1 Petero 2:6 - Eriiragano Eriihya

⁶ Kyeego Amakaamo Amahoreeru gakubhuga, “Murore, mumugye gwa Sayuni niratuura eriigina eriikuru ryo obhurusa, kweeki niryo eriigina ryo obhuguri obhukuru rino niasoriri. Na wowoosi wuno akumwiikirirya Yeesu Krisito kubha niwe eriigina riyo, atakusuukibhwa na rumwe!”

1 Petero 2:6 Iomraidhean Croise

Mataayo 12:18

“Murore, wuno niwe omuhokya waane wuno nimusoriri, omuseegwa waane wuno akunizomeerya ekoro yaane. Ndamuhaana Ekoro yaane, okubha araarike obhutuurya kubhaatu bhe ebhyaaro bhyoosi.

Mariko 12:10

Mbe, mukyaari kusoma Amakaamo Amahoreeru gano? ‘Eriigina rino abhoomboki bhaaryaangiri, niryo ribheeri eriigina eriikuru ryo obhurusa.

Ruuka 20:17

Yeesu akabhamogorera, akabhabhuurya, “Bhoono mbe! Amakaamo gano gano obhugazuroki? ‘Eriigina rino abhoomboki bhaaryaangiri, niryo ribheeri eriigina eriikuru ryo obhurusa.’

Ruuka 23:35

Abhaatu bhakiimeerera hayo bhakiisuunza, na abhakaangati bha Abhayahudi, bhakataanga okumuseka Yeesu, bhakabhuga, “Ndora ahaabhatuurya abhaandi, bhoono araabhe niwe Masiya wuno yasorirwe na Taatabhugya, yiituurye omweene.”

Yohana 7:38

Amakaamo Amahoreeru garabhuga, omuutu wowoosi wuno akuniikirirya enye, ‘Emisabhuko gya amaanzi go obhuhoru giragera okurwa muusi waaye.’ ”

Amahokya ga Abheega 1:16

“Abhahiiri bhaane, ekeenderwa Amakaamo Amahoreeru gakorwe, kyeego Ekoro Muhoreeru akaroota kuhitira kumutemi Daudi kwiiguru wa Yuuda, wuno yakaangatiri abhaatu bhano bhaamugwaatiri Yeesu.

Abharooma 10:11

Amakaamo Amahoreeru garabhuga, “Omuutu wuyo woosi wuno akumwiikirirya, atakusuukibhwa na rumwe!”

Abhaefeso 1:4

Hano Taatabhugya yaari akyaari kuteema ekyaaro, akatusora tubhe abhaaye kwo okugwaatana na Krisito. Akakora ego, okubha tubhe abhahoreeru bhano tutana masoro embere waaye. Kwe ekigirirye kyo obhuseegi bhwaaye,

Abhaefeso 2:20

Emwe mubheeri kyeego enyuumba yino yoombokirwe iguru wo obhurusa bhwa abheega na abharooti, neewe Krisito Yeesu omweene niwe eriigina eriikuru ryo obhurusa bhuyo.

2 Timoteo 3:16

Amakaamo Amahoreeru goosi gakaamirwe kubhukaangati bhwa Taatabhugya. Gayo garangʼarira kwo okweegya obhuheene, okubharekya abhaatu kubha bhatige ebhibhi bhyaabhu, okubhakaangata hano bhakusarya, no okubheerekya kino kikweenderwa embere wa Taatabhugya.

1 Petero 2:4

Yeesu niwe eriigina eriihoru ryo okwoombokera. Eriigina riyo, abhaatu bhakaryaanga, nawe Taatabhugya akarisora, kweeki rino obhuguri bhukuru mumeeso gaaye. Ambe, mukumwiisukira Yeesu,

1 Petero 2:8

Kweeki, Amakaamo Amahoreeru garabhuga, “Eriigina riyo niryo rino abhaatu bhakwiikuzaku, na riragirirya abhaatu bhabhe bharagwa.” Abhaatu bharagwa, kwo okubha bhatakwiigwa engʼana ya Taatabhugya. Ego niigo bhaari bhatuuriirwe kweema ekare.

2 Petero 1:20

Nawe, kutuuma gayo, muhiite kubha bhutariho obhurooti bhwa Amakaamo Amahoreeru bhuno abharooti bhaagarwiiri kutuukana na amiiseego gaabhu abheene,

2 Petero 3:16

Muziinyaarubha zyaaye zyoosi arakeerenerya amangʼana gayo. Gariho amangʼana agaandi makongʼu okugamenyeekererya muziinyaarubha zyaaye ziyo. Amangʼana gayo, abhaatu bhano bhatana obhumenyi na bhakyaari kugumira mubhwiikirirya, bharagatubhuuzikania, kyeego bhakutubhuuzikania Amakaamo Amahoreeru agaandi. Kweego, bhariigirirya obhusikibhwa bhwaabhu.