LUGUBULO 13:6 - Lagano da Isambi

⁶ Baho yagubule lomo jake na kumuliga Mulungu, kaliga Twaga jake na Ihanhu hake na waja wene kukala kuulanga.

Bibilia ya Kizalamo

⁶ Kaunanula mulomo wake yamfukulile Mulungu, na kudilonga vihile twaga jake na hanhu hake hoyokala na waja wokala kuulanga.

LUGUBULO 13:6 Iomraidhean Croise

Mateo 12:34

Amweye mlelo wa mizoka, modahaze kulonga ganogile, mweye mwihile; kilumbo mlomo wa munhu wolonga gayamemeze mmoyo wake.

Mateo 15:19

Kilumbo muna umoyo molawa ngelegeza zihile, kukoma, ugoni, ufutuzi wa watwanzi, ubavi, ukalangama wa uvwizi, na maligo.

Yohana 1:14

Najo Longa digalamka lukuli, disimika hema kumwetu, na tweye tuyona iyenzi yake kamba iyenzi ya Mwana Nyadimwe yalawile kwa Tata, kamema uholo na ihoko.

Waroma 3:13

Mimelo yawo igalamka mikabuli igubuke; milimi yawo yogesa utungulu yeka, na sungu ya nyoka yamumo mmilomo yawo.

Wakolosai 1:19

Kwa mzoko Mulungu kanogelwa, yeke mgati mmwake ukungulufu wose wa Kilungu.

Wakolosai 2:9

Kilumbo mmwake Kristo, mulukuli lwake mumo mwenele ukungulufu wose wa Mulungu.

Waebrania 9:2

Hakala hemikizwa ihema ya kwingilila; mumo mkalile taa (haizimagwa) na meza, na migate yekilwe Magana.

Waebrania 9:24

Avo Kristo hengile hangʼalile hasanghanwe na makono hali umulingano uyeka wa Hangʼalile ha ihoko; bali kengila kuulanga wenyego, yalawilile sambi hakihanga cha Mulungu kwa giladi jetu tweye.

LUGUBULO 11:12

Imala wahulika dizwi kulu kulawa kuulanga, diwalongela, “Kweleni kuno!” Waja wakwela kuulanga mdiwingu, na iwandumu zawo kuno wowalola.

LUGUBULO 12:12

Avo dengheni mweye ulanga, na mweye mkalaga mumo! bali mweye mojona, isi na bahali, kilumbo Mwenembago kahulumuka kumwenu, kana lusango bwando, kilumbo kavimanya kamba mazuwa gake madodo.”

LUGUBULO 15:5

Imala nijona ngʼanda ja Mulungu, dija dihema ja usindi dili hiko kuulanga, vidifunguligwe.

LUGUBULO 18:20

Dengheni kwa kilumbo chake, mweye ulanga hamonga na wangʼalile na iwatumigwa na watulandagu, kilumbo Mulungu kalihiza migazo yenu!

LUGUBULO 21:3

Mhulika na dizwi kulu, dilawile mkigoda cha undewa, dilonga, “Lola kaye ya Mulungu yabaho hamonga na wanhu; Heyo kokala hamonga nawo, na hewo wogalamka wanhu wake, na Heyo kogalamka Mulungu wawo.

LUGUBULO 4:1

Imala vinghalile nilola, niwona mulango uvuguligwa kuulanga, na dija idizwi ja ikilongozi dimhulike kamba ja mhalati, dilonga na niye, “Kwela kuno nikulagile gonda galawilile hamwande!”

LUGUBULO 4:4

Kabili vigoda milongo mibili na vine vizunguluka ikigoda kija cha iyenzi; niwona wavyele 24 wakalile mumuja mvigoda, wavalile nguwo nzelu na milufiya ya zahabu mmagutwi gawo.

LUGUBULO 5:13

Na viumbigwe vyose uchana kuulanga na hasi muisi na kuzimu, na vili mbahali na vose viumbigwe vili mgati mwawo nivihulika vilonga, “Motelo, nhunizo, iyenzi na ugaga kanazo Heyo yakalile mkigoda cha Yenzi, hamonga na Mwana-Nghondolo digunge na idigunge!”

LUGUBULO 7:15

Avo wabaha hakihanga cha kigoda cha Yenzi cha Mulungu, na hewo womsanghanikila imisi na ikilo mdingʼanda jake; na Heyo yakalile mkigoda cha Yenzi kowasimikila hema jake.

LUGUBULO 7:9

Imala vinghalile nilola, mhunde niwona mtinghano bwando, haudahika kupetigwa na munhu wowose; wanhu wa isi zose, ngholo zose, vilagwa vyose na ulonzi wose, wema nzugayuga behi ya kigoda cha Yenzi na behi ya Mwana-Nghondolo, wavazigwe nghanju nzelu, na mmakono gawo wagoga matambi ga mitende.