LUGUBULO 4:4 - Lagano da Isambi

⁴ Kabili vigoda milongo mibili na vine vizunguluka ikigoda kija cha iyenzi; niwona wavyele 24 wakalile mumuja mvigoda, wavalile nguwo nzelu na milufiya ya zahabu mmagutwi gawo.

Bibilia ya Kizalamo

⁴ Kuzunguluka ikigoda cha undewa kukala na vigoda va undewa malongo mabili na vine viyagwe, vikalilwe na wavyele malongo mabili na wane. Wakala wavalile vivalo vizelu na mikungo ya zahabu mmapala gao.

LUGUBULO 4:4 Iomraidhean Croise

Mateo 19:28

Yesu kawalongela, “Kingongongo nomulongelani, Mwanage Munhu vondayakale mkigoda cha iyenzi yake mulumwengu wondawize, mweye mngholeleze niye, mokala na mweye mvigoda longo dimwe na vibili, muwataguse ngholo za Israeli longo dimwe na wabili.

Luka 22:30

Kwiza mwize kuja na kungʼwa haimeza yangu muna undewa wangu, na kukala muna ivigoda vya iyenzi, kuno muwataguse ngholo za Israeli uja mulongo umwe na wabili.

2 Timoteo 4:8

Kwiza nogolelwa mulufiya wa mgoloko, kinikilwe na Mndewa Mtagusi wa ihoko, koningha siku dija, viyemela si nene niiyeka, komu na wose wanogelwe na umbwelo wake.

LUGUBULO 11:16

Baho waja Wavyele 24 wakalile behi ya Mulungu muna ivigoda, wagwa kingubanguba, wamtambikila Mulungu,

LUGUBULO 14:3

Kuno wokwimba lwila lwa sambi behi ya kija ikigoda cha Yenzi, na behi ya vija Viyumbe vine hamonga na waja Wavyele; avino haduhu munhu yadahile kwifunza lwila luja komu waja 144 elfu wakomboligwe muna iisi.

LUGUBULO 19:14

Na madale ga kuulanga weilongoza nayo, kuno wakwelile nyumbu wazelu, wavazigwe nguwo za bafuta nzelu zimelemeta.

LUGUBULO 19:4

Baho waja Wavyele 24 na vija Viyumbe vine wagwa hasi na kumfugamila Mulungu Mwenekukala mkigoda cha Yenzi, kuno wolonga, “Amina, Yatunilwe Magana!”

LUGUBULO 2:10

Sikuugwaye magweka gondagakupate; lola Msigilahasi kowagela wayagwe wenu mmapikwi, giladi mgezigwe, na mweye kwiza mogaduswa mazuwa mulongo umwe; ugalamke mtamanilwa, vilema uvikile mkudanganika, na Niye nokwingha mulufiya wa upile.

LUGUBULO 20:4

Vinghalile nilola, nyona vigoda vya undewa, avija wakala baho wene kuvikalila, na hiwo wagwelelwa mhiko za kutagusa; nizona na loho za waja wakanhigwe matwi kwa kilumbo cha usindi wa Yesu, na kwa sosombi ja Longa da Mulungu; iwo waja walemile kumfugamila yuja Imnyama na kinyago chake, walemile kwigela utango wake mvihanga vyawo na mmakono gawo; hewo wagalamka wapile na kutawala hamonga na Kristo miyaka elfu.

LUGUBULO 3:18

Avo nokulagila nzila inogile, Gula kumwangu zahabu ingʼazigwe na moto, ugalamke mwene mali bwando; gula na nguwo nzelu kumwangu, uvale, ukulunge wako sikuwoneke, giladi sukuugwe kinyala; gula na nhumba ya gameso, ubakaze mmeso gako, giladi ulole!

LUGUBULO 4:10

baho waja Wavyele milongo mibili na wane wamgwilaga hamagulu Yuja yakalile mkigoda cha yenzi, womtambikila Heyo Yali Mwene upile wa idigunge; kuno woyasa milufiya yawo behi ya ikigoda cha yenzi, wolonga,

LUGUBULO 4:6

Na vivo behi ya ikigoda cha iyenzi kukala baho kinhu chenele kamba bahali ya mnangu, ingʼala nghani kamba kiwowo. Na aho hagatigati ya ikigoda cha iyenzi, nyenza zose hakala na Viyumbe vine vyene meso ga kuulongozi na kuchugu.

LUGUBULO 5:11

Kabili nyona na kuhulika mazwi ga malaika bwando, wemile nyenza zose za ikigoda cha Yenzi na za vija Viyumbe na waja Wavyele; na mpeto wawo ukala mizo kwa mizo ihindula mizo.

LUGUBULO 5:14

Na vija Viyumbe vine walonga, “Amina”, na waja Wavyele wagwa kingubanguba, wamtambikila.

LUGUBULO 5:6

Imala nimona Mwana-Nghondolo yemile hagatigati ya ikigoda cha Yenzi na mgati ya vija Viyumbe vine na waja Wavyele, na heyo kakala kamba kasikwa; kakala na mhembe saba na meso saba; zizo zija Loho Saba za Mulungu, zitumigwe muisi yose.

LUGUBULO 5:8

Baho viyakisolile ikitabu, vija Viyumbe vine na waja Wavyele 24 wamgwila hamagulu Imwana-Nghondolo, kila munhu kakala yagogile kingʼwengʼwe, na kikungu cha zahabu kimemile uvumba, zizo nhambiko za wangʼalile.

LUGUBULO 6:11

Imala wagwelelwa kila imonga nghanzu nzelu, walongelwa waituze tanhu hasigala siku ndodo, vondauduganye mpeto wa watumwa wayawo na ndugu zawo, wondawakomigwe vivija kamba wawo wenyego.

LUGUBULO 7:11

Baho malaika wose wakalile wima kuzunguluka kija ikigoda cha Yenzi hamonga na waja Wavyele na vija Viyumbe vine, wagwa kingubanguba behi ya ikigoda cha Yenzi, wamtambikila Mulungu,

LUGUBULO 7:9

Imala vinghalile nilola, mhunde niwona mtinghano bwando, haudahika kupetigwa na munhu wowose; wanhu wa isi zose, ngholo zose, vilagwa vyose na ulonzi wose, wema nzugayuga behi ya kigoda cha Yenzi na behi ya Mwana-Nghondolo, wavazigwe nghanju nzelu, na mmakono gawo wagoga matambi ga mitende.

LUGUBULO 9:7

Na umbo ja nzige hiwo dikala kamba nyumbu weikigwa goya kugwisa nghondo; hachana ha matwi gawo hakala kamba mulufiya wa zahabu, na vihanga vyawo vikala kamba vihanga va wanhu.