LUGUBULO 13:12 - Lagano da Isambi

¹² Na heyo lwamu lose lwa yuja Mnyama wa ichanduso kolusanghana hakihanga chake; kowaswagiza wanhu wose wokala muisi, wamfugamile Imnyama wa ichanduso, yahonile londa jake da kudanganika.

Bibilia ya Kizalamo

¹² Katenda mbuli zose muudaho wose wa ija imng'onyo wa ichanduso, kautenda ulumwengu na wose wokala mgati yake wamtambikile ija imng'onyo wa ichanduso, yakalile na londa dilondile kumkoma.

LUGUBULO 13:12 Iomraidhean Croise

2 Watesalonike 2:4

Yuja mwene dibamila yokidundula mwenyecho yokigamba mkulu kubanza vyose vikemigwa Mulungu hebu nhambiko, aho vondayeze kukala mkigoda mngʼanda ya Mulungu na kwitopa, Mulungu iyo nene.

LUGUBULO 13:2

Mnyama yuno vinimlolile kagamba kamba duma, na magulu gake gakala kamba ga bwelewe, na mulomo wake ukala kamba mulomo wa mnyamasongo; na dija dizoka dimwingha mhiko zake na kigoda chake cha undewa na ndagizi bwando.

LUGUBULO 13:8

Kwa kilumbo hicho wanhu wose wakalaga muisi, womfugamila, iwo waja walekile kwandikwa muna ikitabu cha ugima cha Mwana-Nghondolo Yasikigwe; kwa mzoko watangika kusongela isi hainaumbigwa. –

LUGUBULO 14:11

Na yosi ja mgaduko wawo wokwela uchana digunge kwa digunge, wabule mhumulo imisi na ikilo iwo waja, wamfugamile yuja Imnyama na kinyago chake, wobokela utango wa twaga jake.”

LUGUBULO 14:9

Kalawilila malaika wekadatu kuwawinza waja, kuno yolonga na dizwi kulu, “Munhu yahamfugamila yuja Imnyama na kinyago chake, yobokela utango wake mkihanga chake hebu mumkono wake,

LUGUBULO 16:2

Yomana kwinuka waichanduso, kalukutula lungo lwake hasi; halawilila mapute gehile gana usungu mwa waja wanhu, wabokele utango wa yuja Imnyama, na waja wene kukifugamila kinyago chake.

LUGUBULO 17:8

Yuja mnyama yumonile na heyo kakala umwaka, kabili vino sambi kakuduhu, bali kwiza kolawa kuzimu yochola kwangamila: awaja wakalile muisi walekigwe kwandikwa matwaga gawo mkitabu cha upile lulawile haja ulumwengu vuumbigwe, wose womkanganya vondawamone yuja Mnyama, yakalile kuko, vyemela sambi kahaduhu, komu kwiza kokuwa baho chusa.

LUGUBULO 19:20

Bali yuja Imnyama kagogigwa hamonga na mtowa mbizi wa utungulu, ayo yuyo yatendile vilolomboto hamwake kuwakonga waja waigelile utango wa Imnyama na kufugamila kinyago chake; hiwo iwabili wasigwa wahali wagima mdilamba ja moto ukwaka kwa lukwatulo (kibiliti).

LUGUBULO 20:4

Vinghalile nilola, nyona vigoda vya undewa, avija wakala baho wene kuvikalila, na hiwo wagwelelwa mhiko za kutagusa; nizona na loho za waja wakanhigwe matwi kwa kilumbo cha usindi wa Yesu, na kwa sosombi ja Longa da Mulungu; iwo waja walemile kumfugamila yuja Imnyama na kinyago chake, walemile kwigela utango wake mvihanga vyawo na mmakono gawo; hewo wagalamka wapile na kutawala hamonga na Kristo miyaka elfu.