LUGUBULO 4:8 - Lagano da Isambi

⁸ Viyumbe hivo vyose vine kila kimonga kikala na mabawa sita gamemile meso hosehose, kunze na mgati; hawahumula imisi hebu ikilo, wolonga, “Yangʼalile, Yangʼalile, Yangʼalile yuyo Magana Mulungu, Mwene iyenzi, Yakalile baho, Yali baha na Yondayeze!”

Bibilia ya Kizalamo

⁸ Na waja wene ugima wane, kila imwe kakala na mbawa sita, na wakala na meso kila hanhu, hata muuvungu wa mbawa zao. Imisi na ikilo hawalekile kulonga, “Yang'alile, yang'alile, yang'alile, iyo Mndewa Mulungu Mwene Udaho, yakalile baha, yali baha, na yondayeze.”

LUGUBULO 4:8 Iomraidhean Croise

Sanghano 20:31

Avo mkale meso na kukumbukila kamba miyaka midatu, ikilo na imisi, silekile kumzuma kila munhu na mahozi.

2 Wakorinto 6:18

Baho vondaniwe Tata wenu, amweye mokuwa wanangu wa kimbigalo na wa kitwanzi, vivo viyolonga Magana yotawala hohose.

1 Watesalonike 2:9

Che mwandugu, mougesa vino mgazo wetu na malumizo getu, vitusanghane ikilo na imisi, giladi sukutumgaduse munhu wowose wa kumwenu, kuno tudipeta Longa da Mulungu kumwenu?

1 Timoteo 4:16

Iteganye gweye mwenyecho na malangukizo gako, ugananahile; kilumbo uhatenda hivo, kokihonya mwenyecho na waja wokuhulika!

2 Timoteo 4:2

Udipete dilonga, basiliza nghani mazuwa gose hanogile na halekile kunoga; uhuguze wiho wawo, wakomhokele, wazume hamonga na kwazaganya na kuwalanguliza.

Waebrania 13:8

Yesu Kristo viyali dilelo na mayo, vivo yondayawe digunge na idigunge.

LUGUBULO 1:4

Niye Yohana nowalamusani mweye madale saba msaguligwe muli hiko Asia; uholo umkalileni na tindiwalo dilawaga kumwake Heyo yalibaho, yakalile baha, na yondayeze, na kwa waja Loho Saba wali hiko kuulongozi wa kigoda cha undewa,

LUGUBULO 1:8

“Niye iyo A na O” (kihindukizo chake, Waichanduso na Waikimambukizo), vivo viyolonga Magana Mulungu yalibaho, yakalile baho na yondayeze, Mwene iyenzi yose.

LUGUBULO 11:17

walonga, “Tokulavila nhogo gweye Magana Mulungu, Mwene mhiko zose, gwegwe ulibaho, na ukalile baho; kwa kilumbo usolile utawala wako mkulu!

LUGUBULO 14:11

Na yosi ja mgaduko wawo wokwela uchana digunge kwa digunge, wabule mhumulo imisi na ikilo iwo waja, wamfugamile yuja Imnyama na kinyago chake, wobokela utango wa twaga jake.”

LUGUBULO 14:3

Kuno wokwimba lwila lwa sambi behi ya kija ikigoda cha Yenzi, na behi ya vija Viyumbe vine hamonga na waja Wavyele; avino haduhu munhu yadahile kwifunza lwila luja komu waja 144 elfu wakomboligwe muna iisi.

LUGUBULO 15:3

Wemba lwila lwa Mose mtumigwa wa Mulungu, na lwila lwa Mwananghondolo, walonga, “Sanghano zako nghulu na za unzonza, Magana Mulungu Mwene nhogolwa; nzila zako zigoloka, zizo za ihoko, gweye Mndewa wa wanhu wose!

LUGUBULO 15:7

Baho imonga wa vija Viyumbe vine kawengha waja malaika saba nyungo saba za zahabu zimemile lusango lwa Mulungu Mwene upile wa digunge na digunge.

LUGUBULO 16:14

Kilumbo ayo iyo mizuka ya Mwenembago, isanghanaga vinzonza na kuwagendela watawala wa ulumwengu wose, giladi iwalundize kwa kutenda nghondo siku ija nghulu ya Mulungu Mwene yenzi, vondaivike.

LUGUBULO 16:7

Imala mhulika upango wa nhambiko ulonga, “Ihoko Magana Mulungu Mwene mhiko zose, kitala chako kicho chene ihoko, kigoloke!”

LUGUBULO 19:15

Na mmulomo wake mulawa sime ikutwa, giladi yawatowe walumwengu wose; na heyo kowachunga kwa mkongoja wa chuma; na heyo kokama mdikamulilo ja ugimbi uli usungu wa lusango lwa Mulungu Mwene kutawala hohose.

LUGUBULO 19:4

Baho waja Wavyele 24 na vija Viyumbe vine wagwa hasi na kumfugamila Mulungu Mwenekukala mkigoda cha Yenzi, kuno wolonga, “Amina, Yatunilwe Magana!”

LUGUBULO 21:22

Komu ngʼanda ya Mulungu sidiwene himo aka, kilumbo Magana Mulungu Mtawalagose na Mwananghondolo iyo nhambikilo yawo.

LUGUBULO 3:7

Mwandikile malaika wa didale dili hiko Filadelfia, Vivo yolonga Heyo Yangʼalile, Mwene ihoko, yali na luja lufungulo lwa Daudi; Heyo yondayafungule, haduhu yondayafunge kabili; Heyo yofunga, haduhu wa kufungula.

LUGUBULO 4:4

Kabili vigoda milongo mibili na vine vizunguluka ikigoda kija cha iyenzi; niwona wavyele 24 wakalile mumuja mvigoda, wavalile nguwo nzelu na milufiya ya zahabu mmagutwi gawo.

LUGUBULO 4:6

Na vivo behi ya ikigoda cha iyenzi kukala baho kinhu chenele kamba bahali ya mnangu, ingʼala nghani kamba kiwowo. Na aho hagatigati ya ikigoda cha iyenzi, nyenza zose hakala na Viyumbe vine vyene meso ga kuulongozi na kuchugu.

LUGUBULO 4:9

Na Viyumbe vija vihamtunila Yuja yakalile mkigoda cha yenzi, na kumdumba na kumwingha nhogo Heyo yali Mwene upile wa idigunge,

LUGUBULO 5:6

Imala nimona Mwana-Nghondolo yemile hagatigati ya ikigoda cha Yenzi na mgati ya vija Viyumbe vine na waja Wavyele, na heyo kakala kamba kasikwa; kakala na mhembe saba na meso saba; zizo zija Loho Saba za Mulungu, zitumigwe muisi yose.

LUGUBULO 6:1

Ilawabaho nimona mwana-nghondolo viyafungule utango wa ichanduso wa zija saba; mhulika imonga wa vija Viyumbe vine kalonga kwa dizwi ja kutongoloma, “Izo!”

LUGUBULO 6:6

Mhulika dizwi dilawile hagatigati ya vija Viyumbe vine, dilonga, “Kisaga cha mhunga kigulagwa kwa mhiya bwando, na visaga vya uhemba vivija; komu mavuta na ugimbi vyobwagala.”

LUGUBULO 7:11

Baho malaika wose wakalile wima kuzunguluka kija ikigoda cha Yenzi hamonga na waja Wavyele na vija Viyumbe vine, wagwa kingubanguba behi ya ikigoda cha Yenzi, wamtambikila Mulungu,

LUGUBULO 7:15

Avo wabaha hakihanga cha kigoda cha Yenzi cha Mulungu, na hewo womsanghanikila imisi na ikilo mdingʼanda jake; na Heyo yakalile mkigoda cha Yenzi kowasimikila hema jake.