LUGUBULO 12:4 - Lagano da Isambi

⁴ Na mkila wake wokwega fungu jekadatu ja nhondo za kuulanga na kuzibwanha hasi; imala dija zoka diza, dima behi ya yuja imtwanzi yolonda kulela, giladi yahalela dimuje imwanage.

Bibilia ya Kizalamo

⁴ Mkila wake uzikwekwesa selusi ya nhondo kulawa kuulanga na kuzasa muisi. Zoka hijo dima haulongozi wa mtwanzi yakalile behi na kulela giladi yammeze mwanage kipigiti vondayavumbuke.

LUGUBULO 12:4 Iomraidhean Croise

Yohana 8:44

Mweye mwa wanage Mwenembago tata wenu, na sulukilo za tata wenu zizo zimulonda kuzitenda. Heyo kakala mkoma wanhu kulawa ichanduso, wala hemile muihoko, kilumbo mgati mmwake mduhu ihoko. Hoyolonga uvwizi, kalongaga igake mwenyecho, kilumbo heyo mtungulu, kabili iyo tata wa utungulu.

1 Petro 5:8

Mkalagale, kaleni mangweda, kilumbo yuja mgala-nghondo wenu, Mwenembago kozunguluka kamba Mnyamasongo, kuno yotongoloma, yozahila munhu wa kumbwila.

LUGUBULO 12:7

Kukala na nghondo kuulanga: Mikaeli na malaika zake wagomba na dija dizoka; na dizoka digwisa nghondo hamonga na malaika zake.

LUGUBULO 12:9

Imala dija dizoka dikulu jasigwa hasi, dijo zoka kulu da umwaka dikemagwa Mgela Kiswalu na Mwenembago Yakongaga wanhu wose; kasigwa hasi hamonga na malaika zake wose.

LUGUBULO 13:2

Mnyama yuno vinimlolile kagamba kamba duma, na magulu gake gakala kamba ga bwelewe, na mulomo wake ukala kamba mulomo wa mnyamasongo; na dija dizoka dimwingha mhiko zake na kigoda chake cha undewa na ndagizi bwando.

LUGUBULO 13:4

Imala wamfugamila dija dizoka, kwa kilumbo kamwingha ija mnyama mhiko zake; na yuja mnyama na heyo wamfugamila, walonga, “Yalihi yagambile na mnyama yuno, kabili yalihi yodaha kutenda nghondo nayo?”

LUGUBULO 16:13

Niyona mizuka midatu ya ubweto ilawile mmulomo wa dija dizoka, na mmulomo wa yuja Imnyama, na mmulomo wa yuja mulaguzi wa utungulu, igalamka kamba mabula.

LUGUBULO 17:18

Na yuja imtwanzi yuwene, dijo wambo kulu ja utawala wa watawala wa muisi.”

LUGUBULO 20:2

Yomana kudigoga dija dizoka, dijo dija zoka da umwaka dikemagwa Mgela kiswalu na Mwenembago, kamdaza miyaka elfu.

LUGUBULO 8:10

Na malaika waikadatu viyatatalise mhalati yake, ibwanhika nhondo nghulu kulawa kuulanga, ikalile ikwaka moto kamba wenge, digwa hana difungu daikadatu ja nyanda zose na zinzokwe za mazi.

LUGUBULO 8:11

Nhondo hiyo twaga jake ikemagwa Usungu; na wanhu bwando wadanganika kilumbo cha mazi gaja gageligwe usungu.

LUGUBULO 8:12

Malaika waikane viyatatalise mhalati yake, ditowigwa fungu jekadatu ja zuwa na fungu jekadatu ja mbalamwezi, na fungu jekadatu ja nhondo, giladi muna gamafungu gawo gaikadatu gageligwe ziza, imisi fungu jekadatu jake sukudilangaze, hebu ikilo vivija.

LUGUBULO 8:7

Waichanduso viyatatalise mhalati yake, mvula ya mabwe na moto ihanganywe na mulopa, imana kugwa hasi, na fungu daikadatu ja isi disakala, na fungu daikadatu ja mibiki disakala, na milolo mibisi yose isakala.

LUGUBULO 8:8

Na malaika wekabili viyatatalise mhalati yake, kinhu kigambile gongo kulu dikwaka moto, jasigwa mwibahali, na fungu daikadatu ja bahali digalamka mulopa.

LUGUBULO 8:9

Na fungu daikadatu ja viumbe vya mbahali vikalile na ugima, vidanganika, na fungu daikadatu ja mimeli ya mbahali ibanangika.

LUGUBULO 9:10

Na hewo mikila yawo isongoka kamba ya inge, na himo mmikila yawo mumo mhiko zawo muzili za kuwagaza wanhu miyezi mitano.

LUGUBULO 9:19

Kilumbo mhiko za waja nyumbu zamumo muna imilomo yawo na imikila yawo; kwa mzoko mikila yawo iigamba na nyoka wene matwi; igo gawalumilaga nago.