile wasigale hawabwelile kuugima, kikomo ija miyaka elfu tanhu imale; hiwo uwo uzukilo wa ichanduso.