LUGUBULO 8:5 - Lagano da Isambi

⁵ Imalabaho ija malaika kakisola kija kikungu cha kuvukizila, kakimemeza moto muna upango wa nhambiko; yomana kukibwanha hasi; ilawa minghuwa na mazwi na mimwemwe na kingudemo muisi.

Bibilia ya Kizalamo

⁵ Abaho, msenga wa Mulungu wa kuulanga kakisola ikia cha kufushila ubane, kakimemeza moto kulawa mkilingo cha kulavila nhosa, kachasa muisi, na kulawila midumo, miladu, mimwemwe, na mgudemo wa isi.

LUGUBULO 8:5 Iomraidhean Croise

Mateo 24:7

Ngholo zokwinukila ngholo ziigomba, na undewa wogomba na undewa; kokuwa nzala na mgudemo wa isi hanhu na hanhu.

Luka 12:49

Niye niza kwasa moto muisi; kamba uhaka, choni kibanzile kinilonda?

Sanghano 16:26

Nyidukila kingila kingwaya kikulu cha isi; mhambaza za ikifungo zitigisika, mhunde imilango yose ivuguka, na mikwangwa yao wose ikanhika.

Sanghano 4:31

Vuwamalile kumpula Mulungu, hanhu haja hawelundize, hagudemezwa; wose wamema Loho Yangʼalile, walonga mbuli ya Mulungu na kulavanya, wali bule kidumbo.

LUGUBULO 11:13

Kipigiti kikija kukala na kingudemo kikulu cha isi, na fungu ja mulongo umwe ja diwambo dimogoka digwa, na wanhu wafile na kingudemo hicho cha isi, mpeto wawo ukala elfu saba; na hewo wasigale wengilwa na kidumbo, wamtunila Mulungu wa ulanga.

LUGUBULO 11:19

Imala ngʼanda da Mulungu dili hiko kuulanga, difunguligwa, na sanduku ja Lagano joneka mumuja mngʼanda da Mulungu; kulawilila lumwemwe na mazwi, nghuwa na kingudemo cha isi na mvula ya mabwe bwando nghani.

LUGUBULO 4:5

Na hana ikigoda cha iyenzi halawa lumwemwe na kuvuma na mibumo; hakala na Miwenge Saba ya moto, ikalile ikwaka behi ya ikigoda, zizo zija Loho Saba za Mulungu.

LUGUBULO 6:12

Na niye nimona viyafungule utango wa sita, hakala na kingudemo kikulu cha isi; zuwa digalamka titu kamba guniya ja misizi, na mbalamwezi ugalamka kamba mulopa.

LUGUBULO 8:3

Imalabaho keza malaika iyagwe, kema behi ya upango wa nhambiko, kakala na kikungu cha zahabu, kagwelelwa uvumba bwando, giladi yavukize hamonga na nhambiko za wangʼalile wose uchana ha upango wa zahabu, uli habehi na ikigoda cha Yenzi.