LUGUBULO 1:6 - Lagano da Isambi

⁶ Avo katugongomanya tugalamka undewa wa Watambika kwa Mulungu, Tata wake, viyemela iyenzi na mhiko zizo zake digunge na digunge. Amina –

Bibilia ya Kizalamo

⁶ Katutenda tweye kuwa undewa wa wakulu wa nhambiko giladi tumsang'hanikile Mulungu Tataake. Yenzi na mhiko viwe kumwake milongo yose! Amina.

LUGUBULO 1:6 Iomraidhean Croise

Mateo 6:13

Kabili sikuutugele mkugezwa bali utuhonye na ija Mndumu. Kilumbo undewa uwo wako, na mhiko na iyenzi milongo na milongo.

Yohana 5:23

giladi wose wamdumbe Mwana kamba vowomdumba Tata. Yolema kumdumba Mwana, hamdumba Tata yamgalile.

Waroma 11:36

Kilumbo gose galawa kumwake, gatendigwa na Heyo, kabili gobwela kumwake; Heyo yatunizwe digunge kwa digunge, Amina.

Waroma 15:6

giladi mumtunize Mulungu Tata wa Mndewa wetu Yesu Kristo kwa moyo umwe na ulonzi umwe.

Wafilipi 2:11

Na kila lulimi lotambula kamba Mndewa yuyo Yesu Kristo, giladi Mulungu Tata yatunizwe.

1 Timoteo 6:16

heyo yaiyeka yuyo hafaga, kakalaga mmulangaza hauvikagwa na munhu; kuduhu munhu yamonile, hebu kuduhu munhu yodaha kumulola; heyo zomgamba nhunizo zose na mhiko za idigunge, Amina.

Waebrania 13:21

yawagongomanye muna gamagweka gose, mtende goyolonda, kwa mzoko Heyo yuyo yotwingha tusanghane gomnogeza hakihanga chake, tuhamkola Yesu Kristo, yuyo yagambile kutunilwa halibule na uzigililo. Amina.

1 Petro 4:11

Munhu yahapeta dilonga, yalonge dija ja Mulungu; yahasanghanila didale, nayasanghanike kwa mhiko ziyenghigwe na Mulungu, giladi muna gamagweka gose Mulungu yatunizwe kwa kilumbo cha Yesu Kristo, na Heyo kagamba iyenzi na mhiko zose digunge na idigunge, Amina.

1 Petro 5:11

Heyo yaiyeka yuyo mwene ugalu wose digunge kwa digunge, Amina.

2 Petro 3:18

Komu gendeleleni kukula muna uholo na ukalagavu wa kumtanga Mndewa wetu na Muhonya Yesu Kristo, na Heyo yatunizwe vino sambi na idigunge, Amina.

LUGUBULO 1:9

Niye Yohana ndugu yenu na miyenu muna imigazo na muna undewa na muna ukufunya umoyo kwa kilumbo cha Yesu, nghala mkibandasi kikemagwa Patmo, kwa mzoko nibwililisa Longa da Mulungu na kumsindila Yesu.

LUGUBULO 20:6

Kamota na mwene kungʼala yuyo munhu yondayengile muli ukuzuka kwa ichanduso; hewo kifo chaikabili chabule mhiko nawo, bali wokuwa watambika wa Mulungu na wa Kristo, wotawala hamonga na Heyo miyaka ija elfu.

LUGUBULO 4:11

“Ikwandama gwegwe Mndewa Mulungu wetu, kubokela iyenzi, nhunizo na mhiko, kilumbo gweye gwegwe uumbile vinhu vyose kwa manogelwa gako; avo vyabaha, viziga kuumbigwa.”

LUGUBULO 5:10

Kuwasanghana wagalamke wandewa na watambika wa Mulungu wetu, iwo wonda waitawale iisi.”