Abharooma 3:10 - Eriiragano Eriihya

¹⁰ Ni kyeego Amakaamo Amahoreeru gakubhuga, “Atariho omuutu we eheene embere wa Taatabhugya, naabhe owumwe.

Abharooma 3:10 Iomraidhean Croise

Mataayo 15:19

Mukoro yo omuutu, nimwe muyo gakurwa amiiseego mabhiihu, obhwiiti, obhuseebheeti, obhutuungiri, obhwiibhi, obhumenyeekererya bhwo orurimi na amatuki.

Mariko 10:18

Yeesu akamukyoora, “Kwaki orabhuga enye ni muzomu? Atariho omuutu muzomu, nawe Taatabhugya omweene ego.

Abharooma 11:8

Ni kyeego Amakaamo Amahoreeru gakubhuga, “Taatabhugya akabhakora bhabhe ne eziikoro kongʼu, akabharibha ameeso okubha bhatarora, kweeki akabharibha amatwi okubha bhatiigwa. Niigo bhari reero yino.”

Abharooma 3:11

Atariho omuutu wuno akumenya amangʼana ga Taatabhugya, kweeki atariho wuno akumukomya okumumenya.

Abharooma 3:23

kwo okubha abhaatu bhoosi bhakoriri ebhibhi no obhwiikari bhwaabhu bhutakweerekya obhuguungo bhwa Taatabhugya.

Abharooma 3:4

Zeyi, naabhe hasuuhu! Abhaatu bhoosi ni bhabheehi, nawe Taatabhugya yeerekirye kubha arakora kino akubhuga. Ni kyeego Amakaamo Amahoreeru gakubhuga iguru waaye, “Oraahaye abhaatu kwe ebhibhi bhyaabhu, amangʼana gaazo ni ge eheene. Oraabhatinire ekiina, obhutini bhwe ekiina kyaazo ni bhwe eheene.”

Tito 3:3

Naabhe etwe abheene twaari bhageege na tutaari tumenyiri amangʼana ga Taatabhugya, abhaangi na tukaangiririibhwe, eno tubheeri abhagya bhe eziinaamba mbiihu zya tuubho nzaru. Obhwiikari bhweetu bhwaari bhubhi no omugono. Abhaatu bhaari bharatubhiihirirya, neetwe twaari turabhabhiihirirya.

1 Petero 1:16

kwo obhugazuro Taatabhugya abhugiri mu Makaamo Amahoreeru, “Mubhe abhahoreeru, kwo okubha enye ni muhoreeru.”

Obhukuundukuro 21:8

Nawe abhoobha, na bhano bhatakumwiikirirya Taatabhugya, bhano bhakumutiindya Taatabhugya, abhiiti, abhaseebheeti, abharogi, bhano bhakuseengera emisaambwa na abhabheehi, bhayo bhoosi ahagiro haabhu ni nyaanza yo omuriro omuhaari. Runo nirwo oruku rwa kabhiri.”

Obhukuundukuro 22:15

Nawe abharogi bhoosi, abhaseebheeti, abhiiti, bhano bhakuseengera emisaambwa na bhoosi bhano bhakuseega okugaamba orurimi, bharabha igutu yo omugye guyo kye embwa.