LUGUBULO 13:16 - Lagano da Isambi

¹⁶ Na heyo kowananahiza wose, wadodo na wakulu, wene mali na walibule mali, walungwana na watumwa waigele utango mmikono yawo ya ukulume hebu mvihanga vyawo;

Bibilia ya Kizalamo

¹⁶ Ija imng'onyo kamshulutiza kila munhu, mdodo na mkulu, mgoli na mkumbulu, nyakadala na munhu yailegehe, yageligwe utango mumkono wake wa ukulume ama mkihanga chake,

LUGUBULO 13:16 Iomraidhean Croise

Sanghano 26:22

Komu Mulungu kanhaza kuvikila dilelo, na niye nima hano nowasindila wadodo na wakulu, kahi silonga mbuli iyagwe komu zija zilongigwe na Watulandagu na Mose, avo gonda galawilile gago gano.

1 Wakorinto 12:13

Kwa mzoko tweye tose tubatizwa na Loho yumwe, tugalamka lukuli lumwe; kamba tuhawa Wayuda hebu Wagriki, tuhawa watumwa hebu walungwana, tweye tose tungʼwezwa Loho yumwe.

Wagalatia 3:28

Kumwake Heyo kuduhu kabili Muyuda hebu Mgriki, mtumwa hebu mulungwana, mbigalo hebu mtwanzi; kilumbo mose mwa yumwe vumuli wanhu wa Kristo Yesu.

Wagalatia 6:17

Avo lulawile sambi, sekeyoneke yondayangaze kabili, kilumbo mulukuli lwangu nyenela nghovu za Yesu.

Waefeso 6:8

Kabili mvimanya, kila munhu yahasanghana vinogile vyovyose, kolihigwa na Mndewa, yahawa mtumwa hebu mgolo.

Wakolosai 3:11

Aho haduhu kabili Mgriki na Muyuda, hebu yengile kumbi na yuja yalekile kwingila kumbi, hebu mulilingwa na mmhazi, nyakadala hebu mulungwana, komu Kristo yuyo gose, na Heyo kamumo mmwawo wose.

2 Timoteo 3:8

Kamba waja Yane na Yambre (Waganga wa Farao) vuwambamilile Mose, na hewo vivo wobamilaga ga ihoko, wagalamka wanhu wabanangika nzewele, walemelwa na magweka ga inhamanilo.

LUGUBULO 11:18

Walumwengu wagwile lusango; baho lusango lwako lulawilila, na siku yako ivika ya kuwatagusa wafile, kuwengha kitumetume chawo watulandagu watumwa wako na wangʼalile wose, waja wodidumba twaga jako, wali wadodo kwa wakulu; na kuwabananga waja wabanange iisi!”

LUGUBULO 15:2

Kabili nichona kinhu kamba bahali ya kiwowo ibanile na moto; niwona waja wahumile mgazo wa yuja Mnyama na kinyago chake na mpeto wa twaga jake; wemile mmambwegambwega ga ibahali ya kiwowo, wogoga vingʼwengʼwe vya Mulungu.

LUGUBULO 19:18

Muje nghuli za watawala, na nghuli za wakulu wa asikali, na nghuli za wagaga, na nyama za nyumbu, na nghuli za waja wawakwelile, na nghuli za walungwana na za watumwa na za wanhu wose!”

LUGUBULO 19:20

Bali yuja Imnyama kagogigwa hamonga na mtowa mbizi wa utungulu, ayo yuyo yatendile vilolomboto hamwake kuwakonga waja waigelile utango wa Imnyama na kufugamila kinyago chake; hiwo iwabili wasigwa wahali wagima mdilamba ja moto ukwaka kwa lukwatulo (kibiliti).

LUGUBULO 19:5

Na dizwi dilawa mkigoda cha Yenzi dilonga, “Mtunizeni Mulungu wetu, mweye watumwa wake mose wene kumdumba Heyo, wadodo na wakulu!”

LUGUBULO 20:12

Vinghalile nilola, niwona wafile iwakulu na wadodo, wema behi ya kigoda cha undewa; baho vitabu vigubulwa; hakala na kitabu kiyagwe, na hicho kigubulwa, icho kija cha upile. Na waja wafile wataguswa kwa gaja gandikigwe muja mvitabu, kamba sanghano zawo vizikalile.

LUGUBULO 20:4

Vinghalile nilola, nyona vigoda vya undewa, avija wakala baho wene kuvikalila, na hiwo wagwelelwa mhiko za kutagusa; nizona na loho za waja wakanhigwe matwi kwa kilumbo cha usindi wa Yesu, na kwa sosombi ja Longa da Mulungu; iwo waja walemile kumfugamila yuja Imnyama na kinyago chake, walemile kwigela utango wake mvihanga vyawo na mmakono gawo; hewo wagalamka wapile na kutawala hamonga na Kristo miyaka elfu.

LUGUBULO 6:15

Baho watawala wa isi nawo wakulu na vilongozi na wene mali bwando na wene mhiko na iwatumwa wose na walungwana wose, waifisa muna imihango na hasi ya migema ya vigongo.

LUGUBULO 7:3

Komu kalonga, “Sikumbanange tanhu isi hebu bahali hebu mibiki, kikomo tuhamala kuwagela utango watumwa wa Mulungu wetu muna ivihanga vyawo!”