LUGUBULO 11:3 - Lagano da Isambi

³ Na niye nogala wasindi zangu wabili, wafambule siku zija

Bibilia ya Kizalamo

³ Na nie nowagwelela mhiko wasindila zangu wabili, na hewo wouhokola usenga wangu mkipigiti cha mazua higo 1,260, kuno wavalile vivalo va magunia.”

LUGUBULO 11:3 Iomraidhean Croise

Mateo 11:21

“Leka kojona, gweye Korazini! leka kojona Betisaida! Kilumbo vilolomboto vija visanghanilwe kumwako, maza kamba visanghanwe muiisi ya Tiro na Sidoni, wahagaluke mwaka na kuvala magunia na kubakala mitozi!

Mateo 18:16

Kamba hakuhulike, msole mgale ha munhu imonga hebu wabili, giladi imbuli ikale goya kwa milomo ya wasindi wabili bule wadatu.

Luka 10:13

Kojona gweye Korazini, kojona gweye Betisaida! Kilumbo vilolomboto vija visanghanilwe kumwako, maza kamba visanghanwe muiisi ya Tiro na Sidoni, wahagaluke mwaka na kuvala magunia na kubakala mitozi.

Luka 24:48

Na mweye mwemwe wakalangama wa mbuli zino.

Yohana 15:27

Na mweye vivo mosindila, kilumbo kulawa chanduso mkala hamonga na niye.

Yohana 3:27

Yohana kedika yolonga, “Munhu hadaha kubokela longa jojose, kamba hagwelelwe na Tata wa Uchana.

Sanghano 1:8

Komu mweye mogwelelwa mhiko aho Loho Yangʼalile yahawahulumukila, baho mogalamka wasindi wangu hano Yerusalemu, na isi yose ya Uyuda na Samaria, mvike uzigililo wa iisi.”

Sanghano 13:31

Koneka mazuwa bwando na waja wacholile nayo hamonga kulawa Galilea hata Yerusalemu; vilema awo wawo wasindi wake hakihanga cha wanhu wose.

Sanghano 2:32

Yesu hiyo Mulungu kamzusa, na tweye tose twa wasindi wake.

Sanghano 3:15

Ayuja mwene kulongoza kuugima mumkoma, komu Mulungu kamzusa kulawa kwa wafile, na tweye twa wasindi wake.

1 Wakorinto 12:28

Na Mulungu, kwa kilumbo cha didale da Yesu Kristo, kaweka lwa ichanduso watumigwa, lwekabili watulandagu, lwekadatu walangukizi, imalabaho mhiko za vilolomboto, imalabaho vigolelo vya kuhonya vyugulo, kwitaza, kulongoza, ulonzi yungwa uno na uno.

2 Wakorinto 13:1

Uno uwo mwanza waikadatu niheza kumwenu; avo mbuli zose zokanhigwa kwa kusindilwa na wasindi wabili hebu wadatu.

Waefeso 4:11

Na Heyo kaweka wayagwe wagalamke watumigwa, wayagwe wawe walaguzi, wayagwe wainjilisti, wayagwe wachunga na walangukizi.

LUGUBULO 1:5

na kumwake Yesu Kristo yali Msindi mtamanilwa, na kilanja wa kulawa kwa wafile, Mkulu wa watawala wa muisi; heyo katunogela, katugombola mmatozo getu kwa mulopa wake.

LUGUBULO 11:2

Komu mabegehi gali hiko kunze kuna dingʼanda da Mulungu, ugaleke sukuugalinge; kilumbo higo wagolelwa wanhu wa zingholo, na hewo wodibojaga diwambo dingʼalile miyezi milongo mine na mibili.

LUGUBULO 11:6

Hewo wenghigwa mhiko ya kuufunga ulanga, giladi mvula sikuyatowe mazuwa gaja ga utulandagu wawo; kabili wenghigwa mhiko ya mazi kugahindula gagalamke mulopa, na kuigela isi maliho gogose, miyanza yoyose iwolonda.

LUGUBULO 12:6

Na heyo imtwanzi kakimbilila kuluwala, ako kana hanhu hayamsagulile Mulungu, yateganywe hiko mazuwa elfu imwe mizo mibili na milongo sita (1,260).

LUGUBULO 13:5

Imala kenghigwa lomo da kulonga makulu ga kumuliga Mulungu; kagolelwa mhiko za kutenda magweka gake higo miyezi 42.

LUGUBULO 19:10

Nimana kumgwila hamagulu gake yuja malaika, nimfugamile, bali heyo kanongela, “Lola sikuunigwile; niye namtumwa miyenu gweye na ndugu zako wagogile usindi wa Yesu; komu umgwile Mulungu!” Avo usindi wa Yesu uwo uwengha watulandagu loho ya kufambula.

LUGUBULO 20:4

Vinghalile nilola, nyona vigoda vya undewa, avija wakala baho wene kuvikalila, na hiwo wagwelelwa mhiko za kutagusa; nizona na loho za waja wakanhigwe matwi kwa kilumbo cha usindi wa Yesu, na kwa sosombi ja Longa da Mulungu; iwo waja walemile kumfugamila yuja Imnyama na kinyago chake, walemile kwigela utango wake mvihanga vyawo na mmakono gawo; hewo wagalamka wapile na kutawala hamonga na Kristo miyaka elfu.