Abharooma 3:11 - Eriiragano Eriihya

¹¹ Atariho omuutu wuno akumenya amangʼana ga Taatabhugya, kweeki atariho wuno akumukomya okumumenya.

Abharooma 3:11 Iomraidhean Croise

Mataayo 13:19

Abhaatu bhobhoosi bhano bhakwiigwa amangʼana go obhutemi bhwa mwiisaaro nawe bhatakugamenyeekererya, Seetaani, omubhi wurya, araaza no okusaakura amangʼana gano geemiibhwe muziikoro zyaabhu. Abhaatu bhayo, bhatuubheeni na kyeego eziimbibho zino zyagwiiri munzira no okuriibhwa ne ebhinyonyi.

Abharooma 1:22

Bhariizuungya kubha nibho bha amangʼeeni, nawe ni bhageege.

Abharooma 1:28

Ambe, abhaatu bhaangiri okumumenya Taatabhugya, kweego Taatabhugya neewe akabhatiga bhabhe bharatuniirira amiiseego gaabhu go okwiitubhuuzikania. Bhoono abhaatu bhakakora amangʼana gano gatakweenderwa kukorwa.

Abharooma 3:10

Ni kyeego Amakaamo Amahoreeru gakubhuga, “Atariho omuutu we eheene embere wa Taatabhugya, naabhe owumwe.

Abharooma 3:12

Abhaatu bhoosi bhatigiri okumwiigwa Taatabhugya, bhoosi bhatakweenderwa kweeki embere waaye. Atariho omuutu wuno akukora amazomu, atariho naabhe owumwe.”

Abharooma 8:7

Abhaatu bhano bhakukaangatibhwa ne esimuka yaabhu ye ebhibhi, bhayo ni bhabhisa bha Taatabhugya. Bhatakwiikirirya okugwaata emigiro gyaaye, kweeki bhatakunagya okugigwaata.

Tito 3:3

Naabhe etwe abheene twaari bhageege na tutaari tumenyiri amangʼana ga Taatabhugya, abhaangi na tukaangiririibhwe, eno tubheeri abhagya bhe eziinaamba mbiihu zya tuubho nzaru. Obhwiikari bhweetu bhwaari bhubhi no omugono. Abhaatu bhaari bharatubhiihirirya, neetwe twaari turabhabhiihirirya.

1 Yohana 5:20

Kweeki tumenyiri kubha, Omwaana wa Taatabhugya amariri kuuza, na atuheeri amangʼeeni, okubha tumumenye Taatabhugya. Bhoono, tuno obhumwe na Taatabhugya we eheene, kwo okubha tuno obhumwe no Omwaana waaye Yeesu Krisito. Wuno niwe Taatabhugya we eheene no obhuhoru bhwa kirakeego.