LUGUBULO 1:2 - Lagano da Isambi

² Heyo yuyo yadisindile Longa da Mulungu na usindi wa Yesu Kristo, gaja gose gayawene.

Bibilia ya Kizalamo

² ayo yasindile mbuli zose ziyaziwene, nazo zizo usenga wa Mulungu na usindila wa Yesu Kilisto.

LUGUBULO 1:2 Iomraidhean Croise

Yohana 1:32

Kabili Yohana kasindilila yolonga, “Nimona Loho viyohulumuka kamba huwa yolawa kuulanga, kamkalila muiti.

Yohana 12:17

Na wanhu waja wakalile hamonga na heyo, viyamkemile Lazaro kulawa mdikabuli na kumzusa, wamsindila.

Yohana 19:35

Na heyo yaviwene kavisindila, na usindi wake uwo wa ihoko, na heyo kavimanya kamba kolonga ihoko, giladi mweye mtogole.

Yohana 21:24

Avo yuno yuyo imwanahina yagasindile gano na kugandika gano, atweye tuvimanya usindi wake uwo wa ihoko.

Yohana 3:11

Kingongongo nokulongela, tweye tupetaga gatutangile, tusindilaga gatuwene, amweye usindi wetu hamuubokela.

Sanghano 22:15

Vivo viyokulongela gweye, kogalamka msindi wangu haiwanhu wose, kugasindila magweka higo gauwene na kugahulika.

Sanghano 26:16

Komu inuka, wime na magulu gako, kwa mzoko acho icho kilumbo kinikulawilile, nikwike gweye ugalamke msanghani na msindila gano gauwene, na gaja gonda nikulagusile.

Sanghano 4:20

Kwa mzoko hatudaha kuleka kugapeta magweka gatonile na kugahulika.”

1 Wakorinto 1:6

na usindi wa Kristo wopata mhiko kumwenu.

1 Wakorinto 2:1

Mowandugu, vinizile kumwenu kuubwililisa usindi wa Mulungu, sizile kuwalongela ulonzi mtali wa nzewele bwando.

1 Yohana 1:1

Dija dikalile haikilongozi, dituhulike, dituwene kwa meso getu, ditulolile na kubabasa na makono getu, dijo Longa da Upile ditupetaga.

1 Yohana 4:14

Na tweye tuvona na kusindila kamba Tata kamgala Mwana, yagalamke Mkombola wa ulumwengu.

3 Yohana 1:12

Demetrio kosindilwa na wose, nayo ihoko yomsindila, na tweye tomsindila vivo, na gweye kovimanya kamba usindi wetu uwo wa ihoko.

LUGUBULO 1:11

dilonga, “Gano goukona gandike muna ikitabu, uwagalile gaja madale saba gali hiko Efeso, Smirna, Pergamo, Tiatira, Sarde, Filadelfia na Laodikia!”

LUGUBULO 1:19

Andika magweka gose gauwene, gano galibaho na gaja gondagalawilile hamwande!

LUGUBULO 1:9

Niye Yohana ndugu yenu na miyenu muna imigazo na muna undewa na muna ukufunya umoyo kwa kilumbo cha Yesu, nghala mkibandasi kikemagwa Patmo, kwa mzoko nibwililisa Longa da Mulungu na kumsindila Yesu.

LUGUBULO 12:11

Na hewo wamuhuma na mhiko ya mulopa wa Mwana-Nghondolo, na kwa ulonzi wa usindi wawo, hawaunogele ugima wawo, vilema wavikile mkudanganika.

LUGUBULO 12:17

Avo dizoka dimonela lusango yuja imtwanzi, kachola kugwisa nghondo na waja wasigale muulelwa wake, iwo wawo wazigoga ndagizo za Mulungu na usindi wa Yesu.

LUGUBULO 20:4

Vinghalile nilola, nyona vigoda vya undewa, avija wakala baho wene kuvikalila, na hiwo wagwelelwa mhiko za kutagusa; nizona na loho za waja wakanhigwe matwi kwa kilumbo cha usindi wa Yesu, na kwa sosombi ja Longa da Mulungu; iwo waja walemile kumfugamila yuja Imnyama na kinyago chake, walemile kwigela utango wake mvihanga vyawo na mmakono gawo; hewo wagalamka wapile na kutawala hamonga na Kristo miyaka elfu.

LUGUBULO 22:21

Uholo wa Mndewa Yesu umkalileni mweye mose. Amina.

LUGUBULO 6:9

Na viyafungule utango wainhano, nyona hauvungu wa upango wa nhambiko loho za wanhu wakomigwe kwa kilumbo cha Longa da Mulungu, na kilumbo cha usindi uwasindile.