LUGUBULO 7:3 - Lagano da Isambi

³ Komu kalonga, “Sikumbanange tanhu isi hebu bahali hebu mibiki, kikomo tuhamala kuwagela utango watumwa wa Mulungu wetu muna ivihanga vyawo!”

Bibilia ya Kizalamo

³ Ija imsenga wa Mulungu wa kuulanga kalonga, “Sambimuibanange isi, ama bahali, ama mibiki, mbaka vondatuwagele utango watumigwa wa Mulungu wetu m'vihanga vao.”

LUGUBULO 7:3 Iomraidhean Croise

Mateo 24:22

Kamba siku hizo hazihunguzwe, munhu hata imonga hisambiyahone; bali kilumbo cha wasaguligwa siku za usungu zohunguzwa.

Mateo 24:31

Na heyo kowagala malaika zake hamwenga na dizi kulu ja mhalati na hewo wowalundiza wasaguligwa wake wolawa mngwazo ne, kulawa umwambu uno wa ulanga kuvikila kimambukizo cha kuja.

Yohana 12:26

Munhu yahanhumikila na yaminze, na niye hanili baho, na mtumigwa wangu kokuwa baho; na munhu yahanhumikila niye, Tata komtuniza.

Yohana 3:33

Maza heyo yauvumile ulonzi wake, kagela utango kamba Mulungu iyo wa ihoko.

Waroma 6:22

Komu vino vummalile kukombolwa kulawa muutumwa wa matozo, avo mgalamka watumwa wa Mulungu, mnago magalo genu, mvike hangʼazuke, kabili ikimambukizo mogolelwa ugima wa digunge kwa digunge.

LUGUBULO 13:16

Na heyo kowananahiza wose, wadodo na wakulu, wene mali na walibule mali, walungwana na watumwa waigele utango mmikono yawo ya ukulume hebu mvihanga vyawo;

LUGUBULO 13:17

kwa mzoko munhu hondayadahe kugula hebu kuguliza kinhu, yahawa bule utango hebu twaga ja yuja Imnyama.

LUGUBULO 14:1

Imalabaho nimona mwana-nghondolo yemile uchana kudigongo ja Sayuni, hamonga na Heyo wakala wanhu 144 elfu, wandikilwe Twaga jake na Twaga ja Tata wake mvihanga vyawo.

LUGUBULO 14:9

Kalawilila malaika wekadatu kuwawinza waja, kuno yolonga na dizwi kulu, “Munhu yahamfugamila yuja Imnyama na kinyago chake, yobokela utango wake mkihanga chake hebu mumkono wake,

LUGUBULO 19:2

Kilumbo nhaguso zake zizo za ihoko, zigoloke; kilumbo kamtagusa yuja mtwanzi mgoni mkulu, yabanange iisi kwa ugoni wake; kamulihila mulopa wa watumwa wake wafile kwa mkono wake!”

LUGUBULO 20:4

Vinghalile nilola, nyona vigoda vya undewa, avija wakala baho wene kuvikalila, na hiwo wagwelelwa mhiko za kutagusa; nizona na loho za waja wakanhigwe matwi kwa kilumbo cha usindi wa Yesu, na kwa sosombi ja Longa da Mulungu; iwo waja walemile kumfugamila yuja Imnyama na kinyago chake, walemile kwigela utango wake mvihanga vyawo na mmakono gawo; hewo wagalamka wapile na kutawala hamonga na Kristo miyaka elfu.

LUGUBULO 22:4

Na hewo wochona kihanga chake, na twaga jake jokuwa mvihanga vyawo.

LUGUBULO 6:6

Mhulika dizwi dilawile hagatigati ya vija Viyumbe vine, dilonga, “Kisaga cha mhunga kigulagwa kwa mhiya bwando, na visaga vya uhemba vivija; komu mavuta na ugimbi vyobwagala.”

LUGUBULO 7:1

Imala niwona malaika wane, wemile nzugayuga muna zinyenza nne za isi kuzigoga mbeho nne za isi, giladi beho sikudikunghuse muisi hebu mbahali, hebu hali biki jojose.

LUGUBULO 7:2

Mhunde nimona malaika iyagwe yakwelile kulawa malawilo ga zuwa, kakala na utango wa Mulungu Mwene Upile; kawakema na dizwi kulu waja malaika wane, wagolelwe kwibananga iisi na bahali.

LUGUBULO 9:4

Walongelwa, Sikumbanange milolo ya muisi hebu kinhu chochose kili kibisi, hebu mibiki yoyose, bali mbanange wanhu waja wayeka walibule utango wa Mulungu mvihanga vyao.