LUGUBULO 21:3 - Lagano da Isambi

³ Mhulika na dizwi kulu, dilawile mkigoda cha undewa, dilonga, “Lola kaye ya Mulungu yabaho hamonga na wanhu; Heyo kokala hamonga nawo, na hewo wogalamka wanhu wake, na Heyo kogalamka Mulungu wawo.

Bibilia ya Kizalamo

³ Nihulika dizwi kulu kulawa mkigoda cha undewa dolonga, “Lola, ukazi wa Mulungu wowa hamoja na wanhu. Na heyo kokala hamoja na hewo. Wowa wanhu zake, na Mulungu mwenyego kowa hamoja na hewo, na heyo kowa Mulungu wao.

LUGUBULO 21:3 Iomraidhean Croise

Yohana 1:14

Najo Longa digalamka lukuli, disimika hema kumwetu, na tweye tuyona iyenzi yake kamba iyenzi ya Mwana Nyadimwe yalawile kwa Tata, kamema uholo na ihoko.

Yohana 14:23

Yesu kedika kamulongela, “Munhu yahanogela, kodigoga longa jangu, na Tata wangu komnogela, na tweye tokwiza kumwake na kukala kumwake.

2 Wakorinto 6:16

Hebu ngʼanda da Mulungu dolingana vilihi na mizimu? Kilumbo tweye twa ngʼanda da Mulungu Yali na upile, kamba viyalongile, Nokala hagatigati yawo, kabili notembela kumwawo, nigalamke Mulungu wawo, na hewo wogalamka lukolo lwangu.

2 Wakorinto 6:18

Baho vondaniwe Tata wenu, amweye mokuwa wanangu wa kimbigalo na wa kitwanzi, vivo viyolonga Magana yotawala hohose.

1 Watesalonike 3:11

Komu Mulungu mwenyecho, Tata wetu na Mndewa wetu Yesu, kotubabazulila nzila inogile ya kwiza kumwenu.

Waebrania 11:16

Komu sambi waigesa isi inogile nghani kubanza ija, ayo iyo ili kuulanga; avo Mulungu hona kinyala cha kukemigwa Mulungu wawo, kilumbo kawasanghanila wambo.

Waebrania 8:10

Komu dijo Lagano jonda nilagane nawo wa mulango wa Israeli, kolonga Bwana, Nowengha malangukizo gangu gakale muli zingelegeza zawo, viyemela nogandika muli imiyoyo yawo, na niye nokuwa Mulungu wawo, na hewo wokuwa wanhu wangu.

Waebrania 8:2

Na heyo baho yoteganya hanhu haja hangʼalile ha Mulungu, hali na ihema senhambo, isimikwe na Magana, si wanhu mbee waisimikize.

LUGUBULO 10:4

Na hiyo milulumo saba viimalile kulonga, nilonda kuwandika ulonzi wawo; mhunde mhulika dizwi dilawa kuulanga, dilonga, “Gela utango ulonzi hiwo wa milulumo saba, komu sukuwandike.”

LUGUBULO 10:8

Baho dija idizwi dimhulike kulawa kuulanga, dilonga kabili na niye, “Genda ukisole kija ikitabu kidodo kigubuke, muli umkono wa malaika yuja yemile mgulu umwe mwibahali, na mgulu uyagwe muisi inyalile!”

LUGUBULO 12:10

Nimana kuhulika dizwi kulu kuulanga, dilonga, “Sambi uhonelo uvika, na mhiko za undewa zizo za Mulungu wetu, na ndagizi zizo za Kristo wake, kwa mzoko kasigwa hasi yuja yagelile ndugu zetu mkitala, yuyo yakalile yowahimbila wanhu hakihanga cha Mulungu wetu imisi na ikilo.

LUGUBULO 21:7

Mwene kuhuma kogahala gano gose, na niye nokuwa Mulungu wake, na heyo kokuwa mwanangu.

LUGUBULO 22:3

Hondadiwe baho duwilo jojose kabili; na kigoda cha Yenzi cha Mulungu na cha Mwana-Nghondolo chokuwa mumo mgati mmwake, na watumwa wake womsanghanila.

LUGUBULO 7:15

Avo wabaha hakihanga cha kigoda cha Yenzi cha Mulungu, na hewo womsanghanikila imisi na ikilo mdingʼanda jake; na Heyo yakalile mkigoda cha Yenzi kowasimikila hema jake.