LUGUBULO 8:3 - Lagano da Isambi

³ Imalabaho keza malaika iyagwe, kema behi ya upango wa nhambiko, kakala na kikungu cha zahabu, kagwelelwa uvumba bwando, giladi yavukize hamonga na nhambiko za wangʼalile wose uchana ha upango wa zahabu, uli habehi na ikigoda cha Yenzi.

Bibilia ya Kizalamo

³ Abaho msenga iyagwe wa Mulungu wa kuulanga, yakalile yagogile kia cha zahabu cha kufushila ubane mmakono gake, keza na kwima hana ikilingo cha kulavila nhosa. Heyo kagweleligwa ubane bwando yaulave hamoja na nhambiko za wanhu wose wa Mulungu, yakavilave uchana ya ikilingo cha zahabu cha kulavila nhosa haulongozi wa ikigoda cha undewa.

LUGUBULO 8:3 Iomraidhean Croise

Luka 1:10

Na didale da wanhu wakala wopula kunze kidami kija cha ukuvukiza.

Waroma 8:34

Yalihi yonda yawataguse? Kristo Yesu kabaho yafile, kabanzile higo kazuka, kakuko ukulume kwa Mulungu, yotupulila tweye.

Waebrania 7:25

Avo kwa kilumbo hicho kodaha kukombola waja womwizila Mulungu kwa kumkola heyo, kilumbo kana upile mazuwa gose, kuno yowapulila.

Waebrania 9:4

Himo mkala na kivukizilo cha uvumba cha zahabu, na shanduku da Lagano digubikizwe hosehose na zahabu; amo mgati mkala kitumbe cha zahabu chene Mana, na fimbo yake Aaroni izukile, na vibanhi vya Lagano.

LUGUBULO 10:1

Imalabaho nimona malaika iyagwe, ayo iyo mgaga, kahulumuka kulawa kuulanga, kavazwa nguwo ya wingu, na pinde da Mulungu dikala mditwi jake; kihanga chake kikala kamba zuwa, na migulu yake kamba mhanda za moto.

LUGUBULO 14:18

Halawa na malaika iyagwe hana upango wa nhambiko, kana lwamu lwa moto; kalava dizwi kulu, kamulongela yuja mwene sengo ikutwa, kalonga, “Gala sengo yako ikutwa, ukanhe vipambo vya mitongoni ya muisi, kilumbo mujo wake wipa!”

LUGUBULO 5:8

Baho viyakisolile ikitabu, vija Viyumbe vine na waja Wavyele 24 wamgwila hamagulu Imwana-Nghondolo, kila munhu kakala yagogile kingʼwengʼwe, na kikungu cha zahabu kimemile uvumba, zizo nhambiko za wangʼalile.

LUGUBULO 6:9

Na viyafungule utango wainhano, nyona hauvungu wa upango wa nhambiko loho za wanhu wakomigwe kwa kilumbo cha Longa da Mulungu, na kilumbo cha usindi uwasindile.

LUGUBULO 7:2

Mhunde nimona malaika iyagwe yakwelile kulawa malawilo ga zuwa, kakala na utango wa Mulungu Mwene Upile; kawakema na dizwi kulu waja malaika wane, wagolelwe kwibananga iisi na bahali.

LUGUBULO 8:4

Diyosi ja uja uvumba dikwela hakihanga cha Mulungu hamonga na zija nhambiko za wangʼalile, kulawa mumkono wa hiyo malaika.

LUGUBULO 8:5

Imalabaho ija malaika kakisola kija kikungu cha kuvukizila, kakimemeza moto muna upango wa nhambiko; yomana kukibwanha hasi; ilawa minghuwa na mazwi na mimwemwe na kingudemo muisi.

LUGUBULO 9:13

Viyatatalise malaika wa sita mhalati yake, mhulika dizwi dilawile muna zimhembe za upango wa nhambiko wa zahabu, ukalile kuja behi ya Mulungu.